Fleiri fréttir

Árni Matt: Fráleitt að samtalið við Darling hafi sett allt á hvolf

Árni Mathiesen, fjármálaráðherra telur af og frá að Alistair Darling fjármálaráðherra Breta hafi lagt þann skilning í samtal þeirra kollega á þriðjudaginn að Íslendingar myndu ekki bæta breskum sparifjáreigendum hjá Icesave, tap sitt. Mbl.is segist hafa heimildir fyrir því innan úr fjármálaráðuneytinu breska að samtal ráðherranna hafi orðið til þess að allt fór á hvolf í Bretlandi í gær. Árni segist draga mjög í efa að samtalið hafi haft þessi áhrif.

Fresta stokk undir Geirsgötu og Mýrargötu

Borgarráð hefur að tillögu Hönnu Birnu Kristjánsdóttur borgarstjóra samþykkt að fresta fyrirhuguðum framkvæmdum við byggingu stokks undir Geirsgötu og Mýrargötu. Tillagan var samþykkt samhljóða á fundi borgarráðs í morgun.

Stjórnarandstaðan vill fund með ríkisstjórn um ástandið

Formenn stjórnarandstöðuflokkanna kröfðust þess á Alþingi í morgun að verða upplýstir um stöðu efnahagsmála eftir þróun síðustu daga. Forsætisráðherra sagði sjálfsagt að flytja þinginu skýrslu um málið þegar allar upplýsingar sem eðlilegt væri að opinbera lægju fyrir.

Menn á nokkurs konar neyðarvakt

Forseti ASÍ segir menn vera á nokkurs konar neyðarvakt, ekki sé verið að huga að hugsanlegri endurskoðun kjarasamninga í ástandi sem breytist nánast frá klukkutíma til klukkutíma.

Aðeins á eftir að auglýsa jarðarför peningamálastefnunnar

Peningamálastefna Seðlabankans er löngu dauð og það á aðeins eftir að auglýsa jarðarförina, segir Vilhjálmur Egilsson framkvæmdastjóri Samtaka atvinnulífsins. Viðskiptaráðherra, menntamálaráðherra og iðnaðarráðherra kalla allir eftir tafarlausri lækkun stýrivaxta.

Vilja reka seðlabankastjóra

Ungir framsóknarmenn krefjast þess að bankastjórn Seðlabanka Íslands verði sett af hið snarasta og stýrivextir lækkaðir í kjölfarið. Þeir beina orðum sínum sérstaklega að Samfylkingunni.

Móðurfélag álþynnuverksmiðju selt að hluta

Móðurfélag álþynnuverksmiðjunnar á Akureyri hefur verið selt frá Ítalíu til Þýskalands. Verksmiðjan í Eyjafirði er ekki sögð í hættu, þrátt fyrir breytt eignarhald. En hnökrar hafa komið upp milli félagsins og verðandi starfsmanna.

Biðlistar í sólarlandarferðir

Fólk verður að halda áfram að lifa lífinu. Menn ætla ekkert að grafa sig niður í skotgrafir," segir Helgi Jóhannsson, stjórnarformaður Ferðaskrifstofu Íslands ehf. Svimandi hátt gengi undanfarinna daga virðist ekki hafa hrætt sólardýrkendur frá ferðum sínum. Næsti viku halda um átta hundruð manns út í sólina á vegum ferðaskrifstofa félagsins.

Lífeyrisréttindi munu skerðast

Lífeyrisréttindi landsmanna munu skerðast. Þetta segir stjórnarformaður Lífeyrissjóðs verslunarmanna, Gunnar Páll Pálsson. Sjóðirnir taka á sig verulegan skell vegna ríkisvæðingar bankanna.

Vilja faglega ráðinn seðlabankastjóra

Þingmenn Framsóknarflokksins hafa lagt fram frumvarp sem felur í sér að ráðið sé faglega í starf seðlabankastjóra og embættið auglýst. Sé um að ræða stöðu formanns bankastjórnar skuli það tekið fram.

Mæðrastyrksnefnd Kópavogs fékk fallegan útivistarfatnað

Mæðrastyrksnefnd Kópavogs fékk á dögunum nokkuð af fallegum útivistarfatnaði fyrir börn, ásamt fjölbreyttu úrvali af peysum og bolum á fullorðna einstaklinga. Það var fyrirtækið Hexa sem gaf vörurnar. Í tilkynningu frá Hexa er haft eftir forráðamönnum Mæðrastyrksnefndarinnar að mikil þörf sé á vörum af öllu tagi allt árið og hafi þörfin aukist mikið að undanförnu. Nú sé nefndin að safna vörum til jólaúthlutunar.

