Stjóri Blackburn drukkinn undir stýri - missti prófið í 18 mánuði

Steve Kean, knattspyrnustjóri Blackburn Rovers, verður bílprófslaus næstu 18 mánuðina. Kean var fundinn sekur um að hafa ekið undir áhrifum áfengis í maí síðastliðnum.

Agüero með tvö er City fór illa með nýliðana

Sergio Agüero hóf feril sinn í ensku úrvalsdeildinni vel í kvöld er hann skoraði tvö mörk fyrir Manchester City í 4-0 sigri á nýliðum Swansea.

Kolo Touré má byrja að æfa með City áður en bannið rennur út

Kolo Touré hefur fengið sérstakt leyfi frá enska knattspyrnusambandinu til þess að fá að byrja að æfa með Manchester City áður en leikbannið hans rennur út. Touré féll á lyfjaprófi í upphafi ársins og er í leikbanni til 2. september næstkomandi.

Öllum leikjum helgarinnar gerð skil á Vísi

Eins og ávallt má sjá samantektir úr öllum leikjum helgarinnar í ensku úrvalsdeildinni á Sjónvarpsvef Vísis.

Dalglish spenntur fyrir Paddy hjá Celtic

Kenny Dalglish, stjóri Liverpool, hefur leyfi eigenda Liverpool til að fjárfesta í fleiri leikmönnum og ensku slúður-blaðamennirnir skrifa um það í morgun að skoski stjórinn ætli sér að ná í Paddy McCourt, kantmann hjá Celtic.

Föður John Obi Mikel var rænt - spilaði samt á móti Stoke

John Obi Mikel ákvað að spila með Chelsea á móti Stoke í ensku úrvalsdeildinni í gær þrátt fyrir að hafa frétt af því fyrir leikinn að glæpamenn höfðu rænt föður hans út í Nígeríu á föstudaginn.

Wenger hrósar Joey Barton fyrir hugrekki

Arsene Wenger, stjóri Arsenal, var spurður út í möguleikann á því að hann fengi Joey Barton til Arsenal-liðsins eftir markalaust jafntefli við Newcastle um helgina. Barton á víst enga framtíð hjá Newcastle eftir óvinsælar yfirlýsingar sínar að undanförnu.

Ferguson: Schmeichel gerði líka mistök í fyrstu leikjunum

Sir Alex Ferguson, stjóri Manchester United, segir að það taki alla evrópska markverði dágóðan tíma að aðlagast enska boltanum. Ferguson tjáði sig um frammistöðu Spánverjans David De Gea sem hefði átt að gera mun betur í markinu sem hann fékk á sig í 2-1 sigri United á West Bromwich Albion í gær.

Arsenal staðfestir að Fabregas sé á leið til Barcelona

Cesc Fabregas er á leið til Evrópumeistara Barcelona. Tilkynning þess efnis birtist á heimasíðu Arsenal fyrir stundu. Þar kemur fram að samkomulag hafi náðst í öllum meginatriðum.

Cardiff sigraði örugglega - Aron fór meiddur af velli

Cardiff bar sigur úr býtum gegn Bristol City, 3-1, í ensku Championsship-deildinni í dag, en Aron Einar Gunnarsson var í byrjunarliðið Cardiff í dag.

Arsenal hefur áhuga á Jadson frá Shakhtar Donetsk

Mircea Lucescu, knattspyrnustjóri Shakhtar Donetsk, heldur því fram að enska liðið Arsenal ætli sér að ná í miðjumanninn Jadson frá úkraínska félaginu.

Nær Man. Utd. að krækja í Mario Götze?

Nú er það orðið ljóst að Manchester United mun ekki ná að klófesta Wesley Sneijder frá Inter Milan fyrir lok félagskiptagluggans, en sú saga er á kreiki að félagið ætli sér að krækja í þýska ungstirnið, Mario Götze, frá Borussia Dortmund.

Pardew og Wenger sjá hlutina í afar ólíku ljósi

Joey Barton var miðpunktur athyglinnar í markalausu jafntefli Newcastle og Arsenal á St. James' Park í gær. Fílabeinstrendingurinn Gervinho sá rautt eftir viðskipti við Barton.

Ekkert jafntefli og sigurliðin héldu öll hreinu

Úrslitin í 2. umferð Championship-deildarinnar á Englandi í gær vöktu nokkra athygli. Tíu leikir fóru fram og lauk engum þeirra með jafntefli. Þá héldu sigurliðin öll marki sínu hreinu.

Englandsmeistararnir hefja titilvörn sína með sigri

Englandsmeistararnir í Manchester United unnu sinn fyrsta leik í deildinni í ár þegar þeir sóttu WBA heim, en leiknum lauk með sigri rauðu djöflana, 2-1.

Markalaust hjá Stoke og Chelsea

Stoke og Chelsea gerðu markalaust jafntefli í ensku úrvalsdeildinni í dag en leikurinn fór fram á Britannia Stadium, heimavelli Stoke.

