Sjálfsmynd Andy Warhol seld á 4,2 milljarða

Óhætt er að fullyrða að það sé engin kreppa á listaverkamarkaðnum ef marka má uppboð sem Sotheby´s hélt í vikunni. Þar fór listaverk eftir bandaríska listamanninn Andy Warhol á 22 milljónir punda, jafnvirði 4,2 milljarða íslenskra króna. Um er ræða sjálfsmynd af listamanninum frá árinu 1986 en hann lést ári síðar. Það var tískuhönnuðurinn Tom Ford sem keypti myndina.

Átta ára drengur mætti með byssu í skólann

Lögreglan í Charlotte í Bandaríkjunum rannsakar nú hvernig átta ára gamall drengur komst yfir skammbyssu sem hann tók með sér í grunnskóla í borginni. Skot hljóp úr byssunni sem lenti í vegg í skólastofunni. Hvorki nemendur né kennara sakaði en ekki liggur fyrir hvort að drengurinn sem mætti með byssuna í skólann, eða einhver bekkjarfélagi hans, hafi handleikið byssuna með fyrrgreindum afleiðingum.

Hörð átök mótmælenda og hermanna

Tælenski herinn beitti táragasi til að dreifa mótmælendum í Bangkok í nótt. Bretar hafa ákveðið að loka sendiráði sínu vegna ólgunnar í landinu.

Líðan hollenska drengsins stöðug

Líðan hollenska drengsins sem komst einn lífs af þegar farþegaflugvél fórst skammt frá Trípólí, höfuðborg Lýbíu, í fyrradag er stöðug. Drengurinn sem er níu ára hefur undirgengist margar aðgerðir en fótleggir hans margbrotnuðu.

Nýju ráðherrarnir á faraldsfæti

Forgangsmál ríkisstjórnar David Camerons, nýs forsætisráðherra Bretlands, verður að taka á miklum fjárlagahalla. Hann og aðrir ráðherrar verða á faraldsfæti í dag.

Forsætisráðherra Tyrkja í heimsókn til Aþenu

Forsætisráðherra Tyrklands Recep Tayyip Ergodan ætlar í heimsókn til Aþenu í Grikklandi á morgun en markmið heimsóknarinnar er að styðja Grikki í efnahagsvandræðum þeirra og bæta samskipti ríkjanna.

Bretar loka sendiráðinu í Bangkok

Bretar ætla að loka sendiráði sínu í Bangkok í Tælandi á morgun vegna óróans í landinu sem verið hefur undanfarna daga.

Sveppur ógnar ópíumframleiðslunni í Afganistan

Þeim sem berjast gegn ópíumrækt í Afganistan hefur borist liðstyrkur. Sveppategund herjar nú á valmúann sem ópíum er unnið úr og segja sérfræðingar líklegt að uppskeran í ár minnki um fjórðung miðað við síðasta ár. Nær öll heimsframleiðsla eitulyfsins kemur frá Afganistan og er sjúkdómurinn þegar farinn að hafa áhrif á verðið á ópíumi í landinu og hefur verðið hækkað um helming.

Ísraelar sakaðir um að rústa íbúðarhúsum að nauðsynjalausu

Mannréttindasamtökin Human Rights Watch segja að Ísraelar hafi hafi viljandi eyðilagt íbúðarhús Palestínumanna á meðan á herleiðangri þeirra á Gaza svæðinu stóð árin 2008 og 2009.

Breskir ráðherrar skera niður launin sín

Ráðherrarnir í nýrri ríkisstjórn Bretlands samþykktu á fyrsta ríkisstjórnarfundinum sem haldinn var í morgun að taka á sig fimm prósenta launalækkun. Miklir erfiðleikar steðja að í bresku efnahagslífi og því ákváðu ráðherrarnir að ríða á vaðið og hefja nauðsynlegan niðurskurð með þessum hætti. David Cameron lækkar mun því fá um það bil 2,2 milljónir á mánuði í laun eða 120 þúsund krónum minna en forveri hans í embætti Gordon Brown.

