David Lynch - ekki bara leikstjóri

Fyrir utan allt sem David Lynch er til lista lagt í kvikmyndageiranum fæst hann við ótrúlegustu hluti þar fyrir utan, svo sem húsgagnasmíði, ljósmyndun og tónlist.

Viðtal við The Virgin Tongues: Rokk og ról byrjaði ekki með Elvis

Eins og greint hefur verið frá í fréttum slasaðist söngvari bandarísku hljómsveitarinnar The Virgin Tongues alvarlega að morgni síðastliðins föstudags þegar hann féll út um glugga á fjórðu hæð húss við Skólavörðustíg. Söngvarinn Duncan McKnight er haldið sofandi í öndunarvél á Landspítalanum og segja læknar líðan hans stöðuga. Til stóð að sveitin spilaði með íslensku sveitinni Singapore Sling á laugardagskvöldið en af því varð auðvitað ekki. Í staðinn hljóp önnur sveit í skarðið og voru haldnir styrktartónleikar fyrir Duncan. Fréttablaðið birti um þarsíðustu helgi viðtal við meðlimi sveitarinnar og fer það hér á eftir:

Fyrsta æfingin hjá Jóhönnu tókst vel - myndband

Jóhanna Guðrún Jónsdóttir stóð sig vel að mati þeirra sem fengu að fylgjast með fyrstu æfingu hennar á sviðinu í Moskvu en Ísland tekur þátt í undankeppni Eurovision þar í borg þann 12. maí næstkomandi. Á heimasíðunni eurivision.tv er gerður góður rómur að æfingu íslenska hópsins en sviðsmyndin þykir sérlega glæsileg.

Arnaldur heillar Spánverja með „La mujer de verde“.

Skáldsagan Grafarþögn eftir Arnald Indriðason kom út fyrir rúmum mánuði á Spáni undir heitinu La mujer de verde. Þetta er önnur bók Arnaldar sem kemur út þar í landi en áður hefur Mýrin verið gefin út á spænsku.

Pink kýs konur og karla

Söngkonan Pink hefur staðfest það sem marga hafði grunað. Hún er tvíkynhneigð. Allt frá því að Pink sagði skilið við motorcrosskappann Carey Hart í fyrra hefur verið stöðugur orðrómur um að hún væri meira gefin fyrir konur en karla.

Cheryl Cole er drottning ITV sjónvarpsstöðvanna

Cheryl Cole getur sannarlega kallast drottning bresku ITV sjónvarpsstöðvanna eftir að hún landaði samningi sem færir henni 2,1 milljón punda, eða röskar 380 milljónir íslenskra króna, í árstekjur.

Winehouse fékk nálgunarbann á ljósmyndara

Breska blaðið Guardian fullyrðir að dómstóll þar í landi hafi úrskurðað að ljósmyndarar hasarblaðanna megi ekki koma nálægt söngkonunni Amy Winehouse á heimili hennar.

Segir Björk greiða 99% af tekjum sínum í ríkissjóð

Björk Guðmundsdóttir söngkona mun leggja sitt af mörkum við að vinna Ísland út úr kreppunni. Henni veitir heldur ekkert af því, enda er hún nánast eini Íslendingurinn sem þénar eitthvað nú um mundir.

Megan Fox er kynþokkafyllsta kona í heimi

Megan Fox, stjarnan úr Transformers, hefur verið valin kynþokkafyllsta kona heims af lesendum FHM. Hún hefur þar með skotist upp fyrir Cheryl Cole úr Girls Aloud. Samkeppnin sem Megan óttast mest er hins vegar sú sem Angelina Jolie veitir henni. „Hún er öflug manneskja, hún gæti étið mig lifandi," segir Megan.

Krummi syngur með Trúbroti

Krummi Björgvinsson fetar í fótspor Rúnars Júlíus­sonar á minningartónleikum í kvöld þegar hann syngur Am I Really Living.

Meryl Streep heiðruð í Róm

Leikkonan Meryl Streep fær afhent heiðursverðlaun fyrir æviframlag sitt til leiklistar­innar á Alþjóðlegu kvikmyndahátíðinni í Róm sem verður haldin í október.

N-listinn aftur í sviðsljósið

„Við fengum 995 atkvæði, stefndum alltaf að því að koma manni inn og fá þannig eitthvað fjármagn í kassann,“ segir Bjarki Björgúlfsson, nemi í Bretlandi. Hann var á lista Náttúrlagaflokkans í Alþingiskosningunum árið 1995 sem boðaði þar innhverfa íhugun til hjálpar Íslendingum; að lítill hópur fólks myndi stunda þessa hugleiðslutækni og ná þannig að virkja kraft þjóðarinnar enn frekar.

