Frumvarp er í þingflokkunum

Frumvarp innanríkisráðherra um forvirkar rannsóknarheimildir hefur verið kynnt í ríkisstjórn og er nú til umfjöllunar í þingflokkum stjórnarflokkanna. Ögmundur Jónasson sagði á þingi í gær að hann mundi leggja áherslu á að flýta framlagningu þess á þingi.

Segir embættismenn hafa ánetjast ESB

Ögmundur Jónasson innanríkisráðherra hefur áhyggjur af því að stofnanaveldið, eins og hann orðaði það, hafi ánetjast Evrópusambandinu. Hann lýsti þeirri skoðun sinni undir glymjandi bjölluhljómi forseta Alþingis í gær, en ráðherra var kominn þó nokkuð fram yfir tímamörk sín.

Ökumaður lést – börnin sluppu

Fullorðinn maður lést og þrjú leikskólabörn slösuðust þegar rúta og fólksbíll rákust saman í nágrenni Kaupmannahafnar síðdegis í gær.

Þjarkað áfram um skuldir Grikklands

Á mánudagskvöld höfnuðu fjármálaráðherrar Evrópusambandsins hugmyndum bankanna um niðurfellingu helmings skulda gríska ríkisins gegn lengri lánum, sem eigi að bera fjögur prósent vexti.

Segir samsæri gegn Sýrlandi

Utanríkisráðherra Sýrlands segir „hálfan heiminn" vera viðriðinn samsæri gegn landinu. Arababandalagið dró eftirlitsnefnd sína til baka frá landinu í gær vegna þess að stjórnvöld í Sýrlandi hafa ekki hætt að beita borgara sína ofbeldi.

Vara forseta við að skrifa undir

Tyrkir vöruðu Nicolas Sarkozy Frakklandsforseta í gær við því að skrifa undir lög sem gera það glæpsamlegt að afneita þjóðarmorði Tyrkja á Armenum fyrir tæpri öld. Efri deild franska þingsins samþykkti lögin á mánudagskvöld.

Gæti fengið einkasjúkrahús

Svo gæti farið að sérstakt eins manns geðsjúkrahús verði byggt innan múra Ila-fangelsisins í Bærum til að hýsa fjöldamorðingjann Anders Behring Breivik, verði hann úrskurðaður ósakhæfur.

Kvikmynd Martin Scorsese með 11 tilnefningar

Ævintýramynd leikstjórans Martin Scorsese, Hugo, hefur verið tilnefnd til 11 Óskarsverðlauna. Kvikmyndin hefur fengið mikið lof gagnrýnenda og hefur Scorsese lýst henni sem óður til kvikmyndagerðarinnar.

Halldór Helgason gæti orðið brettamaður ársins á ESPN

Halldór Helgason snjóbrettamaður frá Akureyri er kominn í úrslit í kosningu ESPN á brettamanni ársins.

Gengu í hjónaband þegar ástandið versnaði

Heather Taylor og Jimmy New gengu í hjónaband á sunnudaginn. Þetta er var þó ekki beinlínis drauma brúðkaup. Heather greindist nýlega með heilaæxli og nú þegar ástand hennar versnar ákvað Jimmy að biðja um hönd hennar.

Hetjudáðir og hugrekki um borð í Costa Concordia

Þegar tæpar tvær vikur eru liðnar frá strandi skemmtiferðaskipsins Costa Concordia hafa nú sögur af hugrekki og hetjudáðum tekið að berast. Hetjuskapurinn stangast á við hegðun skipstjórans Francesco Schettino.

Réttarhöldin yfirborðskennd tilraun til þess að hvítþvo stjórnmálamenn

Ögmundur Jónasson sagði réttarhöldin yfir Geir H. Haarde yfirborðskennda tilraun til þess að hvítþvo stjórnmálin af hruninu. Þetta sagði hann á fjölmennum fundi sem Vinstri Græn í Reykjavík boðuðu til í kvöld en um 60 manns voru á fundinum, þar á meðal Guðfríður Lilja Grétarsdóttir, þingmaður.

Fasteignagjöld hesthúsa hærri en á híbýlum manna

"Kostnaður við hestahald hefur stóraukist á síðustu árum og eitt sem hestamenn eru hvað ósáttastir við er að sveitarfélögin hafi sett hesthúsin í flokk með iðnaðarhúsnæðum og því þarf að borga svívirðilega há fasteignagjöld af hesthúsunum,“ segir Haraldur Þórarinsson, formaður Landsambands hestamanna, sem ræddi við félagana í Reykjavík síðdegis á Bylgjunni í dag.

Angry Birds fyrirbyggir Alzheimer

Niðurstöður nýlegrar rannsóknar gefa til kynna að örvandi athafnir á borð við lestur, skrif og leiki geti minnkað líkur á Alzheimer.

Eldur í verslunarmiðstöð á Ísafirði á háannatíma

Allt tiltækt lið Slökkviliðs Ísafjarðarbæjar var kallað út um sexleytið í kvöld þegar eldur kom upp í eldhúsi á veitingastaðarins Thai-Koon í verslunarmiðstöðinni Neista á Ísafirði, þar sem einnig er verslun Samkaupa, póstafgreiðsla og önnur verslun. Það er vefsíða Bæjarins bestu, bb.is, sem greinir frá.