Sprengja á Times torgi: Tveir til viðbótar handteknir

Bandaríska alríkislögreglan hefur handtekið tvo menn til viðbótar sem grunaðir eru um að hafa lagt á ráðin um að sprengja bíl í loft upp á Times torgi í New York.

Manaður til að gleypa snigil og lenti á gjörgæslu

Ástralskur maður berst nú fyrir lífi sínu eftir að hafa étið lifandi snigil. Maðurinn var manaður af félögum sínum til þess að gleypa kvikyndið en fékk fyrir vikið í sig sníkjudýr sem sniglar bera með sér en dýrið veldur sjúkódómi sem er í ætt við heilahimnubólgu.

Miliband vill verða leiðtogi

David Miliband hefur gefið kost á sér sem leiðtogi breska Verkamannaflokksins. Gordon Brown, fráfarandi leiðtogi, tilkynnti í gær að hann myndi ekki gegna stöðunni áfram eftir tap í þingkosningum í síðustu viku.

Ráðist á Múhameðs-teiknara í Svíþjóð -myndband

Sænski teiknarinn Lars Vilks var að flytja fyrirlestur um tjáningarfrelsi í háskólanum í Uppsölum þegar upphófust mikil hróp á arabisku -Allah er mikill. Svo var ráðist á hann.

Foreldrar flýja frá börnum sínum

Foreldrar á Haítí eru farin að yfirgefa börn sín í stórum stíl í von um að hjálparstofnanir geti veitt þeim betra líf....þótt það sé ekki nema ein máltíð á dag.

Rússar telja sjóræningja réttdræpa -skildu tíu eftir á rúmsjó

Tíu sómalskir sjóræningjar sem rússneskt herskip sleppti 600 kílómetra frá landi fórust allir að sögn norsku vefsíðunnar vg.no.

Til hamingju David

Barack Obama var meðal fyrstu þjóðarleiðtoga sem hringdu í David Cameron til þess að óska honum til hamingju með embætti forsætisráðherra Bretlands.

Yfir hundrað fórust í flugslysi í Lýbíu

Talið er að 104 hafi farist þegar flugvél fórst skammt frá Trípólí, höfuðborg Lýbíu, í morgun. Átta ára hollenskur drengur komst lífs af úr slysinu.

Enn ein árásin í kínverskum leikskólum

Karlmaður réðst inn í leikskóla í Kína í nótt og myrti sex börn áður en hann tók eigið líf. Kínverjar eru slegnir yfir endurteknum árásum á leikskóla.

Clegg verður aðstoðarforsætisráðherra

David Cameron, leiðtogi Íhaldsflokksins, tók í gærkvöldi við embætti forsætisráðherra Bretlands. Fimm ráðherrar í nýju stjórninni koma úr röðum Frjálslyndra demókrata.

Áttræður maður í hjólastól myrti eiginkonuna

Áttræður Bandaríkjamaður hefur viðkennt að hafa myrt 75 ára eiginkonu sína sem hann grunaði um að væri að halda fram hjá sér. Maðurinn kyrkti eiginkonuna en athygli vekur að hann er bundinn við hjólastól og heilsulítill.

Ekkert bendi til þátttöku talibana

Yfirvöld í Pakistan segja að ekkert bendi til þess að talibanar hafi staðið á bak við hina misheppnuðu sprengjuárás á Times Square-torginu í New York um síðustu helgi. Engin sönnunargögn hafi komið fram sem styðji fullyrðingar Eric Holder, dómsmálaráðherra Bandaríkjanna, og háttsettra embættismanna um að maðurinn sem var handtekinn vegna árásarinnar hafi dvalið í fimm mánuði í æfingarbúðum talibana í Pakistan og undirbúið sig.

