Óvinur Gaddafi kjörinn forseti

Hið nýstofnaða líbíska þing kaus bráðabirgðaforseta landsins í gærmorgun. Nýr forseti heitir Mohammed el-Megarif en hann var leiðtogi stærsta og rótgrónasta stjórnarandstöðuflokksins í Líbíu á meðan Moammar Gaddafi var enn einræðisherra í Líbíu. El-Megarif hefur verið í útlegð í Bandaríkjunum síðan á níunda áratugnum. Hann mun sitja þar til ný stjórnarskrá hefur verið samþykkt á næsta ári.

Risavaxinn sveppur fannst í Borgarfirði

„Ég held að þetta hljóti að vera stærsti sveppur á Íslandi,“ segir Raimundas Valasinavicius, reyndur sveppatínslumaður, um risavaxinn kóngssvepp sem hann fann í Borgarfirðinum í gær. Raimundas hefur tínt sveppi í meira en þrjátíu ár, bæði í föðurlandi sínu Litháen og hér á landi, hvar hann hefur nú verið búsettur í tólf ár.

Nefna gíg í geimnum eftir Nínu

Örnefnanefnd Alþjóðasambands stjarnvísindamanna (IAU) hefur samþykkt tillögur vísindahóps Messenger-geimfars NASA um nafngiftir á níu gígum við norðurpól Merkúríusar (Merkúr), innstu reikistjörnu sólkerfisins. Einn þessara gíga var nefndur eftir íslensku myndlistarkonunni Nínu Tryggvadóttur.

Vildi sprengja ráðhús í Esbjerg

Ungur Dani hefur nú setið í gæsluvarðhaldi í níu mánuði eftir að hafa skipulagt að sprengja upp ráðhúsið í Esbjerg.

Grand Hótel umhverfisvænt

Grand Hótel hefur nú bæði fengið Svansvottun og vottun frá Túni. Svansvottuninni fylgja afar strangar reglur um notkun á vatni, orku og hreinlætisvörum. Nú notar hótelið til dæmis aðeins vottuð þvottaefni, en áður rann um eitt tonn af klóri í gegnum þvottahús hótelsins á ári.

Þrír létust við brotlendingu

Þrír létust þegar flugvél af gerðinni Cessna 172 brotlenti í fjallshlíð við Søvatnet í Noregi.

Skoða saltfisk með segulómun

Matís og Íslenskir saltfiskframleiðendur (ÍSF) standa að nýju verkefni þar sem dreifing salts og vatns um vöðva í saltfiski verður rannsökuð og hvernig mismunandi meðhöndlun hefur áhrif á gæði lokaafurðarinnar. Til verkefnisins fékkst styrkur frá AVS-rannsóknasjóði. Meðal markmiða verkefnisins er að finna ástæðu þess að gallar finnast í fiskinum og að koma í veg fyrir myndun þeirra með bættum verkunaraðferðum. Lokamarkmiðið er að bæta vöru sem flutt er á hefðbundna markaði og vinna nýja.

Vopnabirgðir uppreisnarmanna þverra

Sýrlenskir uppreisnarmenn eiga við vanda að etja því skotfæri þeirra eru nú af skornum skammti. Stjórnarher Bashars al-Assad gerir enn þungar árásir á virkisborgina Aleppo í norðurhluta landsins.

Metþátttaka í Gleðigöngunni á morgun

Það verður metþátttaka í Gleðigöngunni á morgun þegar 40 atriði af öllum stærðum og gerðum aka niður Laugaveginn. Formaður Hinsegin daga gerir sér vonir um að 80 þúsund manns leggi leið sína í miðbæinn.

Ómögulegt að lifa á námslánum - 1.300 kall í mat á dag

Það er gömul saga og ný að það er ómögulegt að lifa einungis á námslánum frá Lánasjóði Íslenskra námsmanna. Þetta segir Sara Sigurðardóttir, formaður Stúdentaráðs, en í dag birtist frétt á mbl.is um að einstaklingum á námslánum séu ætlaðar 1.321 króna á dag til matar- og drykkjarkaupa.

"Frekar epískt að selja Emmu Watson bíómiða“

"Það var frekar epískt að selja Emmu Watson bíómiða," segir Hildur Ólafsdóttir afgreiðslustúlka í Háskólabíó sem afgreiddi stórstjörnuna þegar hún kom að horfa á kvikmyndina To Rome with love klukkan hálf sex í dag.

