Reykjavík síðdegis kannar vinsældir forsetaframbjóðenda

Útvarpsþátturinn Reykjavík síðdegis stendur fyrir könnun á Vísi.is. Þar gefst Íslendingum færi á að velja þann sem þeir telja að eigi að fara á Bessastaði.

Fjölmenni í útgáfuhófi Gunnlaugs Jónssonar

Gunnlaugur Jónsson fjárfestir efndi til útgáfuhófs í verslun Eymundssonar í Reykjavík síðdegis. Á meðal gesta í hófinu voru meðal annars foreldrar hans, Jón Steinar Gunnlaugsson og Kristín Pálsdóttir, Sigurður Kári Kristjánsson lögmaður, Gísli Marteinn Baldursson borgarfulltrúi, Ásgeir Jónsson hagfræðingur, Ólafur Arnarson hagfræðingur, Guðmundur Andri Thorsson rithöfundur, Kristinn H. Gunnarsson, fyrrverandi þingmaður, auk fleiri. Gunnar V. Andrésson ljósmyndari var á ferðinni og smellti nokkrum myndum af gestum.

Jón Steinar íhugar að setjast í helgan stein

Jón Steinar Gunnlaugsson, hæstaréttardómari íhugar nú að setjast í helgan stein, en hann hefur í hyggju að rita æviminningar sínar. Jón Steinar vísar alfarið á bug því sem haldið er fram í nýjasta tölublaði Mannlífs um að gjá hafi skapast milli dómara í Hæstarétti vegna skipunar hans og Ólafs Barkar Þorvaldssonar að undirlagi Davíðs Oddssonar. Jón Steinar segir þetta hreinan hugarburð.

Fólki bent á að fara ekki að Öskju

Almannavarnadeild ríkislögreglustjórans beinir þeim tilmælum til fólk að fara ekki að Öskjuvatni. Allur er ís er farinn af vatninu en það er mjög óvenjulegt að slíkt gerist á þessum árstíma.

Segir dótturfélag Samherja ekki þrýsta á stjórnvöld

Þorsteinn Már Baldvinsson, forstjóri Samherja, segir dótturfélag Samherja í Þýsklandi ekki vera að þrýsta á íslensk stjórnvöld með því að hætta að landa fiski til vinnslu hér á landi, vegna rannsóknar Seðlabankans á viðskiptum Samherja. Hann segist þegar hafa rætt við Má Guðmundsson um aðgerðir bankans gegn fyrirtækinu.

Nærmynd af Þóru Arnórsdóttur

Ísland í dag tók saman nærmynd af Þóru Arnórsdóttur þegar hún tilkynnti að hún ætlaði að gefa kost á sér til embættis forseta Íslands.

Kjörsókn í rafrænum íbúakosningum var 8.1%

Kjörsókn í rafrænum íbúakosningum í Reykjavík sem fram fóru dagana 29. mars til 3. apríl var 8.1%. Kosið var um smærri nýframkvæmdir og viðhaldsverkefni í hverfum borgarinnar.

Ákvörðun Þóru ákaft fagnað í Hafnarborg

Gríðarlegur fjöldi fólks er saman kominn á fundi í Hafnarborg í Hafnarfirði klukkan þar sem Þóra Arnórsdóttir fjölmiðlamaður tilkynnir framboð sitt til forseta Íslands. Þóra ávarpar fundinn og greinir frá fyrirætlunum sínum. Könnun sem birt var á dögunum sýndi að af þeim sem vildu nýjan forseta vildu flestir fá Þóru í embættið. Það var ákaft fagnað þegar Þóra tilkynnti ákvörðun sína formlega.

Sviptir ökuréttindum á Suðurgötu

Fimm ökumenn voru sviptir ökuréttindum til bráðabirgða í gær og fyrradag en þeir voru allir staðnir að hraðakstri á Suðurgötu við Skothúsveg í Reykjavík. Samkvæmt upplýsingum frá lögreglunni mældust bílar fimmmenninganna á 66-70 kílómetra hraða en þarna er 30 kílómetra hámarkshraði. Ökumennirnir, fjórir karlar og ein kona, eru á aldrinum 37-62 ára.

