Fækkar á Landspítalanum vegna svínaflensu

Í dag liggja 29 sjúklingar á Landspítala með svínaflensu eða H1N1 inflúensuna. Þar af átta sem haldið er á gjörgæslu. Þetta kemur fram í tilkynningu frá farsóttarnefnd spítalans. Síðasta sólarhringinn hafa sex sjúklingar verið útskrifaðir af Landspítalanum en á móti kemur hafa tveir hafa verið lagðir inn.

Eitt land ver meira fé til menntamála en Ísland

Einungis eitt land í Evrópu ver meiru fé en Ísland til menntamála miðað við verga landsframleiðslu. Þetta kemur fram í ritinu Key Data on Education in Europe 2009 sem er nýkomið út.

Var Lenín framsóknarmaður?

Iðnaðarráðherra segir að það sé skýr vilji ríkisstjórnarinnar að ráðast í stófellda í atvinnuuppbyggingu á Norðausturlandi. Þingmaður Sjálfstæðisflokksins gefur ekki mikið fyrir þau orð og telur brýnt að nýir flokkar taki sæti í ríkisstjórn til að auka vægi atvinnusköpunar á landinu. Þetta var meðal þess sem kom fram í umræðu utan dagskrár á þingfundi í dag um álversuppbyggingu á Bakka við Húsavík. Í umræðunum velti þingmaður VG upp þeirri spurningu hvort Vladimir Lenín hafi verið framsóknarmaður.

Dómsmálaráðherra vill aukafjárveitingu vegna hrunsins

Dómsmálaráðherra fer fram á 106 milljóna króna aukafjárveitingu til dómstóla til að mæta auknu álagi vegna bankahrunsins. Ráðherra kynnti málið á ríkisstjórnarfundi síðastliðinn þriðjudag.

Slökkvilið kallað að Hofsvallagötu

Slökkviliðið var kallað að húsi við Hofsvallagötu í Reykjavík um hálftvö í dag þegar kveikt var í blaðabunka þar inni. Húsráðandi taldi sig ekki geta ráðið við eldinn einsamall og kallaði því á aðstoð slökkviliðsins. Engu að síður tókst að ráða niðurlögum eldsins áður en slökkviliðið kom á staðinn.

Vatn komið á í Stykkishólmi

Vatn rennur nú að nýju í vatnsveitu Stykkishólms. Í tilkynningu frá Orkuveitu Reykjavíkur kemur fram að mestur hluti bæjarins hafi vatn, en búast má við truflunum fram eftir degi. Vatnið fór af í gær þegar unnið var að viðgerð á aðveituæðinni frá vatnsbóli veitunnar í Svelgsárhrauni, um 13 kílómetrum frá bænum. Mun lengri tíma tók að ná upp þrýstingi en ætlað hafði verið og hefur verið unnið að viðgerð í alla nótt.

Furðar sig á yfirlýsingum Guðlaugs

Ár er síðan Orkuveitan samdi um eins milljarðs króna skaðabætur við Mitzubishi vegna tafa á túrbínum og það komi einhverjum línulögnum ekki nokkrum sköpuðum hlut við Sigrún Elsa Smáradóttir, segir fulltrúi Samfylkingarinnar, í stjórn Orkuveitunnar sem furðar sig á yfirlýsingum stjórnarformanns Orkuveitunnar. Hún segir kostnaðarauka Orkuveitunnar frekar skýrast af því að framkvæmdir hafi verið fjármagnaðar á yfirdrætti undanfarið ár.

Hallinn eykur þrýsting á aukinn niðurskurð

Hallinn á ríkissjóði á þessu ári verður 30 milljörðum meiri en fjárlög gerðu ráð fyrir þrátt fyrir að stjórnvöld hafi gripið til aðgerða í sumar sem minnka áttu hallann um 20 milljarða. Þetta eykur þrýsting á aukinn sparnað, niðurskurð og skattheimtu á næsta ári.

Pylsuvagn datt af króki bifreiðar

Pylsuvagn datt af króki bifreiðar sem átti að flytja hann á milli staða um hádegið í dag. Vagninn tafði umferð og því þurfti lögreglan að hafa afskipti af málinu eins og sést á meðfylgjandi mynd.

