Upson til Stoke á frjálsri sölu

Miðvörðurinn Matthew Upson er genginn til liðs við Stoke City. Upson, sem skrifaði undir tveggja ára samning við enska úrvalsdeildarfélagið, kemur til félagsins á frjálsri sölu.

Skilaboð Arsenal til Man. City: Nasri er ykkar fyrir 22 milljónir punda

Frakkinn Samir Nasri er líklega á leiðinni til Manchester City eftir að Arsenal gaf það út að Manchester City geti keypt hann á 22 milljónir punda. Daily Mail segir að viðræður félaganna gangi hratt fyrir sig.

Óvíst hvort leikir í ensku úrvalsdeildinni í Lundúnum fari fram

Upphaf ensku úrvalsdeildarinnar um helgina er í óvissu vegna óeirðanna í Lundúnum undanfarna daga. Lögregluyfirvöld munu taka ákvörðun um hvort leikirnir fari fram. Það sem ræður úrslitum er hvort lögreglan telji sig hafa nægan mannskap til þess að standa vörð á leikjunum.

Reading selur sinn helsta markaskorara annað árið í röð - Long til WBA

Enska B-deildarliðið Reading er búið að selja sinn helsta markaskorara annað árið í röð. Í fyrra seldi liðið Gylfa Þór Sigurðsson til þýska liðsins Hoffenheim í haustglugganum og í dag seldi liðið síðan framherjann Shane Long til enska úrvalsdeildarliðsins West Bromwich Albion.

Japanski snillingurinn kominn með atvinnuleyfi - má spila með Arsenal

Japanska ungstirnið Ryo Miyaichi, leikmaður Arsenal, er kominn með atvinnuleyfi. Kantamaðurinn 18 ára, sem var í láni hjá Feyenoord í Hollandi á síðustu leiktíð, er því klár í slaginn með lærisveinum Arsene Wenger.

Barton æfir með aðalliði Newcastle á nýjan leik

Joey Barton miðvallarleikmaður Newcastle United æfði með aðalliði félagsins á nýjan leik í gær. Barton, sem hefur fengið grænt ljós á frjálsa sölu frá félaginu, æfði einn í síðustu viku en óánægju gætti hjá stjórnarmönnum Newcastle vegna framkomu hans á Twitter.

Radosav Petrovic gengur til liðs við Blackburn

Blackburn Rovers hefur gengið frá kaupum á Serbanum Radosav Petrovic frá Partizan í Belgrad. Miðjumaðurinn skrifaði undir fjögurra ára samning við Blackburn en kaupverðið hefur ekki verið gefið upp.

Michael Ball til liðs við Sven Göran hjá Leicester

Vinstri bakvörðurinn Michael Ball hefur skrifað undir eins árs samning við Leicester City. Ball, sem hefur verið samningslaus frá 2009, æfði með Leicester á undirbúningstímabilinu og þótti standa sig það vel að honum var boðinn samningur.

Gabriel Obertan semur við Newcastle

Franski kantmaðurinn Gabriel Obertan er genginn til liðs við enska úrvalsdeildarfélagið Newcastle. Obertan skrifaði undir fimm ára samning við félagið en kaupverðið er talið vera þrjár milljónir punda eða sem nemur um 567 milljónum íslenskra króna.

Landsleik Englands og Hollands aflýst

Enska knattspyrnusambandið hefur tekið þá ákvörðun að aflýsa æfingaleik Englands og Hollands sem fram átti að fara á Wembley á miðvikudagskvöld. Ástæðan eru óeirðirnar í London undanfarna þrjá daga.

Daily Mail: Carlos Tevez búinn að missa fyrirliðabandið hjá City

Carlos Tevez mætti í fyrsta sinn á æfingu hjá Manchester City í dag eftir að hafa fengið 21 dags frí hjá Roberto Mancini eftir Copa America keppnina. Framtíð Argentínumannsins hjá félaginu hefur verið í miklu uppnámi allt þetta ár eftir að hann lét óánægju sína í ljós og heimtaði það að vera seldur.

Búið að fresta tveimur leikjum vegna óeirðanna í London

Óeirðirnar í London eru farnar að hafa áhrif á enska fótboltann því það er búið að fresta tveimur leikjum í enska deildarbikarnum sem áttu að fara fram í London annað kvöld. Lundúnarlögreglan óskaði eftir því að leikirnir færu ekki fram.

Henderson hjá Liverpool: Ætla að komast á sama stall og Wilshere

Jordan Henderson er mjög spenntur fyrir fyrsta tímabilinu sínu með Liverpool og er staðráðinn að reyna fara sömu leið upp metorðastigann og Jack Wilshere gerði hjá Arsenal á síðustu tímabilum. Liverpool keypti Henderson á 16 milljónir punda frá Sunderland í sumar.