Myndband frá kertafleytingunni

Hin árlega kertafleyting til minningar um fórnarlömb kjarnorkusprengjanna í Hírósíma og Nagasakí í ágúst 1945 var haldin við Tjörnina í Reykjavík í gækvöldi. Inosúke Hayasakí átta tíu og eins árs gamall Japani sem lifði af kjarnorkusprenginguna í Nakasakí flutti ávarp en hann var staddur í um eins kílómetra fjarlægð frá staðnum þar sem sprengjan féll. Fjöldi fólks fleytti síðan kertum til minningar um fórnarlömbin eins og myndbandið sem sjá má hér að ofan ber með sér. Baldur Hrafnkell Jónsson kvikmyndatökumaður tók myndirnar í gærkvöldi.

Þyrla sótti eina og sjúkrabíll aðra

Þyrla Landhelgisgæslunnar sótti konu sem féll af hestbaki í Húsadal í Þórsmörk í dag. Konan handleggs- og axlarbrotnaði að sögn lögreglunnar á Hvolsvelli. Konan var með hóp í hestaferð þegar óhappi átti sér stað. Konan er nú komin undir læknishendur á Landspítalanum í Fossvogi.

Mun ódýrara að leyfa fötluðum að velja aðstoðarfólk

Notendastýrð persónuleg aðstoð fyrir fatlaða á ekki aðeins eftir að breyta lífi margra þeirra sem koma til með njóta þeirrar þjónustu, en hún gæti einnig sparað sveitarfélögum stórfé ef marka má reynslu nágrannaþjóða. Andri Ólafsson kannaði málið.

Akureyringar þurfa að spara vatnið

Akureyringar glíma nú við vatnsskort, mitt í veðurblíðu. Forstjóri Norðurorku segir að íbúar hafi tekið tilmælum fyrirtækisins vel um að fara sparlega með vatn, en sér fram á að staðan batni strax um helgina.

Óverjandi að börnum skuldugra sé vísað af frístundaheimilum

Sóley Tómasdóttir, borgarfulltrúi Vinstri Grænna, skrifar á bloggi sínu um fréttir síðustu daga þess efnis að börn eigi á hættu að vera vísað af frístundaheimilum sveitarfélaga eða af leikskólum ef foreldrar þeirra greiða ekki skuldir sínar við sveitarfélagið. Hún segir slíkt með öllu óverjandi.

Sumarhúsaeigendur í hár við Orkuveituna

Sumarbústaðaeigendur við Elliðavatn og Helluvatn hafa myndað félag og ætla að verjast Orkuveitu Reykjavíkur sem vill þá af landi sínu og hefur rift samningum.

Björk styður Pussy Riot

Söngkonan Björk birti yfirlýsingu til varnar stúlknapönksveitinni Pussy Riot á heimasíðu sinni í dag.

Noregur minnir Pétur á Ísland 2007

Staðan í Noregi nú um mundir er farin að minna þingmanninn Pétur H. Blöndal ískyggilega á Ísland árið 2007. Um þetta skrifar hann á facebook síðu sinni í dag.

Til stendur að leita að þeim sem kveiktu eldana

Sveitarstjórnin í Súðavík í samstarfi við lögreglu mun hefja leit að þeim sem ollu sinueldunum sem brunnið hafa í Laugadal í Ísafjarðardjúpi að undanförnu. Að sögn sveitarstjóra er markmiðið frekar að varpa ljósi á það sem gerðist heldur en að gera þá bótaábyrga. Sveitarfélagið mun þó kanna réttarstöðu þess gagnvart aðilunum.

Íslenskir lögregluþjónar eru auðkenndir

Íslenskir lögreglumenn hafa frá upphafi borið númer til að fólk eigi möguleika á að greina einstaka lögreglumenn úr þessu einkennisklædda mannhafi. Snorri Magnússon, formaður Landssambands lögregluþjóna, þekkir persónulega dæmi um að kerfið hafi borið árangur og fólk hafi komist í samband við einstaka lögreglumenn og borði þeim þakkir eða kvartað yfir þeim.

