Speed sparkað úr þjálfarastólnum

Miðjumaðurinn síungi, Gary Speed hjá Bolton, hefur verið sagt upp störfum sem þjálfari hjá félaginu. Speed var ráðinn spilandi þjálfari af Sammy Lee þegar hann tók við af nafna sínum Allardyce, en Lee vill nú að hinn 38 ára gamli Speed einbeiti sér að því að spila með liðinu.

Warnock tekinn við Palace

Neil Warnock var í morgun ráðinn knattspyrnustjóri Crystal Palace eftir að Peter Taylor var rekinn frá félaginu á mánudaginn. Warnock var áður hjá Sheffield United þar sem hann hætti í lok síðustu leiktíðar. "Þetta verður síðasta starfið mitt og ég hef mikið að bjóða þessu félagi," sagði Warnock á blaðamannafundi í morgun.

Terry sendur í hnéskanna

John Terry hefur verið sendur í myndatöku vegna hnémeiðsla sem hann varð fyrir á æfingu enska landsliðsins í gær og því er skyndilega orðið óvíst hvort hann getur spilað landsleikinn við Eista á Wembley um helgina.

Flamini er kallaður Gattuso

Félagar miðjumannsins Mathieu Flamini hjá Arsenal eru farnir að kalla hann Gattuso vegna vinnusemi sinnar á miðjunni. Flamini hefur myndað frábært miðjuteymi með Cesc Fabregas það sem af er leiktíðinni eftir að hafa verið nálægt því að yfirgefa Arsenal í sumar.

Þú dekkar hann Brynjar

Steven Harper, leikmaður Reading, segist hafa fundið á sér að illa ætti eftir að fara þegar liðið sótti Portsmouth heim í sögulegum leik um daginn þar sem Portsmouth sigraði 7-4.

Barton: Skítt með England

Miðjumaðurinn Joey Barton er ekki í vandræðum með að koma sér í fréttirnar þó hann hafi enn ekki spilað sinn fyrsta leik fyrir Newcastle. Hann tjáði skoðanir sínar á enska landsliðinu þegar hann var spurður út í mál Michael Owen félaga síns.

Gallas biðst afsökunar á framkomu sinni

Varnarmaðurinn William Gallas hjá Arsenal hefur beðið starfsfólk og félaga sína í liðinu afsökunar á því hvað hann var fýldur á síðustu vikunum í meiðslum sínum.

Jol tekur Wimbledon til fyrirmyndar

Martin Jol stjóri Tottenham hefur viðurkennt að hafa að hluta tileinkað sér leikstíl "Óða Gengisins" hjá Wimbledon á miðjum níunda áratugnum.

Kaka er lítt hrifinn af Chelsea og Liverpool

Brasilíumaðurinn Kaka hjá AC Milan segir að aðeins kæmi til greina að leika með liðum á Spáni eða Englandi ef hann færi einn daginn frá AC Milan. Hann er hrifinn af Manchester United og Arsenal en vill ekki fara til Chelsea eða Liverpool.

Þetta verður löng leiktíð hjá Chelsea

Cristiano Ronaldo hjá Manchester United segist telja að Chelsea eigi langa og erfiða leiktíð fyrir höndum í ensku úrvalsdeildinni, en útilokar liðið ekki úr titilbaráttunni.

Hiddink neitar að vera á leið til Chelsea

Hollenski knattspyrnuþjálfarinn Guus Hiddink segist ekki vera á leið til Chelsea eins og enskir fjölmiðlar hafa haldið fram undanfarna daga. Hann segist vissulega hafa verið í sambandi við Roman Abramovich, en það tengist aðeins rússneska landsliðinu.

Fer Vieira til City?

Manchester City fylgist grannt með stöðu mála hjá franska miðjumanninum Patrick Vieira sem leikur með Inter á Ítalíu. Sven Göran Eriksson, knattspyrnustjóri City, vill ólmur fá þennan fyrrum fyrirliða Arsenal aftur í enska boltann.

Adebayor: Náum ótrúlega vel saman

Emmanuel Adebayor, sóknarmaður Arsenal, er í skýjunum með samvinnu hans og Robin van Persie á tímabilinu. Þeir léku varla saman þegar Thierry Henry var hjá félaginu en mynda í dag eitt hættulegasta sóknarpar úrvalsdeildarinnar.

Ireland dregur sig úr hópnum

Stephen Ireland, miðjumaður Manchester City, hefur tekið þá ákvörðun að draga sig út úr landsliðshópi Írlands sem mætir Þýskalandi og Kýpur. Ástæðan eru lygar leikmannsins í síðasta mánuði.

Nigel Martyn ver Robinson

Nigel Martyn, fyrrum landsliðsmarkvörður Englands, hefur mikla trú á Paul Robinson sem er núverandi landsliðsmarkvörður. Robinson hefur mikið verið í umræðunni enda verið allt annað en öruggur í sínum aðgerðum að undanförnu.