Nýtt andlit í Stundinni okkar

„Við erum byrjuð að skrifa saman, ég og Björgvin. Hann verður áfram umsjónarmaður þáttarins og ég verð svona aukakarakter. Svo bregð ég mér í ýmis hlutverk," segir leikkonan Anna Svava Knútsdóttir, sem ráðin hefur verið annar umsjónarmanna Stundarinnar okkar næsta vetur.

Næsta Batman-mynd betri

Leikarinn Christian Bale er sannfærður um að næsta Batman-mynd verði ennþá betri en The Dark Knight. Bale, sem hefur leikið skikkjuklæddu hetjuna í síðustu tveimur myndum, vonar að næsta mynd eigi eftir að koma á óvart og slá The Dark Knight við, en sú sló öll aðsóknarmet fékk frábæra dóma gagnrýenda. „Ætlum við að gera þriðju myndina?

Poppstjarna opnar fiskbúð

„Við munum einhenda okkur í að fá vínveitingaleyfið hið fyrsta. Svo maður þurfi nú ekki að vera hér edrú alla daga. Það hefur aldrei farið mér mjög vel að vera alveg edrú. Mjúkur er ég langbestur,“ segir Ragnar Gunnarsson, öðru nafni Raggi Sót í Skriðjöklunum.

Pólskur sjónvarpskokkur tekur upp efni á Íslandi

„Þú getur spurt hvaða Pólverja sem er um Robert, það þekkja hann allir," segir Michal Gierwatowski, vararæðismaður Póllands, um pólska sjónvarpskokkinn Robert Maklowicz. Hann er nú staddur hér á landi í tengslum við pólska daga og hefur hannað pólskan matseðil fyrir Brasserie Grand auk þess sem hann tekur upp þrjá þætti fyrir sjónvarpsseríu sína.

Þéttleikinn enn til staðar

Rokksveitin Foreign Monkeys frá Vestmannaeyjum sem vann Músíktilraunir 2006 hefur gefið út sína fyrstu plötu. Þétt og kraftmikil spilamennska einkennir plötuna.

Guy Ritchie fær strákana í þrjá mánuði

Breski kvikmyndaleikstjórinn Guy Ritchie og bandaríska poppdívan Madonna hafa náð samkomulagi um að strákarnir þeirra, hinn átta ára gamli Rocco og hinn fjögurra ára gamli David Banda, verði hjá honum yfir sumartímann. Madonna er að halda í tónleikaferðalag um Evrópu og sættist á þau rök fyrrverandi eiginmanns síns að skynsamlegast væri fyrir strákana að vera hjá pabba sínum í stað þess að vera á stanslausum þvælingi.

Myndband af Susan Boyle syngjandi á yngri árum

Breska götublaðið Daily Record hefur grafið upp 25 ára gamalt myndband af piparjónkunni Susan Boyle sem hefur brætt hjörtu breskra sjónvarpsáhorfenda með söng sínum. Boyle kom öllum á óvart þegar hún mætti í hæfileikaþáttinn Britains Got Talent og hóf upp engilfagra raust sína sem sumir vilja meina að passi illa við annars ósköp venjulegt útlitið.

Lindsey skellti sér á brimbretti

Ungstirnið Lindsey Lohan, sem nú jafnar sig á sambandsslitum hennar og plötusnúðsins Samönthu Ronson, brá sér á brimbretti á Hawaii í gær. Eins og sjá má á myndinni er Lindsey liðtæk á brettinu en hún mun vera í eyjunni í fylgd með yngri systur sinni. Áður en hún skrapp til Hawaii sagði Lindsey í viðtali við Ellen DeGeneres að þær Samantha væru enn góðar vinkonur.

Sirkus Britney kemur til Evrópu

Poppgyðjan Britney Spears hefur ákveðið að framlengja tónleikaferð sína Circus og mun hún koma fram á tólf tónleikum í Evrópu í sumar. Evrópuferðin hefst þann 19 júní í Dublin á Írlandi og síðan fer hún til Frakklands, Belgíu, Danmerkur, Svíþjóðar, Finnlands, Rússlands, Póllands og Berlínar. Þar lýkur túrnum þann 26. júlí í Berlín, fyrir þá sem hafa áhuga á því að skella sér út til að virða fyrirbærið fyrir sér með eigin augum.

