Fólki bent á að fara ekki að Öskju

Almannavarnadeild ríkislögreglustjórans beinir þeim tilmælum til fólk að fara ekki að Öskjuvatni. Allur er ís er farinn af vatninu en það er mjög óvenjulegt að slíkt gerist á þessum árstíma.

Vegna þessa fóru vísindamenn frá Veðurstofu Íslands og Jarðvísindastofnun Háskóla Íslands í könnunarflug með flugvél Landhelgisgæslunnar TF-SIF.

Í ljós kom að vatnið er alveg íslaust og engar augljóslegar vísbendingar um ástæðu þess. Mjög ólíklegt þykir að veðurfræðilegir þættir hafi haft þessi áhrif á Öskjuvatn.

Jarðvísindastofnun og Veðurstofan munu fara í leiðangur á svæðið eftir Páska til þess að gera mælingar á svæðinu og koma fyrir tækjabúnaði til frekari mælinga.

„Þar sem ekki er að fullu ljóst hvaða atburðarás er í gangi þá vilja lögreglustjórinn á Húsavík og almannavarnadeild ríkislögreglustjórans beina þeim tilmælum til fólks að fara ekki um svæðið að óþörfu," segir í tilkynningu frá Almannavörnum.

„Sérstaklega er varað við því að fólk fari að Víti eða Öskjuvatni vegna möguleikans á að eitraðar gastegundir séu að leita upp."