Ashton verður frá í sex vikur

Enski landsliðsframherjinn Dean Ashton hjá West Ham verður frá keppni í sex vikur eftir að hafa meiðst á hné á dögunum. Þetta staðfestu forráðamenn West Ham á heimasíðu félagsins í dag. Ashton varð að draga sig úr enska landsliðshópnum eftir að hafa meiðst í leik á dögunum.

Rijkaard orðaður við Chelsea

Breska blaðið Daily Mail fullyrðir í dag að fyrirhuguð ráðning Chelsea á þjálfaranum Henk Ten Cate sé aðeins fyrsti leikur Roman Abramovich eiganda Chelsea í "hollenskri innrás" hjá félaginu.

Heskey vonast til að ná Króataleiknum

Framherjinn Emile Heskey hjá Wigan segist vonast til að verða búinn að ná sér af ristarbroti fyrir leik Englendinga og Króata í undankeppni EM þann 21. næsta mánaðar.

Tottenham á eftir Arshavin

Breska blaðið Daily Mail hefur í dag eftir umboðsmanni rússnenska vængmannsins Andrei Arshavin að hann sé undir smásjá Tottenham. Arshavin gagnrýndi markvörðinn Paul Robinson hjá Tottenham harðlega fyrir leik Englendinga og Rússa um daginn.

Gartside slefar yfir Bayern-leiknum

Stjórnarformaður Phil Gartside hjá Bolton segist í skýjunum yfir því að liðið hafi dregist í riðil með Bayern Munchen í Evrópukeppni félagsliða í morgun.

Naomi frískaði upp á botnslaginn

QPR vann í gær afar mikilvægan sigur í botnbaráttuleik sínum við Norwich í ensku Championship deildinni. Nýr eigandi Rangers, Flavio Briatore, bauð þar vinkonu sinni og ofurfyrirsætunni Naomi Campbell á leikinn.

Henry: Arsenal getur unnið allar keppnir

Thierry Henry segist nú loksins vera að komast í sitt besta form eftir langa fjarveru vegna meiðsla. Hann segir að sér líði vel í Barcelona en viðurkennir að hann sakni Lundúna.

Richards vill spila með Arsenal

Varnarmaðurinn Micah Richards hjá Manchester City segir að hann væri til í að spila með Arsenal einn daginn. Richards er kominn í enska landsliðið aðeins 19 ára gamall en ekki er víst að stuðningsmenn City verði sáttir við þessa yfirlýsingu hans.

Vidic leikur ekki með Serbum

Miðvörðurinn Nemanja Vidic mun ekki leika með landsliði Serbíu þegra það mætir Armenum og Aserum í undankeppni EM. Vidic fékk högg á kinnbein í sigri Manchester United á Wigan um helgina og byrjar ekki að æfa á fullu fyrr en eftir um 10 daga að sögn lækna serbneska landsliðsins.

Wigan sektað

Enska úrvalsdeildarfélagið Wigan var í dag sektað um 20,000 pund af aganefnd enska knattspyrnusambandsins fyrir óspektir leikmanna liðsins eftir að Kevin Kilbane var rekinn af velli í leik gegn Newcastle nýverið.

Santa Cruz gæti þurft í uppskurð

Framherjinn Roque Santa Cruz hjá Blackburn gæti misst af næstu leikjum liðs síns á Englandi eftir að hann var tekinn út úr landsliði sínu vegna meiðsla. Paragvæmaðurinn er sagður hafa meiðst í leiknum gegn Birmingham um helgina og knattspyrnusambandið segir mögulegt að hann þurfi jafnvel í uppskurð.

Leikmenn standa við bak Grants

John Terry, varnarmaður Chelsea, segir að leikmenn liðsins standi með nýja knattspyrnustjóranum Avram Grant. Terry segir að sér hafi verið brugðið þegar Jose Mourinho lét af störfum í síðasta mánuði.

Fyrsti sigur QPR staðreynd

Queens Park Rangers vann í kvöld 1-0 heimasigur á Norwich í ensku 1. deildinni. Þetta var fyrsti sigur QPR á tímabilinu en liðið er á botni deildarinnar.

Barist um bílnúmer

Síðar í þessum mánuði gefst stuðningsmönnum West Ham á Englandi kostur á að eignast bílnúmerið "WE57 HAM". Bílnúmerið fer á uppboð og er talið líklegt að það verði dýrasta opinbera fótbolta-bílnúmerið á Englandi.

Besta miðvarðapar Evrópu?

John O'Shea, leikmaður Manchester United, segir að Rio Ferdinand og Nemanja Vidic myndi sterkasta miðvarðapar í Evrópuboltanum. United hefur haldið marki sínu hreinu í sex deildarleikjum í röð.

Þétt dagskrá hjá Owen

Sam Allardyce, knattspyrnustjóri Newcastle, segist hafa áhyggjur af þéttri dagskrá sóknarmannsins Michael Owen. Leikmaðurinn fór fyrir skömmu í aðgerð vegna kviðslits.