Í fangelsi fyrir þjófnað og hylmingu

Héraðsdómur Reykjavíkur dæmdi í dag karlmann í 60 daga skilorðsbundið fangelsi fyrir þjófnað, hylmingu og fíkniefnalagabrot. Maðurinn var ákærður fyrir að hafa í vörslum sínum tuttugu og átta vörur sem taldar eru vera þýfi og fyrir vörslu kannabisefna. Maðurinn á langan sakaferil að baki sem hefur staðið yfir, með hléum frá árinu 1980. Hann játaði brot sín fyrir dómi en þar sem hann hefur ekki hlotið dóm síðan árið 2004 þótti dómara rétt að skilorðsbindarefsingu hans.

Landsdómur birtir upptökur úr réttarhöldunum

Landsdómur hefur birt upptökur úr réttarhöldunum yfir Geir Haarde. Þar eru meðal annars birtar upptökur af skýrslutöku yfir Geir sjálfum og fjörtíu vitnum sem gáfu skýrslu fyrir réttinum.

Borgarahreyfingin sýknuð af kröfu Guðmundar Andra

Borgarahreyfingin var í dag sýknuð af kröfu Guðmundar Andra Skúlasonar um greiðslu á um tveimur milljónum króna vegna ógreiddra launa. Dómurinn var kveðinn upp í Héraðsdómi Reykjavíkur. Guðmundur var ráðinn tímabundið starfsmaður Borgarahreyfingarinnar í fyrra en var síðan sagt upp áður en ráðningasamningurinn var runnin út. Guðmundur taldi að uppsögnin hefði verið tilefnislaus og krafðist ógreiddra launa.

Starfsfólkið náði að forða sér út í tæka tíð

Slökkviliðsmenn vinna enn að því að ráða niðurlögum elds sem kom upp í söluskálanum Bláa Turninum á Háaleitisbraut rétt fyrir klukkan ellefu í morgun. Samkvæmt upplýsingum frá varðstjóra er enn eldur í þakinu en grafa var að koma á vettvang til að rífa þakið í sundur. Talið er að eldurinn hafi kviknað út frá djúpsteikingarpotti sem staðsettur er inni í eldhúsi söluskálans. Enginn slasaðist, en starfsfólk náði að forða sér út í tæka tíð, að sögn slökkviliðs.

Danskt par dæmt í háa sekt og fangelsi fyrir að segjast vera skilin

Par í Frederikshavn í Danmörku hefur verið dæmt til að greiða bæjarfélaginu rúmlega 600 þúsund danskar kr. eða nær 14 milljónir kr. fyrir umfangsmikil bótasvik. Í næstum fimm ár deildi parið hjónasæng en sagðist vera skilið á opinberum pappírum.

Brotist inn á þremur stöðum - bensínþjófur á ferð

Nokkuð var um innbrot í Reykjavík í nótt. Brotist var inn í fyrirtæki við Bíldshöfða á öðrum tímanum og um klukkan þrjú fór þjófur inn hjá Samhjálp við Stangarhyl. Lögregla hafði hendur í hári manns sem grunaður er um innbrotið og verður hann yfirheyrður í dag.

Með kókaín í Hörgárdal

Lögreglan á Akureyri stöðvaði um níu leytið í gærkvöldi bíl í Hörgárdal. Tveir menn voru í bílnum og var sá sem ók grunaður um að aka undir áhrifum fíkniefna. Lögreglan framkvæmdi leit í bílnum og þar fundust um 30 til 40 grömm af kókaíni. Tekin skýrsla af mönnunum og þeir látnir lausir en mega búast við kæru. Fremur óvanalegt er að svo mikið af kókaíni finnist á Norðurlandi en reikna má með að virði efnisins slagi í 750 þúsund krónur.

Verðhækkanir mun meiri hér en á Evrusvæðinu

Heildarhækkun á vöru og þjónustu á Íslandi frá árinu 2008 og til dagsins í dag er 34,9 prósent. Á sama tíma nam hækkunin 5,6 prósentum á Evrusvæðinu. Þetta kemur fram í úttekt Já Ísland samtakanna, sem berjast fyrir inngöngu í Íslands í Evrópusambandið, en þau fengu Hagstofu Íslands til þess að gera samanburð á verðbreytingum í ýmsum vöruflokkum eftir hrun.

Áttatíu ára gömul kona nauðlenti lítilli flugvél

Helen Collins áttatíu ára gömul bandarísk kona vann það einstæða afrek í gær að nauðlenda lítilli flugvél á eigin spýtur eftir að flugmaðurinn, sem var eiginmaður hennar, fékk hjartaáfall og lést.