Dawson: Stefnum á fjögur efstu sætin

Michael Dawson miðvörður Tottenham í ensku úrvalsdeildinni segir Tottenham setja markið á fjögur efstu sætin í deildinni. Leikmenn sem stuðningsmenn vilji komast aftur í Meistaradeildina.

Lampard með sýkingu í hálsi - missir af Hollandsleiknum

Frank Lampard, miðjumaður Chelsea, hefur bæst í hóp miðjumanna enska landsliðsins sem missa af vináttulandsleiknum á móti Hollandi á Wembley á miðvikudaginn. Hann er veikur, glímir við sýkingu í hálsi, og hefur yfirgefið herbúðir enska landsliðsins.

Rooney: Við tókum City-liðið í kennslustund

Wayne Rooney, framherji Mancehester United, var ánægður með ungu strákana á móti Manchester City í gær og er á því að Manchester United hafi gefið, nágrönnum sínum og væntanlegum erkifjendum á komandi tímabili, skýr skilboð með því að vinna 3-2 sigur í leik liðanna um Samfélagsskjöldinn á Wembley.

Cleverley í enska landsliðið - Carrick og Wilshere meiddir

Tom Cleverley hefur verið valinn í enska landsliðið í knattspyrnu sem mætir Hollandi í æfingaleik á miðvikudagskvöld. Jack Wilshere og Michael Carrick hafa báðir þurft að draga sig úr landsliðshópnum vegna meiðsla.

Joe Hart þrefaldar launin sín hjá Man City

Enski landsliðsmarkvörðurinn Joe Hart hefur skrifað undir nýjan fimm ára samning við Manchester City. Talið er að Hart þreföldi vikulaun sín með nýjum samningi.

Upplýsingar um laun leikmanna Blackburn láku út

Enska úrvalsdeildarfélagið Blackburn Rovers vill losna við nokkra leikmenn af launaskrá félagins. Upplýsingar um laun leikmannanna umræddu voru tekin saman í skjal til upplýsinga fyrir áhugasöm félög en hefur lekið út.

Carragher: Liverpool fellur aldrei úr úrvalsdeildinni

Jamie Carragher leikmaður Liverpool segir bestu leiðina til þess að koma í veg fyrir að Manchester United vinni fleiri úrvalsdeildartitla sé að Liverpool vinni titilinn sjálft.

Dein um Wenger: Auðvelt að reka en erfiðara að ráða einhver betri

David Dein, fyrrum stjórnarformaður Arsenal, segir Arsene Wenger enn hafa mikinn metnað og sigurvilja. Wenger hefur legið undir gagnrýni undanfarin misseri vegna titlaleysis. Dein bendir á að auðvelt sé að reka knattspyrnustjóra en erfiðara að finna betri mann í starfið.

Robbie Savage leikur í auglýsingaherferð fyrir enska boltann

Hin litríki knattspyrnumaður, Robbie Savage, tók þátt í auglýsingaherferð fyrir neðri deildir Englands, en hann klæddist treyjum allra liða í Championsshipdeildinni, 1. deildinni og 2. deildinni eða alls 72 treyjur.

Chelsea gefst ekki upp á Modric

Chelsea er greinilega ekki tilbúið að gefast upp á Luca Modric, miðjumanni Tottenham, og hafa lagt fram enn eitt tilboðið í leikmanninn. Fyrr í sumar hafði Tottenham hafnað tilboði upp á 27 milljónum punda, en nú ætlar Roman Abramovich, eigandi Chelsea, að bjóða enn betur.

Ferguson: Áttum sigurinn skilið

"Mér fannst frammistaða leikmannanna vera frábær út allan leikinn,“ sagði Alex Ferguson, knattspyrnustjóri Man. Utd., eftir sigurinn gegn Man. City í leiknum um Samfélagsskjöldin. Manchester United vann magnaðan sigur, 3-2, eftir að hafa lent 2-0 undir.

Chelsea og Anderlecht ná samkomulagi um Lukaku

Enska knattspyrnufélagið Chelsea er við það að ganga frá kaupum á belgíska undrabarninu Romelu Lukaku frá Anderlecht, en félögin náðu samkomulagi um leikmanninn um helgina.

Cardiff sigraði West Ham - Aron lék allan leikinn

West Ham United byrjar ekki vel í ensku Championship deildinni, en félagið tapaði gegn Cardiff, 0-1, á Upton Park í fyrstu umferð deildarkeppninnar.

