Öflugir skýstrokkar ollu miklu tjóni í Texas

Tólf öflugir skýstrokkar ollu miklu tjóni nærri borginni Dallas í Texas í gærkvöldi. Engin mun hafa farist af völdum þeirra en fjöldi fólks slasaðist að því er segir í bandarískum fjölmiðlum.

Eignartjón er gífurlegt því fjölmörg íbúðahús rifnuðu í tætlur undan þessum skýstrokkum. Þá urðu miklar truflanir á samgöngum og m.a. lá allt flug niðri um alþjóðaflugvöllinn í Dallas.

Þótt það versta sé talið yfirstaðið er óttast að fleiri skýstrokkar muni herja á þessu svæði á næstu dögum.