Fram fari ítarleg rannsókn á námuslysinu

Vladimir Pútín, forsætisráðherra, Rússlands heimsótti í gær svæðið í grennd við kolanámuna þar sem tvær sprengingar urðu síðastliðið laugardagskvöld. Hann hefur fyrirskipað að fram fari ítarleg rannsókn á atvikinu. Búið er að finna 47 lík verkamanna og björgunarmanna en 43 eru enn innilokaðir í námunni. Líkurnar á að hægt verði að bjarga fólkinu minnka á degi hverjum.

Lofar áframhaldandi stuðningi við Afgana

Hillary Clinton, utanríkisráðherra Bandaríkjanna, segir að Bandaríkjamenn muni ekki láta af stuðningi sínum við afgönsku þjóðina eftir að bandaríski herinn hverfur frá Afganistan. Þvert á móti muni Bandaríkjamenn áfram aðstoða stjórnvöld við að tryggja öryggi almennings í landinu.

Fjórtán fallnir eftir loftárás

Fjórtán manns féllu í Pakistan í gær í loftárás sem gerð var með ómönnuðum loftförum á vegum bandarísku leyniþjónustunnar CIA. Þrjár loftárásir hafa verið gerðar síðan upp komst um tilraun til að fremja hryðjuverk með bílasprengju í New York í byrjun maímánaðar.

Hægt að þvo burtu slæm áhrif

Handþvottur hreinsar ekki bara í burtu óhreinindi og sýkla heldur hreinsar einnig samviskubit vegna slæmra ákvarðana, samkvæmt niðurstöðum rannsóknar.

Úrslitin réðust í lokaskákinni

Heimsmeistarinn Viswanathan Anand bar sigurorð af áskoranda sínum, Veselin Topalov, í 12. og síðustu skák heimsmeistaraeinvígisins sem fram fór í Sofíu í Búlgaríu. Anand vann þrjár skákir í einvíginu en Topalov tvær. Anand hafði svart í lokaskákinni og bjuggust því flestir annaðhvort við sigri Topalovs eða jafntefli, en þá hefði einvígið farið í bráðabana.

Brown sagði af sér embætti

Gordon Brown sagði af sér embætti forsætisráðherra Bretlands og sem leiðtogi Verkamannaflokksins nú skömmu fyrir fréttir. Hann sagðist þegar ætla að tilkynna Elísabetu drottningu þetta og mæla með því að stjórnarandstaðan myndaði nýja ríkisstjórn.

Bretar að missa þolinmæðina

Farið er að gæta gremju í garð Frjálslyndra demókrata í Bretlandi en þeir eru samtímis í stjórnarmyndunarviðræðum við bæði Íhaldsflokkinn og Verkamannaflokkinn.

Obama vill kreista olíufélag

Barack Obama vill margfalda þær bætur sem hægt er að krefja breska olíufélagið BP um vegna olíulekans á Mexíkóflóa.

Jörðin og tunglið séð frá Mars

Bandaríska geimferðastofnunin hefur sent frá sér þessa einstöku mynd af jörðinni og tungli hennar efst til hægri.

Talinn líklegasti eftirmaður Browns

David Miliband utanríkisráðherra Bretlands er talinn líklegastur til þess að taka við sem formaður Verkamannaflokksins nú þegar Gordon Brown hefur tilkynnt afsögn sína.

Aska lokar flugvöllum á Spáni

Sjö flugvöllum hefur verið lokað á Spáni í morgun vegna ösku sem borist hefur úr Eyjafjallajökli til Vestur-Evrópu. Um er að ræða þrjá flugvelli í suðurhluta meginlandsins og fjóra á Kanarí. Því er ljóst að eldgosið á Eyjafjallajökli mun áfram hafa áhrif á ferðalög þúsundir manna. Um nýliðna helgi þurfti að loka 19 flugvöllum á Spáni líkt og víða annars staðar í Evrópu.