Fyrsti þáttur Hringfaranna á netið í dag

Þættirnir Hringfararnir, eða Circledrawers í leikstjórn Ólafs Jóhannessonar hefja göngu sína í dag, 1. maí á veraldarvefnum. Um er að ræða fyrstu íslensku vefþáttaseríuna sem frumsýnd er á internetinu, öllum opið til áhorfs. Í tilkynningu frá framleiðanda kemur fram að þættirnir eru níu talsins og eru þeir frumsýndir með viku millibili og eru sniðnir að bandarískri fyrirmynd um vefþætti.

Dæmdur fyrir að ofsækja Tyru Banks

Tæplega fertugur karlmaður frá Georgíufylki í Bandaríkjunum var í dag dæmdur fyrir ofsækja súpermódelið Tyru Banks. Maðurinn, sem heitir Brady Green hafði fullyrt við lögregluna að hann og Tyra ættu í ástarsambandi. Lögreglan taldi skýringar hans ekki trúanlegar enda hafði Tyra sagt að hún væri hrædd við hann. Maðurinn gæti átt fyri höfði sér allt að níutíu daga fangelsi en refsing mannsins verður ekki ákveðin fyrr en 18. júní.

Ingó í IDOL - myndir

„Þetta kemur aldrei almennilega í ljós fyrr en þetta er búið," svarar Ingó söngvari aðspurður um keppendurna sem standa eftir í Idol stjörnuleit en hann var gestur þáttarins síðasta föstudag. „Það er alltaf erfiðara að koma fram í þáttunum en raunveruleikanum. Það kemur allt í ljós með þessa krakka seinna því þau eiga öll möguleika á að gera eitthvað í sínum tónlistarferli - ef þau hafa áhuga," segir Ingó og bætir við: „Þetta er hörkuvinna." Meðfylgjandi má sjá myndir sem teknar voru í Smáralind síðasta föstudag.

Top Gun gyðja er lesbía

Leikkonan Kelly McGillis, 51 árs, hefur staðfest að hún er lesbía. Kelly, sem hlaut heimsfrægð þegar hún lék á móti Tom Cruise í kvikmyndinni Top Gun, hefur undanfarin ár verið á síðum slúðurmiðla þar sem því var oftar en ekki haldið fram að hún væri samkynhneigð. Kelly kom út úr skápnum og játaði kynhneigð sína á vefsíðunni SheWired.com.

Penn sækir um skilnað

Sean Penn hefur óskað eftir skilnaði frá eiginkonu sinni til þrettán ára, Robin Wright Penn. Þetta er í annað sinn á tveimur árum sem parið fer þessa leið en að þessu sinni virðist leikaranum vera full alvara. Hann ku hafa lagt inn beiðni til dómsyfirvalda og er því málið komið í þar til gerðan farveg.

Scarlett með bestu brjóstin

Menn finna sér ýmislegt til dundurs á tímum svína-flensu og efnahagshruns. Sjónvarpsþátturinn Access Hollywood efndi nýlega til könnunar um hvaða Hollywood-stjarna skartaði myndarlegasta barminum.

Innhverf íhugun Lynch til bjargar Íslandi í kreppu

Lynch hefur að eigin sögn stundað innhverfa íhugun frá árinu 1973. Á síðari árum hefur hann einbeitt sér að því að kynna þessa hugleiðslutækni fyrir öllum heiminum, flogið heimshornanna á milli og flutt fagnaðarerindið. Heimildarmynd um ferðir hans er í vinnslu og hann útilokar ekki að Íslandsheimsóknin rati þar inn.

Fótboltakappi gerist rappari

Fótboltakappinn Daníel Hjaltason stígur fram á sjónarsviðið sem rappari í fyrsta sinn á föstudagskvöld þegar haldnir verða tónleikar á Sódómu Reykjavík undir yfirskriftinni „Verkalýðs-Hiphop“.

Nostalgía fyrir Britpoppara

Britpop-aðdáendur geta merkt við 8. júní á dagatölunum sínum og farið að hlakka til. Þá verður gefinn út þriggja diska safndiskur, Common People. The Britpop Story, með flestum af þekktustu hljómsveitum þessa eftirminnilega tímabils.