Opinber rannsókn á Hafskipsmálinu

Ríkissaksóknari mun fela lögreglustjóra að annast opinbera rannsókn á Hafskipsmálinu svokallaða. Lögfræðingarnir Ragnar Aðalsteinsson og Sigríður Rut Júlíusdóttir fóru 2. október fram á það fyrir hönd Björgólfs Guðmundssonar, Páls Braga Kristjónssonar, Helgu Thomsen, Þórðar H. Hilmarssonar og Helga Magnússonar að málið verði rannsakað.

Starfsmenn Landsbanka í London áhyggjufullir

Fullkomin óvissa ríkir um starfsmenn Landsbankans í London er þar vinna á annað hundrað manns. Einn starfsmaður bankans sem Vísir ræddi við í morgun segir að margir starfsmenn séu í mjög vondum málum. Til að mynda fjölskyldufólk sem hefur skuldbundið sig í langtíma leigusamninga og jafnvel húsnæðislán sem er erfitt að losna út úr.

Geir boðar til blaðamannafundar

Geir H. Haarde, forsætisráðherra, hefur boðað til blaðamannafundar klukkan 15 í Iðnó. Ekki fengust upplýsingar í forsætisráðuneytinu hvort að Geir verði einn til svara á fundinum.

Um 550 starfsmenn Landsbankans missa vinnuna

Um 1000 manns munu starfa hjá Nýja Landsbanka sem tók til starfa í morgun. Allir koma úr röðum núverandi starfsmanna Landsbankans, eftir því sem fram kemur í tilkynningu frá bankanum.

Kauphöllinni lokað fram á mánudag

Kauphöll Íslands hefur verið lokað fram á mánudag vegna óvenjulegra markaðsaðstæðna eins og segir í tilkynningu. Er þar væntanlega vísað til hruns íslensku bankanna þriggja sem voru skráðir í Kauphöllina.

Össur vill slá skjaldborg um sparisjóðina

Össur Skarphéðinsson, iðnaðarráðherra, vill slá skjaldborg um þá sparisjóði sem eru vel reknir og hafa sterkar vaxtalínur inn í framtíðina. Þetta kom fram í þættinum Bylgjunni í bítið fyrr í morgun.

Þrír ráðherrar vilja umtalsverða stýrivaxtalækkun

Þorgerður Katrín Gunnarsdóttir varaformaður Sjálfstæðisflokksins og menntamálaráðherra, Björgvin G. Sigurðsson viðskiptaráðherra og Össur Skarphéðinsson iðnaðarráðherra vilja öll að Seðlabankinn lækki stýrivexti umtalsvert og það hið fyrsta.

Lenti í Keflavík með meðvitundarlausan farþega

Farþegaþota frá Continental-flugfélaginu á leið frá Þýskalandi til Bandaríkjanna lenti á Keflavíkurflugvelli undir kvöld í gær, þar sem einn farþeganna hafði misst meðvitund.

Sjálfstæðismenn vilja flýta álveri á Bakka

Á aðalfundi sjálfstæðisfélags Suður-Þingeyinga var samþykkt ályktun um að skora á stjórnvöld að hraða undirbúningi við álver á Bakka við Húsavík, þannig að framkvæmdir geti hafist sem fyrst. Telja sjálfstæðismenn þetta sérlega mikilvægt í ljósi síðustu atburða í efnahagsmálum, þar sem í ljós hefur komið nauðsyn þess að skjóta fleiri stoðum undir íslenskt efnahagslíf.

Ekki sanngjarnt að kalla okkur óreiðumenn

Sigurjón Þ. Árnason bankastjóri Landsbankans segir ekki sanngjarnt að kalla forsvarsmenn bankanna óreiðumenn líkt og Davíð Oddsson gerði í Kastljósi gærkvöldsins. Sigurjón var gestur Kastljóss Sjónvarpsins í kvöld.

Missti meðvitund í háloftunum

Rétt fyrir kl. 16:00 lenti fugvél frá Continental flugfélaginu á Keflavíkurflugvelli vegna veikinda eins farþega um borð. Hann hafði misst meðvitund á meðan á flugi stóð og ákvað flugstjórinn að lenda í Keflavík.

Íslenskir námsmenn í vanda erlendis

Nokkuð er um að íslenskir námsmenn erlendis hafi ekki getað fært peninga milli landa. Fjölskylda með 3 börn í Danmörku hefur ekki getað millifært af reikningi sínum og á ekki fyrir mat þótt innistæður séu drjúgar á Íslandi.

