Fleiri fréttir

Sigurður Einarsson ekki óskað eftir nýjum verjanda

Ólafur Ólafsson, sem hefur verið ákærður í Al-Thani málinu, hefur óskað eftir því að verða skipaður nýr verjandi eftir að Ragnar H. Hall sagði sig frá málinu í dag. Það hefur Sigurður Einarsson, fyrrverandi stjórnarformaður Kaupþings, ekki gert. Gestur Jónsson, verjandi Sigurðar, segist þó búast við því að Sigurður óski eftir því að fá nýjan verjanda og að báðir haldi uppi vörnum.

Saksóknari undrandi yfir ákvörðun verjenda

"Ég er mjög undrandi,“ segir Björn Þorvaldsson saksóknari hjá sérstökum saksóknara vegna þeirrar ákvörðunar hæstaréttarlögmannana Gests Jónssonar og Ragnars Hall að segja sig frá al-Thani málinu. Þeir Gestur og Ragnar eru verjendur Sigurðar Einarssonar, fyrrverandi stjórnarformanns Kaupþings, og Ólafs Ólafssonar, eins aðaleiganda bankans.

Viðbúið að héraðsdómur hafni ósk verjendanna

Sveinn Andri Sveinsson hæstaréttarlögmaður telur viðbúð að Héraðsdómur Reykjavíkur muni synja beiðni hæstaréttarlögmannanna Gests Jónssonar og Ragnars Hall um að fá að segja sig frá al-Thani málinu. Þeir Gestur og Ragnar, sem eru verjendur Sigurðar Einarssonar og Ólafs Ólafssonar, héldu blaðamannafund í dag þar sem þeir kynntu þessa ákvörðun sína.

Tvímælalaust einn merkasti stjórnmálamaður 20. aldarinnar

"Margaret Thatcher var tvímælalaust einn merkasti stjórnmálamáður 20 aldarinnar,“ segir Hannes Hólmsteinn Gissurarson, prófessor í stjórnmálafræði við Háskóla Íslands. Talsmaður Thatchers tilkynnti breskum fjölmiðlum í morgun að Thatcher væri látin, 87 ára að aldri. Banamein hennar var heilablóðfall.

Margaret Thatcher er látin

Margaret Thatcher, fyrrverandi forsætisráðherra Bretlands er látin, 87 ár að aldri. Það er breska ríkisútvarpið sem hefur þetta eftir talsmanni hennar. Thatcher var forsætisráðherra Bretlands á árunum 1979 - 1990. Hún var fyrsta konan til að gegna þessu embætti á Bretlandi. Hún varð þingmaður árið 1959 og lét af þingmennsku 1992. Hún átti við heilsubrest að stríða síðustu æviár sín. Meryl Streep fór með hlutverk Thatchers í nýlegri mynd sem gerð var um ævi hennar.

Stal flösku af Jim Beam og sjálfskiptingarvökva

Lögreglunni á Suðurnesjum barst tilkynning síðdegis síðastliðinn föstudag þess efnis að fjórir menn hefðu sést á hlaupum frá verslunarmiðstöðinni í Njarðvík. Voru þeir grunaðir um að hafa stolið áfengi úr vínbúðinni þar, svo og varningi úr Bílanausti.

Konungur Noregs yfirgaf höll sína þegar brunarvarnarkerfi fór í gang

Haraldur Noregskonungur og Sonja konan hans þurftu að yfirgefa konungshöllina í morgun þegar brunavarnarkerfið fór í gang. Allt starfsfólk konungshirðarinnar yfirgaf einnig höllina með konungshjónunum. Ola Krokan, varðstjóri hjá lögreglunni í Osló, segir að konungshjónin hafi þegar verið búin að yfirgefa höllina þegar slökkviliðið og lögregla komu á vettvang. Enginn eldur reyndist vera í húsinu, en kerfið fór í gang þegar vifta bilaði. Haraldur kóngur var á fundi með forseta Litháen þegar kerfið fór í gang.

Fimmtán ára með fíknefni

Um helgina höfðu lögreglumenn á Selfossi afskipti af 15 ára gömlum unglingi sem var með í vasa sínum tæpt gramm af kannabis.

Datt af baki og lenti á vatnskari

Það óhapp átti sér stað í Reykjanesbæ, að stúlka féll af baki hesti sínum og hlaut nokkur meiðsl. Stúlkan var með vinkonu sinni í útreiðatúr á Mánagrund þegar hestur hennar rauk allt í einu á fulla ferð.