Hundraðasta myndin í bígerð

Hasarhetjan Jackie Chan er með sína hundruðustu kvikmynd í bígerð. Myndin nefnist Chinese Zodiac og ætlar Chan að leikstýra henni ásamt Stanley Tong, sem leikstýrði honum á sínum tíma í Rumble in the Bronx. Chan, sem er 55 ára, er þessa dagana að ljúka við Hollywood-myndina The Spy Next Door, þar sem Magnús Scheving leikur á móti honum, og einnig hina kínversku Big Soldier. Eftir að framleiðslu þeirra lýkur er röðin komin að Chinese Zodiac, sem verður tekin upp í Kína, Austurríki og í Frakklandi. Chan hefur einnig verið í viðræðum um að leika Hr. Miyagi í endurgerð The Karate Kid frá árinu 1984.

Íslendingar í borg englanna

Margt var um manninn í kynningarpartíi fyrir íslenska tónlist sem var haldið í Los Angeles á dögunum. Partíið þótti heppnast einkar vel og mynduðust góð tengsl sem vafalítið eiga eftir að nýtast vel í framtíðinni. Um kokkteilboð var að ræða sem var ætlað að koma íslenskri tónlist að í bandarískum kvikmyndum og sjónvarpsþáttum. Gestgjafi var Lanette Phillips, sem var viðstödd ráðstefnuna You Are In Control í Reykjavík síðasta haust.

Högni með nýja plötu

Færeyski tónlistarmaðurinn Högni Lisberg hefur gefið út plötuna Haré! Haré!. Platan hefur fengið mikið lof í færeyskum og dönskum fjölmiðlum og þykir hann hafa fundið sinn tón með þessari þriðju plötu sinni.

Eiga von á tvíburum

Sarah Jessica Parker, stjarna Beðmála í borginni, á von á tvíburum með manni sínum, Matthew Broderick. Leikkonan, sem er 44 ára, gengur þó ekki sjálf með börnin tvö heldur leigumóðir. Parker og Broderick eiga saman sex ára gamlan strák og hafa mikið reynt að fjölga mannkyninu en með litlum árangri.

Kynþokkafullur úlfamaður

Ástralski hjartaknúsarinn Hugh Jackman leikur aðalhlutverkið í hasar-myndinni X-Men Origins: Wolverine sem er nýkomin í bíó.

Gervais í Flanimals

Þrívíddarteiknimyndin Flanimals, sem er byggð á barnabókum grínistans Ricky Gervais, er í undirbúningi. Gervais mun einnig tala fyrir aðalpersónuna. Handritshöfundur verður Matt Selman sem hefur skrifað fyrir The Simpsons-þættina.

Creed snýr aftur

Einhver umdeildasta hljómsveit síðari tíma, Creed, hefur ákveðið að koma saman aftur eftir fimm ára hlé. Creed hefur alltaf átt sér sterkan aðdáendahóp, þar á meðal hér á landi, en óhætt er að fullyrða að jafn stór hópur teljist vart til aðdáenda. Sumir ganga meira að segja svo langt að lýsa yfir hreinu hatri á Creed.

Umdeildur Iggy Pop

Rokkarinn Iggy Pop hefur alltaf verið á milli tannanna á fólki og jafnan vakið deilur. Nú er hann enn og aftur kominn í fréttirnar en að þessu sinni af óvenjulegu tilefni. Iggy birtist fyrr á þessu ári, öllum að óvörum, sem andlit auglýsingaherferðar breska tryggingafyrirtækisins SwiftCover.com.

Ennþá ferskir eftir öll þessi ár

Það er engan bilbug að finna á ensku þremenningunum í Depeche Mode, en á dögunum sendu þeir frá sér sína tólftu hljóðversplötu, Sounds of the Universe. Trausti Júlíusson tékkaði á þessu lífseiga rafpoppbandi.

Nýtt frá Wilco

Sjöunda plata hljómsveitarinnar Wilco er væntanleg í búðir í lok júní. Platan kallast einfaldlega „Wilco (The Album)“ og á henni verða ellefu lög, þar á meðal „Wilco (The Song)“. Söngkonan Feist syngur í einu lagi plötunnar.

Leggjalöng Le Bon - myndir

Á meðfylgjandi myndum má sjá 19 ára Amber Le Bon í stuttum Moschino satín kjól. Amber, sem er dóttir Simon Le Bon, 49 ára, söngvara Duran Duran og ofurfyrirsætunnar Yasmin Le Bon, 43 ára, á ekki langt að sækja langa leggina. Ef myndirnar af mæðgunum sem teknar voru Chanel tískusýningu árið 1991 og síðasta mánudag má greinilega sjá hvað hún líkist móður sinni.

