Fleiri fréttir

Tvískinnungur íslenskra útgerðarmanna

Evrópusambandssinnar segja það til marks um tvískinnung íslenskra útgerðarmanna að á sama tíma og þeir berjast gegn aðkomu útlendinga í íslenskum sjávarútvegi kaupi þeir upp kvóta innan lögsögu Evrópusambandsins.

Vilja ekki bæði Ögmund og Jón í ríkisstjórn

Mikil óánægja er innan Samfylkingarinnar með að Ögmundur Jónasson sé á leið inn í ríkisstjórn á sama tíma og Jón Bjarnason situr þar áfram, en þeir eru báðir sagðir tilheyra órólegu deildinni í Vinstri grænum. Af þessum sökum hefur forsætisráðherra ákveðið að kalla saman flokksstjórnarfund í Samfylkingunni í fyrramálið.

Fær sekt fyrir að leka seyruvökva úr rotþróm

Sýslumaðurinn á Selfossi hefur fallist á að Holræsa- og stífluþjónusta Suðurlands greiði 200 þúsund krónur í sekt fyrir að leka seyruvökva úr rotþróm út í umhverfið á vatnsverndarsvæði á Þingvöllum. Félag sumarbústaðaeigenda kærði atvikið til lögreglu en heilbrigðiseftirlit Suðurlands hafði áður veitt Holræsa- og stífluþjónustu Suðurlands áminningu.

Ríkisráð kemur saman

Ríkisráðsfundur verður haldinn á morgun á Bessastöðum klukkan tólf. Fundir ríkisráðs eru að jafnaði haldnir tvisvar á ári, um mitt ár og á gamlársdag, en einnig við ríkisstjórnar- og ráðherraskipti.

Samfylkingin boðar til fundar

Flokksstjórn Samfylkingarinnar hefur verið boðuð til fundar klukkan tíu á morgun á Hótel Loftleiðum til að ræða fyrirhugaða uppstokkun í ríkisstjórninni. Stefnt er að ráðherraskiptum á morgun áður en Alþingi verður sett eftir hádegi.

Grípa til aðgerða gegn misnotkun á ritalini

Álfheiður Ingadóttir, heilbrigðisráðherra, hefur skipað vinnuhóp til að skipuleggja aðgerðir til að draga úr ofnotkun og koma í veg fyrir misnotkun á methýlphenídati, sem birtist umfram allt í mikilli notkun á Ritalini og Ritalin Uno, að því er segir á vef heilbrigðisráðuneytisins.

Formaður SI vill að Kristján Möller sitji áfram sem ráðherra

Helgi Magnússon, formaður Samtaka iðnaðarins, telur ástæðu til að óttast að uppstokkun í ríkisstjórn geti heft framgang samgönguframkvæmda hverfi núverandi samgönguráðherra, Kristján Möller, úr stjórn. Þetta kemur fram í tilkynningu frá samtökunum.

Fundað um Icesave í dag

Viðræðunefndir Íslands, Bretlands og Hollands munu eiga fundi í Hollandi um Icesave-málefni í dag og á morgun samkvæmt tilkynningu sem finna má á vef fjármálaráðuneytisins.

Körfuknattleiksmenn þurfa að skila sakavottorði frá FBI

Frá og með deginum í dag þurfa Bandaríkjamenn sem sækja um dvalarleyfi hér á landi að skila inn sakavottorði frá bandarísku alríkislögreglunni, FBI. Þetta gildir um þá sem búið hafa í Bandaríkjunum í fimm ár eða lengur.

Á annað hundrað manns veðja á niðurstöðu Hæstaréttar

Veðmálavefurinn Betsson.com býður uppá veðmál um það hver niðurstaða Hæstaréttar Íslands um greiðslu skuldar vegna vanskila á bílasamning, verða. Niðurstaða Hæstaréttar verður kunngerð 6. september næstkomandi en á annað hundrað manns hafa þegar tekið þátt í veðmálinu.

