Ísafjarðarbær leggur fram aðgerðaáætlun

Bæjarstjórn Ísafjarðarbæjar hefur samþykkt sérstaka aðgerðaáætlun til að til að bregðast við breytingum á umhverfi í efnahags- og atvinnumálum þjóðarinnar.

Ætlaði að selja kannabis í Eyjum

Karlmaður var í Héraðsdómi Suðurlands í dag dæmdur til að greiða 350 þúsund króna sekt fyrir að hafa haft í fórum sínum nærri 80 grömm af kannabisefnum.

Afnema stimpilgjöld við breytingu á fasteignalánum

Árni Mathiesen fjármálaráðherra mun leggja fram frumvarp um að afnema stimpilgjöld af greiðsluskilmálabreytingum á fasteignaveðlánum. Árni kynnti frumvarpið fyrir ríkisstjórninni í morgun og var það samþykkt þar.

Dæmdur fyrir að kýla dóttur sína í andlitið

Héraðsdómur Suðurlands hefur dæmt karlmann í 30 daga skilorðsbundið fangelsi og sektað hann um 160 þúsund krónur fyrir ölvunarakstur og líkamsárás.

Búið að opna Víkurskarð

Vegagerðin hefur opnað Víkurskarð en það hefur verið lokað frá því í nótt vegna ofankomu. Bílar sátu þar fastir og tafði það nokkuð moksturinn í morgun. Vegagerðin bendir þó á að snjóþekja sé á veginum og éljagangur.

Býst við að mannekla leikskóla leysist á næstu vikum

Sviðsstjóri leikskólasviðs borgarinnar á von á því að allir leikskólar verði fullmannaðir á næstu vikum og þá verði hægt að fylla þau pláss sem ekki hefur verið hægt að fylla. Umsókn um störf á leikskólunum hefur fjölgað mjög á síðustu vikum.

Varað við hvassviðri á milli Breiðdalsvíkur og Hafnar

Vegagerðin varar við miklu hvassviðri og sterkum hviðum á milli Breiðdalsvíkur og Hafnar í Hornafirði. Einnig er varað við sandfoki í Hvalnesskriðum og eru vegfarendur beðnir að gæta varúðar á þessari leið.

Finnur Sveinbjörnsson bankastjóri Nýja Kaupþings

Stjórn Nýja Kaupþings hefur ráðið Finn Sveinbjörnsson sem bankastjóra. Starfsmönnum var tilkynnt þetta með tölvupósti fyrir örfáum mínútum. Finnur gegndi starfi formanns skilanefndar Kaupþings hf. eftir að Fjármálaeftirlitið tók yfir stjórn hans þann 8. október. Finnur mun hefja störf á morgun.

Skilyrði IMF ekki óaðgengileg - Þjóðarframleiðslan mun hrapa

Geir H. Haarde forsætisráðherra sagði eftir ríkisstjórnarfund í morgun að þau skilyrði sem Alþjóðagjaldeyrissjóðurinn setti fyrir aðstoð væru ekki óaðgengileg.

Grunaður um sölu á heimaslátruðu

Lögreglumenn á Hvolsvelli stöðvuðu ökumann á leið úr austurhluta umdæmisins í liðinni viku.

Samkomulag við IMF í dag eða á morgun

Björgvin G. Sigurðsson viðskiptaráðherra á von á því að samkomulag náist við Alþjóðagjaldeyrissjóðinn um aðstoð við Íslendinga síðar í dag eða á morgun. Þetta sagði hann eftir ríkisstjórnarfund í Ráðherrabústaðnum.

Skorar á aðra veitingamenn að lækka einnig verð

,,Það liggur einhver doði yfir landsmönnum og fólk hreyfir sig ekki út fyrir dyr. Nú þarf fólk að spjalla saman og peppa hvort annað upp og þetta er ein leið til þess," segir Magnús Ingi Magnússon, veitingamaður á Sjávarbarnum sem hefur lækkað verð á sjávarréttahlaðborði sínu.

Kannast ekki við að Japanar hyggist aðstoða Ísland

Shiochi Nakagawa, fjármálaráðherra Japans, sagði á blaðamannafundi í morgun að hann hefði ekki heyrt af því að Alþjóðagjaldeyrissjóðurinn hefði leitað til þarlendra stjórnvalda til þess að aðstoða Íslendinga í vandræðum sínum.

Ætla að spara 15-20 milljónir í nefndarkerfi borgarinnar

Forsætisnefnd Reykjavíkurborgar, sem í eiga sæti forseti og varaforsetar borgarstjórnar, hyggst spara 15-20 milljónir króna í nefndarkerfi borgarinnar á næsta ári vegna kreppunnar.

Jafnréttisþingi frestað vegna kreppunnar

Jóhanna Sigurðardóttir félags- og tryggingamálaráðuneytið hefur ákveðið að fresta Jafnréttisþingi, sem halda átti þann 7. nóvember, fram í janúar á næsta ári.

Ófært um Víkurskarð en verið er að moka

Vegagerðin segir að enn sé ófært um Víkurskarð en unnið er að mokstri þessa stundina. Þá eru hálkublettir frá Borganesi og víða á Snæfellsnesi.