Mikil óvissa um orkugetu jarðvarma

Forstjóri Landsvirkjunar segir aðeins lítinn hluta þeirrar orku sem gert er ráð fyrir í nýtingarflokki Rammaáætlunar um vernd og nýtingu náttúrusvæða vera tryggan. Hann undrast að allar vatnsaflsvirkjanir séu settar í bið- eða verndarflokk, utan tveggja lítilla virkjana. Orkuframboð á Suðurlandi sé minnkað til muna.

Öflugir skýstrokkar ollu miklu tjóni í Texas

Tólf öflugir skýstrokkar ollu miklu tjóni nærri borginni Dallas í Texas í gærkvöldi. Engin mun hafa farist af völdum þeirra en fjöldi fólks slasaðist að því er segir í bandarískum fjölmiðlum.

Grásleppuveiðimenn kærðir til lögreglu

Fiskistofa hefur kært nokkra grásleppuveiðimenn til lögreglu fyrir að hafa of mörg grásleppunet í sjó.

Afturkölluðu hækkun á dísil

Olíufélögin hafa afturkallað hækkun á dísil sem gerð var um og eftir helgina. Þeir sem hækkuðu verðið voru Shell, N1 og Olís.

Sturla fundaði með Ólafi Ragnari

Forseti Íslands Ólafur Ragnar Grímsson átti fund með Sturla Jónssyni vörubílstjóra og Arngrími Pálmasyni þar sem þeir greindu frá baráttu sinni og annarra borgara við að ná fram rétti sínum gagnvart fjármálastofnunum og uppboðsaðilum, en embætti forsetans greinir frá þessu á vefsíðu embættisins, forseti.is.

Kviknaði líklega í út frá eldamennsku

Eldurinn sem kom upp í söluturninum Bláa turninum á Háaleitisbraut rétt fyrir klukkan ellefu í morgun kviknaði líklega út frá eldamennsku. Samkvæmt upplýsingum frá slökkviliðsmanni á vettvangi læsti eldurinn sig fljótlega í klæðningu undir þakinu en hann náði ekki að breiða sig út fyrir eldhúsið í skálanum.

Eldur í Bláa turninum

Eldur kviknaði í söluturninum Bláa turninum á Háaleitisbraut fyrir fáeinum mínútum. Allar stöðvar slökkviliðsins eru á staðnum. Samkvæmt upplýsingum frá vaktstjóra slökkviliðsins er um töluverðan eld að ræða. Eldurinn kviknaði út frá eldamennsku, samkvæmt upplýsingum frá slökkviliðsmanni á vettvangi.

Vill að fé á dauðum bankareikningum fari til samfélagsmála

Eygló Harðardóttir þingmaður Framsóknarflokksins vill að það fé sem nú liggur inni á dauðum bankareikningum verði notað til nýsköpunar- og samfélagsmála. Fram kom í svari við fyrirspurn Eyglóar á Alþingi að ríflega 1,5 milljarður króna væri inn á íslenskum bankareikningum sem ekki höfðu verið hreyfðir í 15 ár eða lengur.

Þóra ætlar í framboð - boðað til blaðamannafundar

Þóra Arnórsdóttir ætlar að bjóða sig fram til embættis forseta Íslands, samkvæmt heimildum Vísis. Í fréttatilkynningu frá stuðningsmönnum hennar er boðað til fundar í Hafnarborg í Hafnarfirði klukkan korter yfir fjögur í dag.

Beðið eftir sýnum frá Svíþjóð og niðurstöðum úr geðrannsókn

Gæsluvarðhald yfir karlmanni á þrítugsaldri, sem grunaður er um manndráp í Hafnarfirði í byrjun febrúar, rennur út í dag. Samkvæmt upplýsingum frá lögreglunni á höfuðborgarsvæðinu verður farið fram á áframhaldandi varðhald síðar í dag.

Tugur islamista handtekinn í Frakklandi

Franska lögreglan handtók a.m.k. 10 islamista í aðgerðum í nokkrum bæjum og borgum landsins í nótt og snemma í morgun.

Vilja ákvæði inn í stjórnarskrá

Stjórn Samtakanna "78 skorar á Alþingi að gera lagaúrbætur til handa transfólki. Samtökin sendu frá sér yfirlýsingu í gær vegna þess að ungur transmaður var beittur ofbeldi á öldurhúsi í Reykjavík en fyrir þinginu liggur frumvarp um stöðu transfólks á Íslandi.

17 milljónir manna án vinnu

Atvinnuleysi á evrusvæðinu hefur aldrei verið meira en nú frá því að evran var tekin upp 1999.