Down-hill nýtur sívaxandi vinsælda

Töluverð ásókn er í svokallað Down-hill í Skálafelli. Brautin þar var opnuð fyrir tveimur árum en um er að ræða þriggja kílómetra langa fjallahjólabraut með stökkpalli og tilheyrandi. Hjólreiðamenn nota lyftur í Skálafelli til að komast upp á fjallið og hjóla svo aftur niður. Down-hill er nýlegt sport sem nýtur sívaxandi vinsælda. Vilhelm Gunnarsson, ljósmyndari Fréttablaðsins og Vísis, fór á stúfana á þriðjudag til að kynna sér um hvað málið snýst. Smelltu hér til að skoða myndir hans úr ferðinni.

Heilir hafrar innkallaðir eftir að skordýr fundust í pokunum

Heilbrigðiseftirlit Reykjavíkur, í samráði við Heilsu ehf., hefur ákveðið að innkalla af markaði Heila hafra í 500 gramma plaspokum þar sem skordýr, nánar tiltekið bjöllur, hafa fundist í vörunni. Samkvæmt upplýsingum frá Heilsu hefur þegar verið brugðist við og varan fjarlægð úr hillum verslana. Þeir sem hafa keypt vöruna geta skilað henni í verslunina þar sem hún var keypt og fengið hana bætta. Verslanirnar sem hafrarnir voru seldir í eru Verslanir Heilsuhússins, Lifandi Markaður, Nettó Njarðvík, Samkaup Úrval Ísafirði, Vöruval Hf Vestmannaeyjum og Heilsuver Suðurlandsbraut.

Benedikt leitar að grárri hryssu

Benedikt Erlingsson leikstjóri leitar í dag með logandi ljósi að grárri hryssu sem gæti tekið þátt í mynd sem hann leikstýrir. Tökur á myndinni hefjast á mánudag. Stefnt er á að myndin verði frumsýnd á næsta ári.

Raðnauðgara leitað

Frönsku lögregluna grunar að raðnauðgari gangi laus í Mið-Frakklandi eftir að ellefu ára gamallari stúlku var nauðgað á tjaldsvæði á Ardeche-svæðinu á miðvikudag. Rannsókn er hafin á brotinu og hafa umsjónarmenn tjaldsvæða verið beðnir um auka öryggi á svæðum sínum. Lögreglan telur að árásin á miðvikudag tengist kynferðisbrotamálum sem hafa átt sér stað í nágrannabæjum undanfarnar vikur en ráðist hefur verið á sjö stúlkur á aldrinum sjö til tólf ára frá því lok júní. Teikningu hefur verið dreift til lögreglunnar sem byggð er á framburði vitna. Maðurinn er talinn vera um fertugt.

Segja lögreglu og fangelsismálayfirvöld lofa ólögmætum ívilnunum

Verjendur þeirra Annþórs Kristjáns Karlssonar og Barkar Birgissonar segjast hafa rökstuddan grun um að lögreglan og fangelsismálayfirvöld séu að bjóða föngum ólögmætar ívilnanir fyrir vitnisburð í máli gegn þeim. Annþór og Börkur eru grunaðir um að hafa orðið samfanga sínum á Litla Hrauni að bana fyrr á árinu.

Bandaríska sendiráðið skreytt í tilefni Gay Pride

Bandaríska sendiráðið við Laufásveg skartar nú tveimur stórum fánum samkynhneigðra í tilefni gleðigöngunnar sem fer fram í miðborg Reykjavíkur á morgun. Starfsmenn sendiráðsins settu myndina hér til hliðar inn á Facebook-síðu sína í morgun.

Þrjár neyðarlendingar vegna flugdólga

Þrisvar sinnum kom til þess að grípa þurfti til neyðarlendingar flugvéla á Keflavíkurflugvelli á síðasta ári vegna óláta farþega um borð. Í einu tilvikanna þurfti að yfirbuga farþega í vélinni. Þá voru átján neyðarlendingar á vellinum á árinu vegna veikinda farþega um borð. Þetta kemur fram í ársskýrslu lögreglustjórans á Suðurnesjum fyrir árið 2011 sem kom út í dag.

Skeit í garð nágranna síns

Alltof mikið er um það að lögreglunni á Suðurnesjum berist kvartanir vegna lausagöngu hunda í umdæminu. Í gær barst til að mynda kvörtun frá íbúa í Njarðvík um að hundur nágranna hans gengi ítrekað laus og valsaði um þar sem honum sýndist. Sá sem kvartaði sagði að nú væri mælirinn fullur því hundurinn hefði skitið í garðinn hjá sér og væri það til á upptöku. Málið var tilkynnt til heilbrigðiseftirlits Suðurnesja. Lögregla vill minna á að lausaganga hunda er bönnuð.