Pólverjarnir á leið heim með Iceland Express

Matthías Imsland forstjóri Iceland Express segir að fyrirtækið finni fyrir mikilli aukningu í flugi til Póllands upp á síðkastið. Flugfélagið flýgur einu sinni í viku til Póllands og margir hafa keypt sér miða aðra leiðina. Matthías segir að í lang flestum tilvikum sé um Pólverja að ræða.

Lýst eftir 16 ára pilti

Lögreglan á höfuðborgarsvæðinu leitar að Viðari Marel Magnússyni. Hann fór frá unglingaheimilinu Háholti í Borgarnesi á mánudag, en þar hefur hann dvalið að undanförnu.

Alþjóðagjaldeyrissjóðurinn svartsýnn á ástandið

Seðlabankar margra helstu ríkja heims lækkuðu stýrivexti sína í dag til að bregðast við fjármálakreppnunni. Alþjóðagjaldeyrissjóðurinn segir kreppuna sem dynji á heiminum þá verstu síðan á fjórða áratug síðustu aldar.

Ekkert fast í hendi

Fulltrúar Alþjóðagjaldeyrissjóðsins eru hér á landi að fylgjast með þróun efnahagsmála, en stjórnvöld hafa enn ekki beðið þá um aðstoð. Forsætisráðherra segir að gengi íslensku krónunnar verði óstöðugt á næstunni. Hann ræddi við alla norrænu forsætisráðherrana í gær, en ekkert er fast í hendi.

Lögregla leitar að 6 ára einhverfum pilti í Breiðholti

Lögreglan á höfuðborgarsvæðinu leitar nú að sex ára gömlum pilti í Breiðholti. Pilturinn sem er einhverfur var staddur á leiksvæði við Fellaskóla í Breiðholti en lögreglu barst tilkynning um hvarf piltsins um fimm leytið í dag.

Íslensk kona fannst látin í Færeyjum

Íslensk kona á sjötugsaldri sem leitað hefur verið að í Færeyjum er fundin. Hún reyndist látin eftir því sem segir á vefnum Dimmalættingi.

Verkfæri í óskilum

Lögreglan á höfuðborgarsvæðinu leitar nú eiganda verkfæranna á meðfylgjandi mynd. Sá hinn sami getur vitjað þeirra á lögreglustöðinni við Hverfisgötu gegn framvísun staðfestingar á eignarhaldi.

Fundað með Rússum um lán á þriðjudag

Fulltrúar íslenskra stjórnvalda funda á þriðjudaginn með rússneskum stjórnvöldum um hugsanlegt lán Rússa til Seðlabanka Íslands. Þetta kom fram í máli Geirs H. Haarde forsætisráðherra á blaðamannafundi í Iðnó.

Lögreglan varar við bankasvindlurum

Ríkislögreglustjóra er kunnugt um að almenningi hér á landi hafi borist símtöl erlendis frá þar sem fólki er boðið að leggja fjármuni sína inn á bankareikninga í útlöndum.

Reynt að koma í veg fyrir að allt fé í peningamarkaðssjóðum tapist

Björgvin G. Sigurðsson, viðskiptaráðherra, segir að verið sé að vinna að því að útfæra lausnir sem verði til þess að fólk sem lagt hefur sparnað sinn í peningamarkaðssjóði fái að minnsta kosti hluta þess sparnaðar bættan. Peningamarkaðssjóðir njóta ekki sömu verndar og aðrir innlánareikningar og því hefur litið út fyrir að þessi sparnaður fólks sé tapaður, fari bankarnir í þrot.

Ráðstafanir gerðar fyrir utanríkisviðskipti

Geir H. Haarde forsætisráðherra segir að ríkisstjórnin hafi gert ráðstafanir þannig að erlend viðskipti íslenskra fyrirtækja geti farið fram á eðlilegan hátt. Á blaðamannafundi Iðnó í dag kom fram að hnökrar hefðu verið á þessum viðskiptum en Seðlabankanum hefði verið falið að leysa hnúta og gefa út ábyrgðaryfirlýsingar til viðbótar við yfirlýsingum viðskiptabanka.

Íslenski sendiherrann fundaði í Downingstræti

Sendiherra Íslands í Bretlandi, Sverrir Haukur Gunnlaugsson, fór eftir hádegi í dag til fundar í Downingstræti 10 við háttsetta embættismenn í forsætisráðuneyti og fjármálaráðuneyti Bretlands.

Ísland hækkar á lista yfir samkeppnishæfni

Þrátt fyrir umrót í viðskiptalífinu undanfarið ár hækkar Ísland á lista Alþjóðaefnahagsráðsins um samkeppnishæfni þjóða úr 23. sæti 2007-2008 í 20. sæti 2008-2009.

Sjá næstu 50 fréttir

Mest lesið