Héldu upplýsinga- og stuðningsfundi fyrir erlenda starfsmenn LSH

Erlendir starfsmenn á Landspítalanum eru uggandi yfir stöðu sinni, launum og réttindamálum og því gripu forsvarsmenn spítalans til þess að halda upplýsinga- og stuðningsfundi fyrir þá í síðustu viku.

Fjögur á slysadeild eftir útafakstur

Fjögur ungmenni slösuðust og voru flutt á Slysadeild Landsspítalans í Reykjavík þegar bíll sem þau voru í fór út af Grindavíkurvegi í gærkvöldi og hafnaði út í hrauni.

Snjóflóð lokaði vegi fyrir norðan

Vegurinn á milli Ólafsfjarðar og Dalvíkur lokaðist undir morgun vegna snjóflóðs.

Fastur í bíl á Grenivíkurvegi

Lögrelan á Akureyri kallaði út Björgunarsveitina á Grenivík seint í nótt, til að aðstoða ökumann sem sat fastur í bíl sínum á Grenivíkurvegi.

Handtekin með þýfi

Lögreglan á Selfossi handtók fjögur ungmenni á bíl í nótt eftir að meint þýfi úr innbroti í söluskálann í Árnesi í fyrrinótt, fannst í bíl þeirra.

Heimilisofbeldi í Keflavík

Til átaka kom milli heimilisfólks í íbúð í Keflavík í nótt og var kallað á lögreglu. Þegar hún kom á vettvang var ölóður húsbóndinn þar fyrir og tveggja ára barn, en húsmóðirin var flúin.

Ingibjörg ræddi við Norðmenn og Frakka um helgina um aðstoð

Ingibjörg Sólrún Gísladóttir utanríkisráðherra ræddi ítarlega við Jens Stoltenberg, forsætisráðherra Noregs, og Jonas Gahr Störe, utanríkisráðherra Noregs, í síma um helgina.

IMF: Krónuna á flot og háa stýrivexti

Tvö helstu skilyrði Alþjóðagjaldeyrissjóðsins í viðræðum við Íslendinga eru þau að krónunni verði komið aftur á flot og að stýrivöxtum verði haldið háum. Þetta hefur fréttastofan eftir áreiðanlegum heimdildum. Sömu heimildir herma að ákvörðun í málinu verði tekin á næsta sólarhring.

Tindur fékk enga sérmeðferð - Valtýr veitti frænkunni tiltal

Páll Winkel, fangelsismálastjóri, segir það grófar aðdróttanir að halda því fram að Tindur Jónsson, sem fékk sex ára fangelsisdóm fyrir alvarlega líkamsárás, hafi notið sérmeðferðar í kerfinu sökum þess að frænka hans vann hjá stofnuninni. Fyrrverandi fangelsismálastjóri staðfestir þó að hann hafi veitt frænkunni tiltal vegna afskipta hennar af fanganum. Þetta kom fram í Kastljósi Ríkissjónvarpsins.

Enn ringulreið í fjármálakerfinu

Fjármálakerfi Íslands er enn í algerri ringulreið og engin leið að gera sér grein fyrir því hversu mikill skaðinn verður. Þessa mynd fékk viðskiptanefnd Alþingis af stöðu mála eftir fund í morgun með skilanefndum og bankastjórum nýju ríkisbankanna.

Útilaug við Sundhöllina á skipulag

Einmitt á tíma samdráttar og krepputals eiga menn að láta drauminn rætast um endurbætta Sundhöll Reykjavíkur með útilaug og auðga þannig mannlífið í borginni. Þetta er skoðun arkitektsins sem teiknað hefur viðbygginguna.

Kemur ekki til greina að veðsetja auðlindirnar

Ekki kemur til greina að Íslendingar veðsetji auðlindir landsins til að tryggja aðstoð frá Alþjóðagjaldeyrissjóðnum að sögn Geirs H. Haarde, forsætisráðherra. Hann segir skilmála sjóðsins fyrst og fremst vera almenns eðlis og snerta aðgerðir sem Íslendingar þurfi hvort eð er að fara í.

Kristín kannast við eyjuna Tortola

Kristín Jóhannesdóttir, framkvæmdastjóri fjárfestingafélagsins Gaums og systir Jóns Ásgeirs, kannast við eyjuna og skattaparadísina Tortola í Karíbahafinu. Hún fullyrðir að þangað hafi engir fjármunir verið fluttir frá Gaumi Holding í Lúxembúrg. Nöfn margra eignarhaldsfélaga sem skráð eru á Bresku Jómfrúreyjunum bera með sér að vera í eigu Íslendinga.

Frístundaheimili fyrir fatlaða opnað í Kópavogi

Félagsþjónustan í Kópavogi opnar formlega frístundaheimili fyrir fatlaða nemendur í 5. til 10. bekk grunnskólum Kópavogs miðvikudaginn 22. október. Úrræðið verður til húsa í Smáraskóla við Dalsmára.

Friðrik áfram forstjóri Landsvirkjunar

Friðrik Sophusson verður áfram forstjóri Landsvirkjunar og jafnvel til tveggja ára. Þetta kemur fram í tikynningu frá fyrirtækinu.