BP greiði hærri skaðabætur vegna olíulekans

Barack Obama, Bandaríkjaforseti, segir að breska olíufélagið BP verði látið axla ábyrgð á olíulekanum á Mexíkóflóa. Hann hyggst hækka skaðabæturnar sem félagið þarf að borga.

Táragasi beitt fyrir utan forsetahöllina á Haítí

Lögreglumenn þurftu að beita táragasi til að dreifa mótmælendum fyrir utan forsetahöllina í höfuðborg Haítí í nótt. Mótmælendurnir kröfðust afsagnar forsetans.

Stjórnmálaforingi segir af sér vegna kynlífsmyndbands

Deniz Baykal, formaður stærsta stjórnarandstöðuflokks Tyrklands, hefur sagt af sér vegna kynlífsmyndbands sem sýnir hann í ástarlotum með stjórnmálakonu úr flokki hans var birt í síðustu viku. Baykal sem er 71 árs er harðgiftur maður og hefur verið formaður CHP-flokksins í 18 ár.

Fjöldagröf finnst í Serbíu

Fjöldagröf fannst nýverið í Serbíu skammt frá landamærunum að Kosovo. Talið er að í gröfinni séu líkamsleifar um 250 Kosovo-Albana sem leitað hefur verið í tæp 12 ár.

Flugliðar BA boða til 20 daga verkfalls

Flugliðar hjá British Airways hafa ákveðið að leggja niður störf í samtals 20 daga. Starfsmennirnir hafa undanfarna mánuði átt í hörðum deilum við stjórnendur flugfélagsins og gagnrýnt harðlega niðurskurðaráætlanir þeirra.

Yfir 100 vegnir í árásum í Írak

Fjöldi sprengjuárása var í Írak í gær, og er talið að þær hafi kostað í það minnsta 102 menn lífið. Dagurinn var sá blóðugasti í landinu það sem af er árinu.

Windows skipt út fyrir PalmOs

Bandaríska tæknifyrir­tækið HP hefur hætt við að keyra nýja spjaldtölvu fyrirtækisins á stýrikerfinu Windows 7 frá Micro­soft. Þess í stað mun tölvan, sem fengið hefur vinnu­­­­heitið HP Hurricane, nýta WebOS-stýrikerfið, sem fylgdi með í kaupum HP á lófatölvufyrirtækinu Palm í lok apríl.

Neyðarsjóður ESB styrkir markaðina

Evrópskar hlutabréfavísitölur hækkuðu mikið í gær eftir að Evrópusambandið tilkynnti að stofnaður yrði neyðarsjóður til að koma í veg fyrir að fjárhagsvandi Grikklands breiddi úr sér til annarra landa sambandsins.

Eyjafjallajökull ógnar Kvikmyndahátíðinni í Cannes

Öskufallið frá Eyjafjallajökli gæti haft áhrif á Kvikmyndahátíðina í Cannes, sem gert er ráð fyrir að hefjist á miðvikudaginn. Um 20 flugferðum til flugvallarins í Nice, sem er næstur Cannes, var aflýst í gær og fleiri flugferðum var frestað.

Gordon Brown segir af sér

Gordon Brown hefur ákveðið að segja af sér sem leiðtogi Verkamannaflokksins. Forsætisráðherrann tilkynnti um þetta í ávarpi fyrir utan Downingstræti 10 fyrir stundu.

Hatursmenn fjölmenntu í gleðigöngu í Litháen

Mótmælendur voru líklega fleiri en þeir 400 sem tóku þátt í gleðigöngu göngu samkynhneigðra í Vilnius höfuðborg Litháens um helgina.

Telja sig hafa heyrt merki frá Air France þotu

Rannsóknarnefnd flugslysa í Frakklandi er sannfærð um að merki sem voru numin á hafsbotni á síðasta ári hafi verið frá flugrita Air France þotunnar sem fórst á leiðinni frá Rio de Janeiro til Parísar.