Næsti markvörður Arsenal norskur?

Norskir fjölmiðlar segja að Arsenal vilji fá markvörðinn Rune Almenning Jarstein til æfinga með félaginu. Jarstein er 23 ára og hefur lengi verið talin ein bjartasta von Norðmanna í markmannsmálum.

Ég kæmist ekki í nokkurt lið í dag

Þeir sem fylgst hafa með enska boltanum í nokkra áratugi muna eflaust flestir eftir hinum magnaða Matt Le Tissier sem gerði garðinn frægan með Southampton fyrir um 15 árum síðan. Le Tissier skoraði 209 mörk fyrir Southampton á sínum tíma en segir að hann væri að hefja ferilinn í dag myndi hann líklega ekki komast í neitt af liðunum í ensku úrvalsdeildinni.

Ég hefði geta spilað um helgina

Varnarmaðurinn William Gallas hjá Arsenal er í leikmannahópi Frakka sem mæta Færeyingum á laugardaginn í undankeppni EM. Hann segist nú vera orðinn góður af meiðslum sem hafa haldið honum frá keppni í nálægt tvo mánuði.

Tottenham nær ekki í efsta styrkleikaflokk

Á morgun verður dregið í riðla í Evrópukeppni félagsliða og þar verða ensku liðin Tottenham og Everton að sætta sig við að sitja í 2. og 3. styrleikaflokki og lenda því með mjög sterkum liðum í riðlum.

Diouf hættur með landsliðinu

Senegalinn El Hadji Diouf tilkynnti í dag að hann væri hættur að leika með landsliði sínu. Diouf leikur með Bolton í ensku úrvalsdeildinni og var fyrirliði Senegal. Hann er aðeins 26 ára gamall en segist ekki geta leikið lengur fyrir hönd þjóðar sinnar.

Taylor rekinn frá Palace

Peter Taylor var í dag rekinn úr starfi knattspyrnustjóra Crystal Palace í ensku Championship deildinni. Þetta var tilkynnt á heimasíðu félagsins í stuttri tilkynningu í dag. Palace hefur aðeins náð í 10 stig í fyrstu 10 leikjunum í deildinni og þar af aðeins einn sigur í síðustu 10 leikjum í öllum keppnum.

Ten Cate fer til Chelsea

Hollenska knattspyrnufélagið Ajax hefur nú komist að samkomulagi við Chelsea á Englandi um að þjálfarinn Ten Cate gangi í raðir enska félagsins. Ajax mun fá greiddar bætur og í yfirlýsingu frá félaginu segir að Cate muni væntanlega hefja störf á Englandi fljótlega.

Elano er leikmaður 9. umferðar

Brasilíumaðurinn Elano fór hamförum með Manchester City aðra vikuna í röð þegar hann skoraði tvö marka liðsins í 3-1 sigri á Middlesbrough. Fyrir viku síðan héldu breskir fjölmiðlar ekki vatni yfir frammistöðu Elano gegn Newcastle United, en hann var enn betri nú um helgina.

Ashton verður ekki með Englendingum

Dean Ashton hjá West Ham er nýjasti framherjinn á sjúkralista enska landsliðsins í knattspyrnu, en hann hefur þurft að hætta við að gefa kost á sér í leikina gegn Eistum og Rússum vegna hnémeiðsla sem hann varð fyrir í leiknum gegn Aston Villa um helgina.

Defoe hélt framhjá með tvífara kærustunnar

Helgarblaðið News of the World birti í gær safaríka frétt af framherjanum Jermain Defoe hjá Tottenham þar sem segir að hann hafi notað frumlegar aðferðir við að halda framhjá kærustu sinni.

Wright-Phillips fjárfestir í klámi

Breska blaðið The Sun segist hafa heimildir fyrir því að kantmaðurinn knái Shaun Wright-Phillips hjá Chelsea sé orðinn helsti styrktaraðili klámstöðvarinnar Babe Central. Heimildir blaðsins herma að hann hafi sett allt að 2,5 milljónir króna í framleiðslusjóð stöðvarinnar.

Jol ver Paul Robinson

Martin Jol, stjóri Tottenham, hefur komið markverði sínum Paul Robinson til varnar eftir að hann gerði enn ein mistökin í jafntefli liðsins við Liverpool í gær. Fjögur af þeim sex mörkum sem Tottenham hefur fengið á sig í síðustu tveimur leikjum skrifast að hluta á enska landsliðsmarkvörðinn.

Bruce óttast að missa starfið

Steve Bruce, knattspyrnustjóri Birmingham í ensku úrvalsdeildinni, segist óttast að missa starfið ef viðskiptajöfurinn Carson Yeung nær að klára fyrirhugaða yfirtöku sína í félaginu.

Liverpool slapp með skrekkinn

Liverpool mátti þakka kærlega fyrir að tapa ekki tveimur leikjum á Anfield í sömu vikunni eftir 2-2 jafntefli við Tottenham.