Ella Dís fær loksins hjálp frá ríkinu

Vísir hafði samband við mömmu Ellu Dísar, Rögnu Erlendsdóttur, og nýtt stuðningsforeldri Ellu Dísar, Sylvíu Rún Idolkeppanda sem féll úr keppninni síðasta föstudag. „Við erum loksins búin að fá í gegn hjálp frá ríkinu að fá borgað fyrir starfsmann. Þetta var algjör hausverkur eins og allt sem kemur að ríkishjálp,“ segir Ragna þakklát fyrir styrkinn. „Þetta er bara æðislegt. Sylvía Rún kemur um hádegið og er að hjálpa mér að hafa ofan af fyrir Ellu Dís. Hún syngur og les fyrir hana og sér til þess að munnurinn og kokið fylllist ekki af slími því Ella Dís getur ekki andað. Hún notast enn við öndurnaraðstöðu," segir Ragnar. Sylvía hjálpar mikið „Svo þarf að hreyfa hana og þetta er bara almenn umönnun því Ella Dís getur ekki hreyft sig. Sylvía hjálpar mér við að hafa ofan af fyrir henni gefa henni næringu og skipta á henni. Það sem þarf að gera á hverjum degi,“ segir Ragna sem eignaðist aðra stúlku 18. febrúar síðastliðinn. „Ég eignaðist litla stelpu 18. febrúar. Hún heitir Mia. Það gengur mjög vel. Brjálað að gera. Þess vegna þurfti ég að leita að aðstoðarmanneskju. „Sylvía er alveg rosalega dugleg. Það var líka æðislegt að þekkja hana fyrir en við erum báðar frá Grundarfirði." Sá auglýst eftir hjálp fyrir Ellu Dís „Ég sá auglýsingu á job.is og hafði samband við Rögnu. Það gengur mjög vel og Ella Dís hefur það bara ágætt,“ svara Sylvía aðspurð hvernig það kom til að hún gerðist stuðningsforeldri Ellu Dísar. „Ég er félagsskapur fyrir Ellu. Ég syng fyrir hana og aðstoða hana að fara upp í rúm og þess háttar. Annars er ég stuðningsfulltrúi með annan strák eina helgi í mánuði. Hann er ekki mikið veikur eins og Ella Dís,“ segir Sylvía sem er barnlaus. Idolið „Það er skrýtið að vera dottin út og líka af því að ég hef fengið gott fídbakk eins og: „Þú átti ekki eftir að detta út!" - þessi fílingur. En ég ætla ekki að hætta að syngja. Ekki séns," segir Sylvía áður en kvatt er.

Aldrei fleiri sköllóttir á þingi

Enginn sköllóttur datt út af þingi í kjölfar kosninga en bættist hins vegar góður liðsauki: Þráinn Bertelsson (O), Þór Saari (O) og Tryggvi Þór Herbertsson (D). Fyrir voru þeir Kristján Möller (S), Jón Bjarnason (Vg), Atli Gíslason (Vg) og Steingrímur J. Sigfússon (Vg). Þessi staðreynd leggst ákaflega vel í förðunarfræðing fræga fólksins, Karl Berndsen, sem sjálfur er sköllóttur og er með sérstakan tískuþátt á Skjáeinum. Fréttablaðið bað hann um að rýna með sér í táknmál tískunnar og Karl segir þetta fyrst og fremst tákn um karlmennsku.

Grey"s-stjarna í íslensku boði

Eric Dane, sem leikur Dr. Mark Sloan í læknaþáttunum Grey"s Anatomy, var á meðal 250 gesta í kynningarpartíi fyrir íslenska tónlist sem var haldið í Los Angeles um síðustu helgi. Um kokkteilboð var að ræða sem fór fram á heimili Lanette Phillips, eins virtasta framleiðanda tónlistarmyndbanda í heiminum, sem sótti tónlistarráðstefnuna You Are In Control í Reykjavík í fyrra.

Óður Stuðmanna um Rúna Júl

Stuðmenn hafa verið í hljóðveri til að taka upp óð um sjálfan Rúnar Júlíusson eftir Valgeir Guðjónsson. Um leið kynna þeir til sögunnar nýja framlínu sem er samanlagt 36 ára miðað við 110 ára aldur áður.