Markalaust hjá Newcastle og Arsenal - Gervinho sá rautt

Fílabeinstendingurinn Gervinho mun seint gleyma sínum fyrsta leik í ensku úrvalsdeildinni. Kappinn sá rautt í markalausu jafntefli Newcastle og Arsenal þar sem Joey Barton var í aðalhlutverki.

Reading vann góðan sigur á Leicester

Fjölmargir leikir fóru fram í ensku Championsship-deildinni í dag en þar ber helst að nefna að Reading vann frábæran sigur, 2-0, gegn Leicester á útivelli.

Liverpool náði aðeins í stig - Bolton rúllaði yfir QPR

Fyrsta umferð enska boltans hófst í dag með fimm leikjum og því er þriggja mánaða bið á enda. Bolton Wanderers tóku nýliðina í QPR í kennslustund og rústuðu leiknum 4-0. Liverpool náði aðeins í eitt stig gegn Sunderland á Anfield, en Liverpool brenndi af úr vítaspyrnu í byrjun leiks.

Moyes vill fá Sturridge til Everton á láni

David Moyes, knattspyrnustjóri Everton, hefur verið í viðræðum við Chelsea um að fá Daniel Sturridge til liðs við félagið á láni, en leikmaðurinn sló í gegn á síðasta tímabili þegar hann var lánaður frá Chelsea til Bolton í janúar.

Suarez í byrjunarliðinu, búinn að skora og misnota víti

Charlie Adam, Jordan Henderson, Stewart Downing og Jose Enrique eru allir í byrjunarliði Liverpool sem leikur gegn Sunderland á Anfield. Þá er Luis Suarez í framlínunni en hann hefur þegar brennt af vítaspyrnu og skorað fyrsta mark ensku úrvalsdeildarinnar í ár.

Enski boltinn: Upphitun fyrir leiki dagsins

Mikil eftirvænting er fyrir leiki dagsins í ensku úrvalsdeildinni í dag. Íslendingaslagur verður á Loftus Road, tvö af kaupóðustu félögunum mætast á Anfield og vonandi verður boðið upp á jafnmikla markaveislu á St. James' Park og í fyrra. Kíkjum nánar á málið.

Mancini: Nasri ætti að vera löngu kominn

Roberto Mancini, knattspyrnustjóri Manchester City, er allt annað en sáttur við vinnubrögð stjórnar félagsins. Hann segir stjórnina, annað árið í röð, ekki standa sig þegar kemur að leikmannakaupum yfir sumartímann.

Miðstöð Boltavaktarinnar - allir leikirnir á einum stað

Fjölmargir leikir fara fram í ensku úrvalsdeildinni í dag og býður íþróttavefur Vísis lesendum sínum upp á að fylgjast með þeim öllum samtímis.

Robbie Keane að semja við Los Angeles Galaxy

Írski landsliðsframherjinn Robbie Keane er hættur í enska boltanum og á leiðinni til Bandaríkjanna þar sem að hann ætlar að spila með Los Angeles Galaxy liðinu. Þetta kom fyrst fram á FOX í kvöld.

Arsenal er búið að fá til sín táning frá Kosta Ríka

Arsenal er ekki bara að selja leikmenn þessa klukkutímana því í kvöld tilkynnti félagið um komu hins 19 ára Joel Campbell frá Deportivo Saprissa í Kosta Ríka.

West Brom hafnaði tilboði Wigan í Peter Odemwingie

West Bromwich Albion hefur hafnað tilboði Wigan í nígeríska-rússneska framherjann Peter Odemwingie en þetta kemur fram í frétt á heimasíðu West Brom í kvöld. Peter Odemwingie skoraði fimmtán mörk fyrir West Brom liðið á síðustu leiktíð og á tvö ár eftir af samningi sínum við félagið.

Barcelona að skipuleggja heimkomuhátíð Fabregas um helgina

BBC hefur það eftir heimildarmönnum sínum í Barcelona að Evrópumeistararnir séu að undirbúa heimkomu Cesc Fabregas um helgina. Samkvæmt sömu heimildum eru nú 99 prósent líkur á því að Barcelona gangi frá kaupunum á Cesc frá Arsenal fyrir 35 milljónir punda.

Ji-sung Park fékk nýjan samning hjá Manchester United

Ji-sung Park, kóreski miðjumaðurinn hjá Manchester United, hefur skrifað undir nýjan samning hjá félaginu sem mun halda honum á Old Trafford til ársins 2013.

Evra tæpur fyrir leikinn gegn West Brom - Chicharito ekki með

Patrice Evra, vinstri bakvörður Manchester United, er tæpur fyrir viðureign Englandsmeistaranna gegn West Brom á sunnudag. Evra meiddist á hné í 3-2 sigrinum á Manchester City í Samfélagsskildinum.