Magnús Þór: Hefur áhyggjur af dóttur sinni

Magnús Þór Sigmundsson, tónlistarmaður, er faðir Lindu Bjarkar, konunnar sem nú er í haldi lögreglu í Bandaríkjunum. Linda Björk var stöðvuð á landamærum Bandaríkjanna og Kanada en hún hafði ekki tilskylda pappíra til þess að komast inn í landið. Áður en hún var leidd fyrir dómara tókst henni að sleppa úr varðhaldi og upphófst mikil leit að henni. Hún var aftur handtekin í morgun og situr nú í fangelsi í Clinton sýslu í New York ríki.

Sigmundur Davíð: Jóhanna veit ekki hvað felst í frumvarpinu

Formaður Framsóknarflokksins sagði í umræðum á Alþingi í dag að forsætisráðherra hafi ekki hugmynd hvað felist í lagafrumvarpinu um Icesave samkomulagið. Forsætisráðherra vísaði þeim orðum á bug. Þá sagðist ráðherrann eiga von á því að svar myndi berast frá forsætisráðherrum Breta og Hollendinga vegna bréfs sem sent voru í lok ágúst.

Búið að handtaka íslensku konuna í Bandaríkjunum

Linda Björk Magnúsdóttir, konan sem lögreglan í Bandaríkjunum leitaði í nótt, náðist í morgun og er nú í haldi lögreglunnar. Konan slapp úr varðhaldi lögreglu á meðan hún beið þess að vera leidd fyrir dómara.

Á batavegi eftir vinnuslys í Krónunni

Konan sem slasaðist í vinnuslysi við kjötborð í Krónunni í gær er á batavegi, samkvæmt upplýsingum frá Ólafi R. Þórhallssyni, verslunarstjóra hjá Krónunni í Lindarhverfi.

Óvíst hvort persónuafsláttur hækki

Óvíst er hvort að persónuafsláttur hækki um næstu áramót líkt og kveðið er á um í samningum. Til greina kemur að setja á legg margþrepa skattkerfi. Þetta kom fram í máli Jóhönnu Sigurðardóttur, forsætisráðherra, á þingfundi í dag. Höskuldur Þórhallsson, þingmaður Framsóknarflokksins, vakti athygli á málinu og sagði stöðugleikasáttmálanum haldið í öndunarvél. Eitt stærsta atriðið í honum væri hækkun persónuafsláttar og að hækkun hans skipti gríðarlega miklu máli fyrir láglaunafólk.

Ræða meðferð kynferðisbrota innan kirkjunnar

Kirkjuþing hefst laugardaginn 7. nóvember með helgistund klukkan níu í Grensáskirkju.

Ræða álversuppbyggingu á Bakka

Eftir hádegi fer fram umræða utan dagskrár um álversuppbyggingu á Bakka við Húsavík. Málshefjandi er Höskuldur Þórhallsson, þingmaður Framsóknarflokksins, en til andsvara verður Katrín Júlíusdóttir, iðnaðarráðherra. Umræðan hefst klukkan 13:30 og stendur í hálfa klukkustund.

Bilaður ljósleiðari á Austurlandi

Bilun hefur komið upp í ljósleiðara Mílu á Austurlandi, þar sem ljósleiðari hefur slitnað á milli Reyðarfjarðar og Egilsstaða. Ekki liggur fyrir hvað olli slitinu, en bilanagreining stendur yfir að því er fram kemur í tilkynningu frá Mílu. Viðgerðamenn eru lagðir af stað á staðinn til að skoða aðstæður og verða frekari upplýsingar gefnar þegar þær liggja fyrir.

Útlendingastofnun ekki að standa sig

Stefán Eiríksson, lögreglustjóri á höfuðborgarsvæðinu, heldur því fram að Útlendingastofnun sé ekki að beita þeim úrræðum sem hún hefur til að sporna gegn komu útlendra glæpamanna sem koma hingað gagngert til að fremja glæpi. Hann telur að þá eigi að senda umsvifalaust úr landi. Stefán var gestur í þættinum Í bítið á Bylgjunni í morgun.

Ákvörðun Seðlabankans mjög jákvæð

Jón Steindór Valdimarsson, framkvæmdastjóri Samtaka iðnaðarins, segir ákvörðun peningastefnunefndar Seðlabanka Íslands vera mjög jákvæða. Stýrivextir lækka í dag um eitt prósentustig og verða 11%.

Íslensk kona eftirlýst í Bandaríkjunum

Lögregla í borginni Plattsburgh í New York ríki í Bandaríkjunum leitaði í nótt að Lindu Björk Magnúsdóttur, íslenskri konu sem slapp úr varðhaldi lögreglu á meðan hún beið þess að vera leidd fyrir dómara. Lögreglumenn úr borginni og frá alríkislögreglunni FBI hafa leitað að konunni sem er fjörutíu og tveggja ára gömul.