Man. Utd. vann Samfélagsskjöldin eftir magnaðan úrslitaleik

Manchester United vann stórleikinn gegn Manchester City, 3-2, um Samfélagsskjöldin eftir að hafa lent 2-0 undir. Man. Utd. lék frábærlega í síðari hálfleiknum og sýndi meistaratakta. David De Gea, markvörður Man. Utd, var sennilega manna kátastur eftir leikinn en hann gat gert betur í báðum mörkunum sem United fékk á sig í leiknum. Fylgst var með gangi mála beint á Vísi sem sjá má hér að neðan.

Capello: Barton of hættulegur fyrir landsliðið

Fabio Capello, landsliðsþjálfari Englands, mun ekki velja Joey Barton í landsliðið í sinni þjálfaratíð. Hann telur Barton vera of hættulegan fyrir landsliðið.

Enska úrvalsdeildin: Aldrei fleiri félög gert tilkall

Viðureign Manchester-félaganna City og United í Samfélagsskildinum í dag markar að margra mati upphaf leiktíðarinnar á Englandi. Aðeins vika er í að flautað verði til leiks í ensku úrvalsdeildinni á nýjan leik.

Mancini vill fá fleiri leikmenn

Roberto Mancini segir að hann sé ekki með nógu marga leikmenn til að geta unnið ensku úrvalsdeildina á næsta keppnistímabili. Hann vill fá 2-3 leikmenn til viðbótar.

Vongóðir um að Van der Vaart nái fyrsta leik

Kevin Bond, aðstoðarstjóri Tottenham, er vongóður um að Hollendingurinn Rafael van der Vaart verði orðinn góður af meiðslum sínum áður en liðið leikur sinn fyrsta leik í ensku úrvalsdeildinni.

Eriksen hafnaði Manchester City

Umboðsmaður hins danska Christian Eriksen segir að leikmaðurinn hafi hafnað tækifæri til að ganga til liðs við Manchester City og þéna þær háar upphæðir.

Capello búinn að velja landsliðið

Andy Carroll og Scott Parker eru báðir í enska landsliðinu sem mætir Hollandi í vináttulandsleik á miðvikudagskvöldið.

Carew kominn til West Ham

John Carew gekk í dag til liðs við enska B-deildarfélagið West Ham. Hann var síðast á mála hjá Aston Villa en samningur hans rann út í lok síðasta tímabils.

Sunderland hefur áhuga á Bellamy

Steve Bruce, stjóri Sunderland, hefur áhuga á að fá Craig Bellamy til liðs við félagið en hann er nú á mála hjá Manchester City, þar sem hann er ekki í náðinni.

Arsenal tapaði í Portúgal

Arsenal lauk undirbúningstímabilinu í Portúgal í kvöld þar sem að liðið tapaði, 2-1, fyrir Benfica.

Obertan á leið til Newcastle

Gabriel Obertan er á leið til Newcastle en gengið verður frá félagaskiptum hans í næstu viku, eftir því sem kom fram í enskum fjölmiðlum í dag.

Tottenham vann Athletic á heimavelli

Tottenham vann 2-1 sigur á Athletic Bilbao frá Spáni í æfingaleik á White Hart Lane í Lundúnum, eftir að þeir spænsku höfðu 1-0 forystu í hálfleik.

Loksins hélt Liverpool hreinu

Liverpool vann í dag 2-0 sigur á Valencia í síðasta æfingaleik liðsins áður en keppni í ensku úrvalsdeildinni hefst um næstu helgi. Andy Carroll og Dirk Kuyt skoruðu mörk liðsins.

Lukaku á leið til Chelsea

Anderlecht hefur tilkynnt að félagið hefur komist að samkomulagi við Chelsea um söluverð á hinum átján ára Romelu Lukaku.

Zhirkov farinn frá Chelsea

Miðvallarleikmaðurinn Yuri Zhirkov hjá Chelsea er genginn til liðs við rússneska félagið Anzhi Makhachkala. Samdi hann við félagið til næstu fjögurra ára.

Ívar fór vel af stað með Ipswich

Ívar Ingimarsson lék allan leikinn er Ipswich vann 3-0 sigur á Bristol City í fyrstu umferð ensku B-deildarinnar. Ívar gekk til liðs við Ipswich frá Reading fyrir tímabilið.

Sturridge með tvö í sigri Chelsea

Chelsea vann í dag 3-1 sannfærandi sigur á skoska liðinu Rangers í æfingaleik í Skotlandi. Daniel Sturridge skoraði tvö marka Chelsea.

Mancini: Á von á glöðum Tevez

Roberto Mancini, stjóri Manchester City, á ekki von á öðru en að Carlos Tevez verði hamingjusamur og glaður þegar hann mætir aftur á æfingar með liðinu eftir helgi.

Ítalskir fjölmiðlar segja Sneijder á leið til City

Ítalska dagblaðið Gazetto dello Sport segir í dag að Manchester City hafi komist að samkomulagi við Inter um kaup á Wesley Sneijder fyrir 31 milljón punda.