Ökuferðin gæti kostað 130 þúsund

Tuttugu og sex ökumenn voru staðnir að að of hröðum akstri í umdæmi lögreglunnar á Suðurnesjum um helgina. Sá sem hraðast ók mældist á 141 kílómetra hraða þar sem hámarkshraði er 90 kílómetrar á klukkustund. Hann má búast við að glæfraaksturinn kosti hann 130 þúsund krónur. Flest hraðakstursbrotin áttu sér stað á Reykjanesbraut.

WikiLeaks ætlar að birta ný leyniskjöl

Uppljóstrunarsamtökin WikiLeaks ætlar í dag að opinbera meira en 1,7 milljónir skjala úr utanríkisþjónustu- og leyniþjónustu Bandaríkjanna. Julian Assange, leiðtogi samtakanna. Skjölin eru frá áttunda áratug síðustu aldar og verða skjölin sett á vefsíðu WikiLeaks. Skjölin eru dagsett frá 1973 til 1975 og þar á meðal eru skjöl sem Henry Kissinger, þáverandi utanríkisráðherra Bandaríkjanna, hafði undir höndum. Assange situr nú í stofufangelsi í sendiráði Ekvadórs í Lundúnum.

Þögn sló á Ísrael í tvær mínútur

Ísraelar af öllum stigum þjóðfélagsins lögðu niður vinnu í dag og minntust þeirra sex milljón gyðinga sem féllu fyrir hendi nasista í seinni heimsstyrjöldinni.

Harður árekstur í Hafnarfirði

Ökumaður bíls var fluttur á slysadeild Landspítalans eftir harðan árekstur tveggja bíla í Hafnarfirði á ellefta tímanum í gærkvöldi.

Yfir fjögur þúsund skjálftar

Rólegt var á skjálftasvæðinu austur af Grímsey í nótt og hefur engin snarpur skjálfti mælst þar síðan einn upp á 3,3 stig varð þar á fimmta tímanum í fyrrinótt. Jarðvísindamenn eiga þó allt eins von á að virknin geti aukist á ný. Yfir fjögur þúsund skjálftar mældust á skjálftakerfinu í síðustu viku, lang flestir austur af Grímsey.

Þorskurinn í fæðingarorlof

Þorskurinn er að fara í fæðingarorlof, en svo nefna sjómenn gjarnan hrygningarstoppið, þegar veiðar eru bannaðar á tilteknum hrygningarsvæðum þorskins til að trufla ekki hrygningu hans.

Sjóðandi heitt vatn setur menn og dýr í stórhættu

Hluti af hitaveitulögnum Orkuveitu Reykjavíkur (OR) í Skorradal er úr sér genginn og skapar stórhættu fyrir menn og dýr. Ein lögnin fór sundur í gær með þeim afleiðingum að þúsundir lítra af 90 gráðu heitu vatni láku út og mynduðu stóra tjörn.

Telja skógrækt við Þórsmörk í hættu

„Ég er mjög ósáttur með úrskurð nefndarinnar sem kaus að hunsa fyrirliggjandi beitarþolsmat sem unnið var af Landbúnaðarháskólanum. Þar kemur skýrt fram að það sé ekki ákjósanlegt að hefja beit á svæðinu,“ segir Sveinn Runólfsson landgræðslustjóri.

Vilja kenna börnum skák frá fyrsta degi

Sterk rök hníga að því að taka upp skákkennslu í grunnskólum landsins sem hluta af fastri stundaskrá. Könnun meðal skólastjórnenda sýnir að 97% þeirra vilja taka þátt í tilraunaverkefni sem myndi innleiða kerfisbundna skákkennslu fyrir yngstu börnin inn í skólastarfið.

Fiskikóngur vonar að hafmeyjan fái frið

Kristján Berg, sem rekur fiskbúðina Fiskikónginn við Sogaveg, hefur látið mála risastóra mynd af hafmeyju á vegg búðarinnar. Hann var áður með stórt auglýsingaskilti á veggnum en Reykjavíkurborg lét hann fjarlægja það.

Ungur og óreyndur í aðalhlutverki

Þrátt fyrir að vera óþekkt andlit hefur leikaradraumurinn lengi blundað í Styr Júlíussyni sem leikur aðalhlutverkið í kvikmyndinni Falskur fugl.