Ökufantur og sprengjuvargur handteknir

Karl á þrítugsaldri var staðinn að hraðakstri í Ártúnsbrekku í Reykjavík í gærmorgun en bíll hans mældist á 137 kílómetra hraða. Að auki var maðurinn að tala í síma án þess að notast við handfrjálsan búnað.

Þórunn Sveinbjarnardóttir grínast í fréttamanni RÚV

„Þetta var nú bara smá grín hjá henni," segir Ægir Þór Eysteinsson, fréttamaður á Ríkisútvarpinu. Hann tók viðtal við Þórunni Sveinbjarnardóttur, þingflokksformann Samfylkingarinnar, fyrir utan stjórnarráðið fyrr í dag. Í fréttatíma RÚV heyrðist Þórunn segja í lok viðtalsins: „Segðu frænda þínum að hoppa upp í rassgatið á sér.“ Nú hefur komið í ljós hvað þar lá að baki.

Mótmælir hreppaflutningi stuðningsfulltrúa

„Það eru ekki aðallega launin sem við erum með áhyggjur af heldur aðild starfsmanna að lífeyrissjóði og aðild að styrktarsjóði BSRB. Við viljum að það sé félagafrelsi og að fólk sé ekki flutt hreppaflutningum,“ segir Vésteinn Valgarðsson, stjórnarformaður Félags ráðgjafa og stuðningsfulltrúa, FRS.

Vilja funda um ráðningarmál ÍLS

Þingmennirnir Pétur H. Blöndal og Guðlaugur Þór Þórðarson hafa farið fram á að efnt verði til fundar í félagsmálanefnd vegna ráðningarferlis framkvæmdastjóra Íbúðalánasjóðs.

Opnaði indverska sendiráðið

Preneet Kaur, ráðherra utanríkismála Indlands, kom í opinbera heimsókn hingað til lands í dag. Heimsóknin hefst á fundi með Össuri Skarphéðinssyni utanríkisráðherra en auk hans mun Kaur hitta forseta Íslands, Ólaf Ragnar Grímsson.

Tvær og hálf milljón til Pakistan

Hjálparstarf kirkjunnar sendir 2,5 milljónir króna til neyðarhjálpar í Pakistan. Fjármununum er miðlað í gegnum ACT Alliance sem Hjálparstarfið er aðili að. Í tilkynningu segir að þrír ACT-aðilar séu að störfum í Pakistan og þekkja allar aðstæður. „Samtals reikna þeir með að ná til um 270.000 manns."

Nýir ráðherrar taka væntanlega við keflinu á morgun

Nýir ráðherrar í ríkisstjórn Jóhönnu Sigurðardóttur taka væntanlega við embættum sínum á ríkisráðsfundi á Bessastöðum í fyrramálið. Ekki þarf að kalla saman flokksráð Samfylkingarinnar til að samþykkja nýja ráðherraskipan.

Líkamsræktarstöðvar skuldfæra gegn vilja neytenda

Nokkuð hefur borið á því að líkamsræktarstöðvar haldi áfram að skuldfæra á kreditkort neytenda eftir að samningstímabili er lokið. Lögfræðingur Neytendasamtakanna segir dæmi um að neytendur hafi orðið fyrir verulegu fjárhagstjóni vegna þessa en í sumum tilvikum getur reynst erfitt að fá endurgreitt.

Ríkisstjórnin hefur áhyggjur af stöðu Reykjanesbæjar

Kristján Möller, samgönguráðherra, segir að enn sem komið er hafi ekkert sveitarfélag óskað eftir fjárhaldsstjórn, annað en Álftanes. Ríkisstjórnin hefur miklar áhyggjur af stöðu sveitarfélaga og málefni Reykjanesbæjar voru rædd á ríkisstjórnarfundi í gær.

Fundu kornsnák í Breiðholti

Lögreglan á höfuðborgarsvæðinu lagði hald á meters langan snák á dögunum. Skriðdýrið var á heimili einstaklings í Breiðholti og er heldur ófrýnilegt eins og myndin ber með sér.