Uppsóp er þrefalt á götum borgarinnar

Vandséð er að tímaáætlanir haldi í vorhreinsun gatna í Reykjavík. Tíðarfar í vetur varð til þess að mun meira hefur safnast af sandi og drullu á götum borgarinnar. Jákvætt viðmót borgara sem færa bíla sína flýtir fyrir vinnunni.

Unga fjölskyldufólkið aftur í utanlandsferðir

Um 26.500 Íslendingar flugu af landi brott í mars. Það er um 17% aukning frá sama mánuði í fyrra. Unga fjölskyldufólkið virðist farið að ferðast aftur þó ferðamynstrið sé breytt segir forstjóri ferðaskrifstofu. Ferðirnar eru styttri.

Fylgið hrynur af norska Verkamannaflokknum

Fylgið hefur hrunið af Verkamannaflokknum, einum stjórnarflokkanna í Noregi. Þetta sýnir ný skoðanakönnun en samkvæm henni fær Verkamannaflokkurinn 28% fylgi.

Öflugasta herskip Breta á leið til Falklandseyja

Eitt stærsta og öflugasta herskip Breta, tundurspillirinn HMS Dauntless er á leið til Falklandseyja.

Þóra sögð ætla að tilkynna um framboð í dag

Þóra Arnórsdóttir fréttamaður ætlar að tilkynna í dag um framboð sitt til embættis forseta Íslands. Þetta var fullyrt á mbl.is seint í gærkvöldi en þar er sagt að hún hafi þegar greint nánustu vinum sínum frá þessari ákvörðun sinni. Þóra hefur ítrekað verið nefnd sem mögulegur frambjóðandi og komið einna best út í þeim skoðanakönnunum sem gerðar hafa verið, ef frá er talinn sitjandi forseti Ólafur Ragnar Grímsson.

Íslenskur minkur étur meiri fisk

Mikilvægasta fæða íslenska minksins eru ýmsar tegundir fiska og fugla. Fæða minksins er þó mjög mismunandi eftir búsvæðum dýrsins, eftir árstíðum og kyni. Fiskur er stærri hluti fæðu minks hérlendis en í flestum sambærilegum rannsóknum erlendis.

Mitt Romney skoraði þrennu í nótt

Mitt Romney skoraði þrennu í prófkjörum Repúblikanaflokksins í nótt. Hann sigraði í öllum þremur prófkjörunum sem haldin voru, það er í Wisconsin, Maryland og Washingtonborg.

Um 200 breskir hermenn í hópslagsmálum á bar

Yfirstjórn breska hersins reynir nú að finna út hvað snýr upp og hvað snýr niður í hópslagsmálum breskra hermanna á bar í Kenía.

Íslensk kúabú bæta heimsmet

Hlutfall mjólkur sem kemur frá búum með mjaltaþjóna er hæst í heimi hér á landi, eða 28,2 prósent. Frá þessu er greint á vef Landssambands kúabænda og vitnað í tölur NMSM, samtaka norrænna afurðastöva í mjólkuriðnaði.

Helsti óvissuþáttur í spá um þróun íbúðaverðs

Fjöldi íbúða í eigu fjármálastofnana er einn helsti óvissuþátturinn í spá greiningardeildar Íslandsbanka um þróun íbúðaverðs. Í lok síðasta árs voru um þrjú þúsund íbúðir í eigu fjármálastofnana, þar af 1.600 í eigu Íbúðalánasjóðs.

Fiskveiðarnar þurfi ekki að verða hindrun

„Ég er bjartsýnn á að viðræður um fiskveiðimál geti skilað hagstæðri niðurstöðu fyrir bæði Ísland og Evrópusambandið,“ segir Evrópuþingmaðurinn Christian Dan Preda í samtali við Fréttablaðið.

Hæsta sekt sinnar tegundar

Samkeppniseftirlitið hefur ákveðið að leggja 440 milljóna króna sekt á Símann fyrir brot á samkeppnislögum. 390 milljónir eru vegna misnotkunar á markaðsráðandi stöðu og brot gegn ákvæðum EES-samningsins og fimmtíu milljónir vegna rangrar og misvísandi upplýsingagjafar til yfirvalda við meðferð málsins. Sektin er sú hæsta sem lögð hefur verið á fyrirtæki á Íslandi vegna misnotkunar á markaðsráðandi stöðu.

Bæta við tveimur flugvélum

Icelandair mun bæta tveimur vélum í flugvélaflota sinn og verða með sextán vélar í rekstri næsta sumar, en vélarnar voru fjórtán síðasta sumar.