Hargreaves með tilboð í höndunum frá WBA

Owen Hargreaves, landsliðsmaður Englands í knattspyrnu, stendur til boða samningur hjá West Brom í ensku úrvalsdeildinni. Hargreaves, sem glímt hefur við meiðsli undanfarin ár, fékk ekki nýjan samning hjá Manchester United í vor.

Enrique í skýjunum með að hafa samið við Liverpool

Spánverjinn Jose Enrique skrifaði í dag undir langtímasamning við enska úrvalsdeildarfélagið Liverpool. Óhætt er að segja að Enrique sé í skýjunum með að vera kominn á Anfield.

Fabregas og Nasri hvorugur í hópi Arsenal á morgun

Arsene Wenger hefur hvorki valið Cesc Fabregas né Samir Nasri í leikmannahóp Arsenal sem mætir Newcastle á St. James' Park á morgun. Franski knattspyrnustjórinn segir það þó eiga sér eðlilegar skýringar.

Liverpool sækir Exeter heim í deildabikarnum

Í gær var dregið í 2. umferð í enska deildabikarnum í knattspyrnu. Ellefu úrvalsdeildarlið komu inn í umferðina, þar á meðal Liverpool sem sækir Exeter heim.

Úttekt BBC: Engin hefur búið til fleiri færi en Fabregas

David Ornstein, blaðamaður á BBC, skrifaði í dag grein á heimasíðu BBC, þar sem að hann fór yfir það hversu mikið Cesc Fabregas hefur gert fyrir Arsenal-liðið á undanförnum fimm árum. Mikilvægi Fabregas sést þar vel, bæði á gengi Arsenal án hans sem og á hversu mörg færi hann skapar fyrir liðsfélaga sína.

Wenger: Framtíð Cesc Fábregas mun ráðast mjög fljótlega

Arsene Wenger, stjóri Arsenal, segir að framtíð Cesc Fábregas muni ráðast mjög fljótlega. Franski stjórinn tjáði sig um stöðu mála á heimasíðu Arsenal í kvöld.

Dönsku blöðin: Bendtner eins og gamall ryðgaður bíll

Nicklas Bendtner var ekki að heilla danska blaðamenn með frammistöðu sinni með danska landsliðinu á móti Skotlandi í gær en Danir töpuðu leiknum 1-2.

Aðrir leikir en viðureign Tottenham og Everton fara fram

Enska úrvalsdeildin hefur sent frá sér tilkynningu þar sem fram kemur að allir leikir ensku úrvasldeildarinnar um helgina, utan viðureignar Tottenham og Everton, fari fram.

Bolton í viðræðum við City um kaup á Wright-Phillips

Owen Coyle, knattspyrnustjóri Bolton, hefur staðfest viðræður félagsins við Manchester City um vistaskipti kantmannsins Shaun Wright-Phillips. Vikulaun Wright-Phillips hjá Manchester City eru hærri en Bolton eru tilbúnir að greiða. Þar stendur hnífurinn í kúnni.

Gerrard flottastur að mati samkynhneigðra - United flottasta liðið

Steven Gerrard leikmaður Liverpool er flottasti leikmaður ensku úrvalsdeildarinnar að mati samkynhneigðra knattspyrnuáhugamanna. Gerrard vann reyndar tvöfalt þar sem fótleggir hans voru einnig valdir þeir fallegustu.

Enrique á leið í læknisskoðun hjá Liverpool

Enskir vefmiðlar greina frá því að Liverpool og Newcastle hafi komist að samkomulagi um kaupverðið á vinstri bakverðinum Jose Enrique. Talið er að kaupverðið sé sex milljónir punda eða sem nemur rúmum milljarði íslenskra króna.

Viðureign Tottenham og Everton frestað - óvíst með aðra leiki

Tekin hefur verið ákvörðun að fresta viðureign Tottenham og Everton sem fram átti að fara á White Hart Lane í Lundúnum um helgina. Hvort aðrir leikir fyrstu umferðar ensku úrvalsdeildinnar fari fram á fyrirhuguðum tíma á eftir að koma í ljós.

Dalglish vonast eftir góðri hegðun stuðningsmanna Sunderland

Kenny Dalglish, knattspyrnustjóri Liverpool, segir ástæðulaust fyrir stuðningsmenn Sunderland að baula á Jordan Henderson. Líklegt er að Henderson, sem gekk til liðs við Liverpool frá Sunderland í sumar, verði í liðinu á Anfield á laugardag.

Grétar Rafn: Deildin hefur aldrei verið sterkari

Grétar Rafn Steinsson er að hefja sitt fjórða heila keppnistímabil með Bolton í ensku úrvalsdeildinni. Hann segir Bolton með sterkt byrjunarlið en að félagið þurfi fleiri leikmenn. Grétari líður mjög vel hjá Bolton.

Leikmenn Blackburn í skelfilegri kjúklingaauglýsingu

Ólíklegt er að nokkur leikmanna Blackburn Rovers í ensku úrvalsdeildinni hefðu samþykkt að leika í auglýsingu nokkurri ef auglýsandinn hefði ekki verið vinnuveitandi þeirra.