Gagnsæi er lykillinn að fulltrúalýðræði

Smári McCarthy segir fylgisaukingu Pírata vera viðbúna og býst við að fá fulltrúa á þing. Þeir leggi áherslu á gagnsæi og aðgang almennings að upplýsingum, sem sé grunnurinn að fulltrúalýðræði og þátttöku almennings.

"Finnst kennitalan ónýt og ekki hjálpar til hvað ég er feit"

"Mér finnst það skipta máli hvað ég er orðin gömul, mér finnst til dæmis kennitalan mín vera ónýt. Og ekki hjálpar til hvað ég er feit. Ég fer í blóðprufur reglulega og er rosalega hraust - það er ekkert að mér,“ segir María Líndal Jóhannsdóttir, fimmtíu og tveggja ára atvinnulaus þriggja barna móðir í Reykjanesbæ.

Yfir 80 prósent vilja að flugvöllurinn verði kyrr

Yfir 80 prósent landsmanna vilja að Reykjavíkurflugvöllur verði kyrr í Vatnsmýrinni, samkvæmt niðurstöðum könnunar Stöðvar 2 og Fréttablaðsins. Ekki er munur á afstöðu eftir búsetu, en í kosningum um framtíð flugvallarins árið 2001 vildi meirihluti Reykvíkinga flugvöllinn burt.

Tíu börn fórust í árás Nató

Tólf almennir borgarar, þar af tíu börn, létust í loftárás Nato í austurhluta Afganistan í nótt. Þetta kemur fram á vef breska ríkisútvarpsins.

Nafn stúlkunnar sem lést

Stúlkan sem lést í bílslysi á Akrafjallsvegi norðan við Hvalfjarðargöngin í fyrrinótt hét Lovísa Hrund Svavarsdóttir. Hún var sautján ára gömul.

Falleg stund á íþróttavelli - fékk drauminn uppfylltan

Jack Hoffman er sjö ára gamall piltur frá Nebraska í Bandaríkjunum sem berst við krabbamein í heila. Hans helsti draumur hefur verið að fá að spila með amerískan fótboltaliðinu með liði borgarinnar sem hann býr í.

Svona segist Sigmundur Davíð ætla að efna kosningaloforðið

Sigmundur Davíð Gunnlaugsson, formaður Framsóknarflokksins segist viss um að höfuðstóll skulda almennings lækki eftir að gerðir verði samningar við kröfuhafa gömlu bankana. Segir hann að heildfjármagnið sé svo mikið, hagsmunir kröfuhafana um að losna út séu svo miklir og að tæki ríkisins um að knýja fram nýja samninga séu svo sterk.

Katrín Jakobs: Átök á erfiðu kjörtímabili

Katrín Jakobsdóttir formaður VG segist bjartsýn á að flokkurinn eigi eftir að ná vopnum sínum að nýju fram að kosningum. Hún segir erfiðar ákvarðanir á síðasta kjörtímabili og átök innan flokksins skýra fylgistap flokksins.

Friðurinn og fegurðin dýpst á nóttunni

Mikil reiði ríkir meðal veiðimanna vegna ákvörðunar Þingvallanefndar um að banna næturveiði í þjóðgarðinum. Stefán Jón Hafstein, útgáfustjóri Flugur.is, sem barist hefur fyrir réttindum veiðimanna, segir að ákvörðuninni verði ekki unað.

Fylgistapið vonbrigði - verðum að sækja fram

Bjarni Benediktsson, formaður Sjálfstæðisflokksins, segir að fylgistap flokksins í síðustu skoðanakönnunum séu mikil vonbrigði. Eina í stöðunni núna sé að sækja fram og trúa á boðskapinn.

Geislavirkt vatn lak út úr kjarnorkuveri

Talið er að 120 tonn af geislavirku vatni hafi lekið úr Fukushima-kjarnorkuverinu á síðustu dögum. Vatnið, sem notað var til að kæla kjarnakljúfa versins, seitlaði ofan í jarðveginn úr vatnsgeymum.

Fresta flugskeytaprófun

Bandarísk stjórnvöld hafa ákveðið að fresta flugskeytaprófun sem fram átti að fara í Kaliforníu í næstu viku.

Sjá næstu 50 fréttir

Mest lesið