Líkamsræktarstöðvar skuldfæra gegn vilja neytenda

Nokkuð hefur borið á því að líkamsræktarstöðvar haldi áfram að skuldfæra á kreditkort neytenda eftir að samningstímabili er lokið. Lögfræðingur Neytendasamtakanna segir dæmi um að neytendur hafi orðið fyrir verulegu fjárhagstjóni vegna þessa en í sumum tilvikum getur reynst erfitt að fá endurgreitt.

Frá þessu er greint á heimasíðu neytendasamtakanna en þar eru neytendur hvattir til að skoða yfirlit kreditkorta.

Algengt er að líkamsræktarstöðvar bjóði upp á bindisamninga til 12 mánaða. Í sumum tilvikum endurnýjast hins vegar samningurinn sjálfkrafa ef honum er ekki sagt upp formlega. Ennfremur eru dæmi um að uppsagnir á þjónustu eins og tryggingum og internetáskrift skili sér ekki og kreditkort því áfram skuldfærð.

Hún segir að þetta sé nokkuð algengt og í sumum tilvikum geti reynst erfitt að fá upphæðina endurgreidda.