Borgarstjóri býður „góðan dag“

„Ég er ekki frá því að það sé léttara yfir fólki,“ segir Hulda Gunnarsdóttir, upplýsingafulltrúi Reykjavíkurborgar, af því tilefni að „Góðan daginn“-dagurinn er í dag.

Ríkisstyrkur fór víst í einkavæddar námsbrautir

Ríkisendurskoðun hefur sent frá sér yfirlýsingu vegna ummæla Hjálmars Árnasonar, framkvæmdastjóra Keilis ehf. Þar kemur meðal annars fram að Keilir hafi víst nýtt opinbert fé í aðrar námsbrautir en þær sem ríkið styrkti. Meðal þess sem féð fór í var flugnám skólans sem er algjörlega einkavætt.

Varnarmálastofnun 190 milljónum undir áætlun

Rekstrarafkoma Varnarmálastofnunar er um 190 milljónum undir áætlun samkvæmt tilkynningu frá Varnamálastofnun. Rekstaráætlun tímabilsins gerði ráð fyrir kostnaði upp á 683 milljónir, en þann 1. september voru bókfærð gjöld um 487 milljónir.

Börn 12 ára og yngri mega bara vera úti til átta

Útivistartími barna og unglinga tekur breytingum í dag. Nú mega börn 12 ára og yngri aðeins vera úti til klukkan átta á kvöldin. Unglingar á aldrinum 13 til 16 ára mega vera úti til klukkan tíu.

Kynferðisbrotakærur teknar upp á ný

Nauðgunarkærur gegn Julian Assange, sem er forsprakki Wikileaks, hafa verið teknar upp á ný eftir að þær voru látnar niður falla í síðustu viku.

Slökkt á NMT kerfinu

Síminn hætti rekstri NMT símakerfisins á miðnætti og á 3-G farsíamkerfið að leysa það af hólmi. Það nær hinsvegar ekki enn alveg tryggilega til einhverra svæða, sem notið hafa NMT kerfisins.

Ellisif hætt hjá Varnarmálastofnun

Ellisif Tinna Víðisdóttir lét af forstjórastarfi Varnarmálastofnunar í gær, samkvæmt áætlun stjórnvalda um að leggja þessa yngstu stofnun lýðveldisins niður.

Aldrei jafn margir kennarar með kennsluréttindi

Aldrei hafa fleiri kennarar verið með kennsluréttindi samkvæmt upplýsingum sem finna má á heimasíðu Hagstofunnar. Þar kemur fram að alls höfðu 82,2% starfsmanna við kennslu í nóvember 2009 kennsluréttindi og hefur fjölgað úr 78,0% árið áður.

Veiðigjaldið tvöfallt hærra

Sjávarútvegs- og landbúnaðarráðuneytið gerið ráð fyrir að veiðigjald til ríkisins á nýju fiskveiðiári, sem hófst á miðnætti, verði umþaðbil tvöfalt hærra en á nýliðnu fiskveilðiári. Þá var það 14 hundruð milljónir króna en nú er áætlað að það verði 2,7 til 2,9 milljarðar.

Haraldur Flosi furðar sig á myndbandi um eldhús OR

Myndband af glæsilegu eldhúsi Orkuveitu Reykjavíkur við Bæjarháls vekur mikla athygli orkunotenda og fólk gagnrýnir að Orkuveitan hafi í góðærinu látið setja upp hjá sér eldhús sem gæti vel sómað sér á fínustu hótelum erlendis. Haraldur Flosi Tryggvason, stjórnarformaður Orkuveitunnar, var gestur Bylgunnar í morgun þar sem hann var spurður hvort hann hefði einhverju sinni rekið í rogastans yfir fjárfestingum orkuveitunnar.