Eftirför lögreglu: Rústaði bíl foreldra sinna

Lögregla veitti ökumanni eftirför í Vesturbæ Reykjavíkur í um klukkan hálfþrjú í nótt. Maðurinn hafði neitað að verða við beiðni lögreglu um að stöðva bílinn og ók hann þess í stað á fullri ferð í burtu. Lögreglumenn hófu þá eftirför sem lauk stuttu seinna með því að bíllinn fór útaf og hafnaði á tveimur ljósastaurum.

Árni síðastur til að skrá sig

Árni Johnsen, þingmaður Sjálfstæðisflokks, tilkynnti Alþingi á þriðjudag að hann hefði enga fjárhagslega hagsmuni sem þyrfti að skrá á vef þingsins.

Nærri fjörutíu frambjóðendur til Alþingis brjóta lög

Alls 37 frambjóðendur til síðustu alþingiskosninga áttu enn eftir að skila upplýsingum um kostnað við framboð sitt til Ríkisendurskoðunar í gær.

Lagt til að löggæsla verði flutt frá ríkislögreglustjóra

Lögregluembættum verður fækkað úr fimmtán í níu, embætti ríkislögreglustjóra verður stjórnsýslustofnun og yfirmönnum í lögreglu verður fækkað verulega, nái tillögur starfshóps dómsmálaráðuneytisins fram að ganga. Þær miða að því að ná fram hagræðingu og sparnaði hjá lögreglunni í landinu.

Reynir fyrst við Jón Ásgeir

Nýja Kaupþing mun reyna í þaula að semja við eigendur 1998, eignarhaldsfélags Haga, um endurskipulagningu fyrirtækisins áður en leitað verður til annarra mögulegra fjárfesta.

Nær 300 prósenta verðmunur á rauðum eplum

Mestur munur er á verði á ávöxtum og grænmeti í nýrri verðkönnun ASÍ. Í þeim vöruflokki er verðmunur að meðaltali um eða yfir 100 prósent. Mestur var hann á rauðum eplum sem reyndust ódýrust í Nettó á 129 krónur kílóið en dýrust í 10-11 á 499 krónur kílóið, munurinn eru 287 prósent.

Hrunið skilur eftir úrgang í þjóðgarði

Gróður í friðlandi þjóðgarðsins við Þingvallavatn liggur undir skemmdum á sumarhúsalóð Ágústs Guðmundssonar við Þingvallavatn. Ágúst, sem kenndur er við fyrirtækið Bakkavör og eignarhaldsfélagið Existu, keypti lítið sumarhús úr timbri á Valhallarstíg í apríl 2006.

Kærði ákvörðun um framsal

Karlmaður frá Srí Lanka hefur kært ákvörðun dómsmálaráðuneytisins um framsal til Þýskalands til héraðsdóms. Framsalið er til fullnustu refsidóms sem maðurinn hlaut í Þýskalandi fyrir sérstaklega hættulega líkamsárás. Hann er búinn að afplána hluta refsingar. Hann hefur dvalið hér á landi í sumar, en framsalsbeiðni kom fram undir haust.

Börn fá gefins endurskinsvesti

Í vikunni mun öllum grunnskólabörnum í fyrsta til þriðja bekk í Reykjavík verða færð endurskinsvesti að gjöf frá borginni. Um er að ræða stærsta umferðaröryggisátak sem ráðist hefur verið í í þágu skólabarna í borginni, að því er segir í tilkynningu.

Styrkja félag karla með krabbamein

Allur ágóði af af klippingu og litun renna til Framfarar, félags karla sem hafa greinst með krabbamein í blöðruhálskirtli á styrktardegi hárgreiðslustofunnar 101 hárhönnun sem haldinn verður á morgun.

Jákvæð í fjórtán mánuði

Vöruskipti voru hagstæð um 16,4 milljarða króna í október, samkvæmt bráðabirgðatölum Hagstofunnar.

Dæmdum nauðgara sleppt

Karlmanni, sem dæmdur var í sumar fyrir hrottalega nauðgun, var sleppt að gengnum dómi Hæstaréttar í gær. Hæstiréttur sneri þar með við úrskurði Héraðsdóms Reykjavíkur, sem úrskurðað hafði manninn í gæsluvarðhald þar til dómur í máli hans gengi í Hæstarétti, ekki þó lengur en til 22. desember.

