Zuma hylltur við réttarhöld

Stuðningsmenn Jacob Zuma, leiðtoga Þjóðarflokksins (ANC) í Suður-Afríku, hafa safnast saman á götum úti í dag, til þess að styðja hann. Zuma mætti fyrir rétt í dag til þess að freista þess að fá ákærur gegn sér felldar niður. Zuma ávarpaði mannfjöldann og þakkaði þeim fyrir að styðja við bakið á sér. Zuma er sagður hafa gerst sekur um spillingu, svik, mútur og peningaþvætti árið 1999.

Hann segist sjálfur vera fórnarlamb pólitísks samsæris sem sé ætlað að hindra að hann verði næsti forseti Suður-Afríku. Zuma segist ekki óttast neitt. Hann sé reiðubúinn að láta lífið fyrir þjóð sína og málstaðinn.

Talsmenn Þjóðarflokksins segjast gera ráð fyrir að Zuuma verði forsetaefni flokksins í kosningum sem fara fram á næsta ári þegar Mbeki lætur af embætti.

Í febrúar árið 2006 var Zuuma sýknaður af ákæru um nauðgun.