Hemmi Gunn verður aftur Á tali

Ríkisútvarpið ætlar í vetur að sýna að nýju brot úr gömlum þáttum Hermanns Gunnarssonar, á tali með Hemma Gunn, sem nutu mikilla vinsælda fyrir um tuttugu árum síðan. Það eru Egill Eðvarðsson og Þórhallur Gunnarsson sem sjá um nýju þættina. Þeir verða sýndir í tengslum við afmæli Ríkisútvarpsins.

Íslendingum fer fjölgandi í sólkerfinu

Íslendingum fer fjölgandi í sólkerfinu eftir að gígur á plánetunni Merkúríusi var nefndur eftir íslensku listakonunni Nínu Tryggvadóttur á dögunum.

Þorvaldi Gylfasyni birt stefna Jóns Steinars

Þorvaldi Gylfasyni háskólaprófessor hefur verið birt stefna í máli sem Jón Steinar Gunnlaugsson hæstaréttardómari höfðar gegn honum. Þetta staðfestir Reimar Pétursson, lögmaður Jóns Steinars. Ástæða málshöfðunarinnar er grein sem Þorvaldur skrifaði í ritröð háskólans í Munchen í Þýskalandi og birt var í mars slíðastliðnum. Jón Steinar telur að Þorvaldur hafi verið með aðdróttun í sinn garð, í greininni. Þar hafi hann sakað sig um að misfara með vald sitt sem dómari við Hæstarétt með því að semja fyrst með leynd kæruskjal vegna stjórnlagaráðskosninga til réttarins og stjórna síðan afgreiðslu þess.

Norska lögreglan gagnrýnd fyrir viðbrögð við fjöldamorðunum

Norska lögreglan er harðlega gagnrýnd í svokallaðri 22. júlí skýrslu, sem fjallar um viðbrögð við fjöldamorðunum í Osló og Útey í fyrra. Þá varð Anders Behring Breivik 77 manns að bana. Skýrslunni var lekið í fjölmiðla og birtu þeir helstu atriði hennar í morgun.

Akureyringar beðnir um að spara vatnið

Orkufyrirtæki Akureyringa, Norðurorka, biður íbúa um að fara sparlega með vatnið þar sem vatnsstaða í miðlunargeymum er komin niður fyrir öryggismörk eru akureyringar beðnir að fara mjög sparlega með neysluvatnið. Þetta kemur fram í tilkynningu frá Norðurorku, sem birt er á vefsíðu fyrirtækisins.

Flogið til 27 áfangastaða

Boðið verður upp á flug til 27 áfangastaða frá Keflavíkurflugvelli í vetur. Tveir þeirra hafa ekki áður verið á vetrardagskrá, eftir því sem fram kemur á vefnum Túristi.is. Það er bandaríska borgin Colorado og Salzburg í Austurríki. Tilkoma þeirra ætti að gleðja skíðaáhugafólk því þær eru báðar í nágrenni við þekktustu skíðasvæði veraldar. Á þremur flugleiðum ríkir meiri samkeppni en Íslendingar eiga að venjast. Þannig munu fjögur félög keppa um farþega til og frá London, þrjú fljúga til Oslóar og þrjú til Kaupmannahafnar.

Uppselt á Iceland Airwaves

Uppselt er á Iceland Airwaves-tónlistarhátíðina sem fer fram í byrjun nóvember og hefur aldrei verið meiri ásókn í miða en í ár. Þetta kemur fram í Fréttatímanum í dag. Búið er að selja fimm þúsund miða en um 200 hljómsveitir koma fram víðs vegar um borgina.

Greiða 25 þúsund fyrir skóladót

Danskir foreldrar munu þurfa að reiða fram að meðaltali um 1200 danskar krónur þegar grunnskólar þar í landi hefjast að nýju í næstu viku. Þótt skólagjöldin séu greidd af hinu opinbera eins og hér á landi kostar sitt að kaupa skólatöskur, bækur, blýanta og pennaveski. Danska blaðið Berlingske Tidende segir að þetta muni kosta foreldra að meðaltali sem samsvarar um 25 þúsund íslenskum krónum. Það er tvöfalt hærri upphæð en danskir foreldrar verja til kaupa á jólagjöfum fyrir börn sín, en sú upphæð nam í fyrra um 12 þúsund íslenskum krónum að meðaltali.