Skoða sex mál tengd hruninu

„Við erum að skoða mörg mál sem varða hugsanlega ríkisaðstoð. Þar á meðal eru mál tengd peningamarkaðssjóðum bankanna,“ segir Per Sande­rud, forseti stjórnar Eftirlitsstofnunar EFTA (ESA).

Internet og hiti í strætóskýli

Strætóskýlið hjá Þjóðminjasafninu og Háskóla Íslands við Hringbraut hefur nú verið upphitað og upplýst.

Forseti Alþingis fundar í Brussel

Forseti Alþingis, þingmenn og starfsmenn Alþingis funduðu í gær með fulltrúum Evrópusambandsins í Brussel í Belgíu.

Hefur sóað kröftum og lífi hersveita

Hamid Karzai mun ekki takast að hemja spillingu í Afganistan. Ríkisstjórn hans hefur sóað kröftum og lífi hersveita bandalagsríkjanna undanfarin ár og mistekist að koma á fót stofnunum sem geta sinnt þörfum afgönsku þjóðarinnar.

Tólf milljóna króna afgangur á rekstri

Endurskoðuð fjárhags­áætlun Dalabyggðar gerir ráð fyrir 12,1 milljónar króna afgangi á rekstri sveitarfélagsins í ár. Um 49 milljóna króna viðsnúningur hefur orðið á rekstrinum frá því fjárhagsáætlun var samþykkt með 37 milljóna króna halla.

Skattalegar ástæður

„Þessi fyrirtæki eru hér af skattalegum ástæðum, þau greiða minni skatta en ef þau væru í Bretlandi,“ segir Baldvin Björn Haraldsson, hdl., sem á sæti í stjórnum DMG Lending og DMG Investments á Íslandi. Hann segir að starfsemi DMG fyrirtækjanna á Íslandi snúist um lánveitingar milli fyrirtækja innan DMG-samstæðunnar.

Framkvæmd fyrir fimmtíu milljarða

Fulltrúar tuttugu lífeyrissjóða skrifuðu undir viljayfirlýsingu við heilbrigðisráðuneytið, fyrir hönd ríkisvaldsins, í gær, um nýjan Landspítala. Hún felur í sér að sjóðirnir koma að fjármögnun og undirbúningi við byggingu nýs spítala. Sjóðirnir tuttugu eru með 83,22 prósent af heildareignum íslenskra lífeyrissjóða.

Ráðinn til þingflokks VG

Bergur Sigurðsson hefur verið ráðinn framkvæmdastjóri þingflokks Vinstrihreyfingarinnar - græns framboðs. Hann hóf störf um mánaðamótin. Bergur er umhverfisefnafræðingur frá Háskólanum í Osló og hefur síðastliðin þrjú ár starfað sem framkvæmdastjóri Landverndar. Þar áður starfaði hann við heilbrigðiseftirlit á Suðurnesjum.

Hafði áður hlotið dóma

Karlmaður sem dæmdur var í héraðsdómi í fyrradag í fimmtán mánaða fangelsi og til að greiða 93 milljónir króna í sekt vegna skattsvika hefur áður hlotið aðra dóma, meðal annars vegna brota á lögum um atvinnuréttindi útlendinga.

Úttektirnar námu á annað hundrað milljónum króna

Úttektir á erlend greiðslukort hér á landi, sem nú eru til rannsóknar hjá efnahagsbrotadeild Ríkislögreglustjóra vegna skattsvika, nema samtals á annað hundrað milljónum króna.

Tilkynnt um þrjú innbrot

Þrjú innbrot voru tilkynnt til lögreglunnar á höfuðborgar­svæðinu í gærmorgun. Brotist var inn í Sjónvarpsmiðstöðina í Síðumúla um klukkan tvö um nótt, en ekki liggur fyrir hvort einhverju var stolið þaðan. Maður var handtekinn í kjölfarið grunaður um innbrotið.

Gistinætur færri en í fyrra

Gistinóttum á hótelum í september í ár fækkaði um 2 prósent miðað við sama tíma í fyrra, úr 122.500 í 120.500. Þetta kemur fram í tölum Hagstofu Íslands. Gistinóttum fækkaði í öllum landshlutum, nema á Suðurlandi og höfuðborgarsvæðinu.

Ráðist á hersveitir talibana

Um 40 vígamenn talibana hafa fallið síðustu daga í hörðum bardögum við pakistanska herinn í Suður-Waziristan við landamæri Pakistans og Afganistans. Þar af féllu tíu í hörðum götubardögum í borginni Ladha, einu af þremur helstu vígjum talibana og hryðjuverkasamtakanna Al Kaída í héraðinu.