Þingflokkarnir funda

Þingflokksfundir hafa verið boðaðir hjá stjórnarflokkunum í tengslum við uppstokkun í ríkisstjórninni. Þingmenn VG hittast klukkan níu og Samfylkingarmenn klukkutíma síðar.

Boeing Dreamliner á Keflavíkurflugvelli

Boeing 787 Dreamliner,nýjasta þotan frá Boeing verksmiðjunum, kom til Keflavíkur í nótt til að æfa lendingar á Keflavíkurflugvelli, einkum í hliðarvindi.

Stolið frá Leikfélagi Hveragerðis

Hljóðmixer og ljósaborði, að andvirði að minnsta kosti hálfrar milljónar króna, var stolið úr húsnæði Leikfélags Hveragerðis. Þjófnaðurinn uppgötvaðist í gærkvöldi, en kann að hafa verið framinn fyrr, og óskar lögreglan í Árnessýslu eftir upplýsingum um mannaferðir við húsið undanfarna tvo sólarhringa.

Villtar í þoku á Hengilssvæðinu

Tvær ungar konur villtust í blind þoku á Hengilssvæðinu á milli Hveragerðis og Nesjavalla í gærkvöldi. Eftir að þokan skall á snéru konurnar við en villtust og hringdu efir hjálp.

Hrókeringar í ríkisstjórn í dag

Gylfi Magnússon, efnahags- og viðskiptaráðherra, og Ragna Árnadóttir, dómsmála- og mannréttindaráðherra, munu hætta í ríkisstjórninni í vikunni. Allar líkur eru á að Kristján L. Möller samgönguráðherra og Álfheiður Ingadóttir heilbrigðisráðherra hverfi einnig á braut. Tilkynnt verður um breytingar á ríkisstjórninni áður en þing kemur saman á morgun.

Strætó yfirgefur Hlemm

BSÍ tekur við hlutverki Hlemms sem skipti- og endastöð Strætós bs. verði hugmyndir fyrirtækisins að veruleika. Þá verður hætt akstri stórra strætisvagna um miðborg Reykjavíkur og við taka tíðari ferðir minni vagna

Eigendur vilja selja borginni Skáldastíg

Listamaður og arkitekt sem eiga lóðir undir göngustíg að Unuhúsi vilja að borgin kaupi stíginn. Menningarsögulegt gildi segir Minjasafn. Sagan lifir þótt stígurinn hverfi, segir framkvæmda- og eignasvið og vill ekki eyða fé í málið.

Boltinn er núna hjá Expressferðum

Hildigunnur Hafsteinsdóttir, lögfræðingur Neytendasamtakanna, segir samtökin nú bíða viðbragða Expressferða við þeirri niðurstöðu Neytendastofu að ferðaskrifstofan hafi átt að endurgreiða að fullu pakkaferð til Berlínar.

Kennurum fækkar um átta á tveimur árum

Stöðugildum í Álftanesskóla hefur fækkað um átta á síðustu tveimur árum. Nú eru 39 stöðugildi í skólanum en voru 47 skólaárið 2008 til 2009, sem er 20 prósenta fækkun. Nemendafjöldinn er sá sami, eða um 460 börn.

Enn verið að vinna í hljóðritunarmálinu

Hljóðritanir eru óheimilar á bæjarstjórnarfundum Mosfellsbæjar. Birta Jóhannesdóttir, þriðji maður á lista Íbúahreyfingarinnar, bað Karl Tómasson, forseta bæjarstjórnar, um leyfi til þess að hafa hljóðnema á bæjarstjórnarfundi 25. ágúst síðastliðinn, en var neitað.

Flóahreppur braut lög með brottrekstri

Flóahreppur braut ítrekað lög þegar sveitarstjórn hreppsins vék formanni umhverfisnefndar hreppsins frá og skipaði nýjan formann stuttu fyrir aðdraganda sveitarstjórnarkosninganna í vor, samkvæmt úrskurði samgöngu- og sveitarstjórnarráðuneytisins.

Sjá næstu 50 fréttir

Mest lesið