Brunasvæðið orðið 10 hektarar

Tíu slökkviliðsmenn voru að störfum í Laugardal í Súðavíkurhreppi í nótt og sprautuðu vatni yfir svæðið, þar sem eldar hafa kraumað í jarðvegi í heila viku. Brunasvæðið er orðið hátt í tíu hektarar, en er nú afgirt af Laugardalsá, þjóðveginum, og breiðri rás, sem grafin var milli vegarins og árinnar í gær. Slökkviliðsmenn segja ómögulegt að segja til um hvenær slökkvistarfi lýkur endanlega. Kostnaður Súðavíkurhrepps vegna eldanna nemur nú þegar milljónum króna-

Búast við fjölmenni á Dalvík

Fólk er farið að streyma til Dalvíkur til að taka þátt í fiskideginum þar um helgina og spáir þar góðu veðri. Lögregla þurfti að taka einn gestanna úr umferð þar sem hann var drukkinn og var til vandræða, en að örðu leiti fór allt vel fram. Lögregla býst við miklum mannfjölda þar um helgina og sömuleiðis að fjölmargir muni heimsækja handverkssýninguna í Hrafnagili.-

Fjórir fluttir á slysadeild

Fjórir voru fluttir á slysadeild eftir þjrú umferðarslys í borginni í gærkvöldi. Ökumaður og farþegi slösuðust þegar tveir bílar skullu saman við Gullinbrú í Reykjavík á tíunda tímanum í gærkvöldi. Slökkviliðið þurfti að hreinsa olíu, sem lak úr örðum bílnum, enda eru báðir bílarnir stór skemmdir. Þá slasaðist maður í árekstri tveggja bíla á Snorrabraut á móts við Austurbæ um ellefu leytið í gærkvöldi og urðu nokkrar umferðartafir á meðan lögregla var að greiða úr málinu á vettvangi. Um sama leiti varð hjólreiðamaður fyrir bíl á Bústaðavegi. Engin þessara manna mun vera alvarlega slasaður, eftir því sem fréttastofa kemst næst.-

Emma Watson skilur ekkert í bíó

Hollywood stjarnan Emma Watson brá sér í bíó í kvöld, en hún er þessa dagana stödd hér á landi við tökur á myndinni Noah. Hún fór að sjá Woody Allen myndina To Rome with love en ekki vildi betur til en að myndin er öll á Ítölsku og textuð á Íslensku.

Gámur rakst á flugvél

Óskað var eftir aðstoð lögreglunnar á Suðurnesjum í morgun eftir að töskugámur hafði rekist í flugvél við Flugstöð Leifs Eiríkssonar. Verið var að lesta vélina þegar óhappið varð. Ástæða þess var sögð sú, að færibandið hefði ekki verið stillt rétt af miðað við staðsetningu lestarlúgunnar með þeirri afleiðingu að gámurinn rakst utan í hana. Skemmdir urðu litlar.

Dýrin hætta á beit vegna mikils hita

Malbik á þjóðvegum norðaustanlands blæðir nú víða tjöru og olíu í hitabylgjunni og margar skepnur leita sér vars í forsælunni og sýna engan áhuga á beit.

Enn ekkert spurst til norsku stúlkunnar

Enn hefur ekkert spurst til norsku stelpunnar Sigrid Sjetne sem saknað hefur verið frá því aðfararnótt sunnudags. Norska lögreglan hélt blaðamannafund í morgun þar sem farið var yfir stöðuna.

Hjólhýsi fauk á hliðina á Holtavörðuheiði

Svo vel vildi til þegar hjólhýsi fauk þvert yfir þjóðveginn á Holtavörðuheiði í gærkvöldi, og dró með sér bílinn, sem það var fest við, að engin bíll kom á móti í þeirri andrá. Hjólhýsið hafnaði á hliðinnni og nánast upp á endann, þannig að beislið á því hífði afturenda bílsins hátt í metra upp í loftið, þar sem hann hékk svo þartil að hann var aftengdur við hjólhýsið.