Umferðarbrotum fækkar á milli ára

Umferðarlagabrot í september voru 15% færri en í september fyrir ári síðan eða 4540 talsins. Í fyrra voru þau 5321. Fyrir tveimur árum voru brotin á sama tíma tæplega 4400. Þetta kemur fram í bráaðbirgðutölum fyrir allt landið sem Ríkislögreglustjóri tekur saman.

Tilkynningum um barnaverndarmál fækkar um tíu prósent

Tilkynningum um barnaverndarmál fækkaði um rúm tíu prósent á fyrri helmingi þessa árs samanborið við sama tíma í fyrra. Þetta kemur fram á vef Barnaverndarstofu.

Rehn ítrekar að hægt yrði að afgreiða ESB-aðild Íslands með hraði

Olli Rehn, stækkunarstjóri Evrópusambandsins, ítrekar í samtali við AFP-fréttastofuna að Íslendingar geti gengið í sambandið á tiltölulega stuttum tíma ef áhugi sé fyrir því.

Einstaklingum á vanskilaskrá fjölgar verulega á milli mánaða

Á árinu 2008 hafa alvarleg vanskil einstaklinga aukist mjög hratt og á fyrstu níu mánuðum ársins er fjöldi nýskráðra einstaklinga á vanskilaskrá um það bil sá sami og allt árið 2007. Þetta kemur fram í upplýsingum frá fyrirtækinu Lánstraust, sem heldur utan um þessar skráningar á Íslandi.

Bakarameistarinn berst gegn verðbólgunni

Bakarameistarinn berst við verðbólguna með lækkun vöruflokka. Mikil áhersla framvegis lögð á að bjóða upp á íslenska framleiðslu í flestum vöruflokkum. Öll verðskrá fyrirtækisins endurskoðuð til lækkunar þegar ró kemst á íslensku krónuna.

Vísar á Geir varðandi Bretavarnir

,,Ég vísa til svara forsætisráðherra um þetta mál, hann svarar fyrir hönd ríkisstjórnarinnar," segir Björn Bjarnason, dómsmálaráðherra í svarbréfi til Vísis varðandi fyrirhugað loftrýmiseftirlit breska hersins í desember.

Aðeins 50 ökutæki nýskráð í síðustu viku

Aðeins 50 ökutæki voru nýskráð í liðinni viku miðað við nærri 550 í sömu viku í fyrra. Þetta kemur fram í nýjum tölum Umferðarstofu um nýskráningar ökutækja. Samdrátturinn nemur því um 90 prósentum á milli ára.

Þingkosningar ólíklegar á næstunni

Lúðvík Bergvinsson, þingflokksformaður Samfylkingarinnar, telur að stjórnarslit og kosningar séu ekki á næsta leiti. Aftur á móti telur Lúðvík að þjóðin þurfi fyrr eða síðar að taka afstöðu til stórra spurninga.

Reyna að stinga af með bíla á kaupleigu

Borið hefur á því að erlendir ríkisborgarar með bíla á kaupleigusamningi hafi flutt þá með sér um leið og þeir yfirgefa landið.

Voðaskotið í Rússlandi: Líklega réttað yfir stúlkunni hér á landi

Rússneskir fjölmiðlar fjalla um mál íslensku stúlkunnar sem var skiptinemi í borginni Astrakhan í Rússlandi og varð ungum pilti að bana fyrr í mánuðinum. Stúlkan sem nú er stödd á Íslandi er sögð eiga yfir höfði sér allt að tveggja ára fangelsisdóm verði hún sótt til saka í landinu. Líklegra þykir þó að mál hennar verði rekið fyrir íslenskum dómstólum.

Lögreglumaðurinn með stöðugan verk í fingrinum

Lögreglumaðurinn, sem í fyrrinótt var bitinn illa í fingurinn, verður frá vinnu í einhverjar vikur. Í samtali við héraðsfréttablaðið Feykir segist hann vera með stöðugan verk í fingrinum en sökum þess hve nálægt naglaböndum bitið hafi verið sé ekki hægt að sauma fingurinn saman.

Dregur úr notkun nagladekkja í Reykjavík

Svifryk hefur farið 19 sinnum yfir heilsuverndarmörk á þessu ári en mátti einungis fara 18 sinnum yfir á árinu samkvæmt reglugerð. Umhverfis- og samgöngusviðs Reykjavíkur fullyrðir að nagladekk séu á undanhaldi en þau eru helsti orsakavaldur svifryks að vetrarlagi.

FT segir Ísland fá 670 milljarða lán frá IMF og fleirum

Íslensk stjórnvöld munu óska eftir 6 milljarða dollara aðstoð frá Alþjóðagjaldeyrissjóðnum og ýmsum seðlabönkum í heiminum, jafnvirði um 670 milljarða króna. Þetta er fullyrti á vef breska blaðsins Finacial Times.

Varað við hálku og þæfingi á heiðum

Vegir eru víðast hvar auðir á Suður- og Vesturlandi en þó er hálka í Bröttubrekku og á Nesjavallaleið.