Svona gætu flugbrautir vikið út í Skerjafjörð

Hugmyndir um að flytja Reykjavíkurflugvöll að hluta út í Skerjafjörð eiga það sammerkt að þannig losnar mikið landrými og flugvöllurinn verður áfram á sömu slóðum.

Fílahjörð syrgir látinn kálf

Fílahjörð í dýragarðinum í München safnaðist saman við lík kálfs sem lést í kjölfar hjartaáfalls. Hin þriggja mánaða Lola átti að gangast undir skurðaðgerð en lést skömmu áður.

Talsvert af heimildarlausum dyravörðum

Nokkuð ber á því að starfandi dyraverðir á veitinga- og skemmtistöðum eru ekki með heimild lögreglustjóra til starfans en allmargir gátu ekki framvísað dyravarðaskírteini þegar eftir því var leitað af lögreglunni á höfuðborgarsvæðinu á dögunum.

"Þarf að endurskoða námsefni stjórnmálaskóla Samfylkingarinnar“

Tillaga um breytt vinnufyrirkomulag í bæjarstjórn Kópavogs, sem Hjálmar Hjálmarsson, bæjarfulltrúi Næst besta flokksins í Kópavogi, lagði fram á bæjarstjórnarfundi í dag, komst ekki á dagskrá. Í samtali við Hjálmar sagðist hann hafa beðið um leyfi fundarins til þess að leggja fram dagskrátillögu með afbrigðum, sem gekk út á að í stað meirihlutasamstarfs, yrði komið á samvinnu fulltrúa allra framboða.

Spáð enn einum snjókomubakkanum

Spáð er enn einum snjókomubakkanum úr suðri yfir Suður- og Suðvesturland með kvöldinu samkvæmt upplýsingum frá veðurstofu Íslands.

Forræðismál yfir Ellu Dís heldur áfram - bannað að ræða við fjölmiðla

Rögnu Erlendsdóttur, móðir Ellu Dísar, hefur verið meinað að ræða mál sín við fjölmiðla samkvæmt færslu sem hún skrifaði á Facebook síðu sína.

Einni klukkustund af efni hlaðið inn á YouTube á hverri sekúndu

Myndbandavefsíðan YouTube hefur aldrei vinsælli en nú. Rúmlega 60 klukkustundum af efni er hlaðið inn á vefsíðuna á hverri mínútu. Um fjórir milljarðar heimsækja síðuna á hverjum degi.

Var rekinn út af geðdeild - talsmaður sjúklinga skoðar málið

Sjúklingur sem leitaði til geðsviðs Landspítalans segist þar hafa mætt niðurlægjandi hegðun læknis, sem á endanum hafi hent honum út úr viðtali. Talsmaður sjúklinga geðsviðs fær að jafnaði eitt erindi á viku.

Bankastjóri Landsbankans gæti hækkað um eina og hálfa milljón í launum

Mánaðarlaun Steinþórs Pálssonar, bankastjóra Landsbankans, gætu hækkað um allt að eina og hálfa milljón króna verði frumvarp fjármálaráðherra um breytingar á lögum um kjararáð samþykkt.

Eina leiðin að mynda meirihluta með sjálfstæðismönnum

Eina leiðin til að mynda meirihluta í Kópavogi í ljósi þeirrar stöðu sem upp er komin er að Samfylkingin og Vinstri grænir nái samkomulagi við sjálfstæðismenn. Þetta segir oddviti Samfylkingarinnar í Kópavogsbæ.

Í gæsluvarðhald fyrir íkveikju - ætlaði að brenna sýkla í burtu

Hæstiréttur Íslands staðfesti gæsluvarðhald yfir karlmanni sem hefur játað að hafa kveikt í íbúð sinni nærri Kleppsspítala 14. janúar síðastliðinn. Í úrskurði Héraðsdóms Reykjavíkur kemur fram að maðurinn hefði játað að hafa kveikt í íbúð sinni. Hann virðist hafa notað blöð og pappír og borið eld að pappakössum með bókum í.

Felli þingið rammasamning lendir styrkjakostnaður á skattgreiðendum

Össur Skarphéðinsson, utanríkisráðherra, segir að ef þingið samþykki ekki IPA-fjárstyrki frá Evrópusambandinu til verkefna innanlands greiðist kostnaður vegna þeirra úr ríkissjóði.

Snjóhvítt Reykjavíkurskáld og sliguð tré - myndir

Vetrarkonungur hefur farið mikinn í dag eins og íbúar á höfuðborgarsvæðinu hafa orðið varir við. Lítill vindur er á höfuðborgarsvæðinu og verður áfram í dag og í nótt. Þannig sligar snjórinn trjágreinar auk þess sem styttur mega sætta sig við hvíta hatta og snjóhvít föt.

Dirty Night á Akureyri aflýst

Samkomulag hefur náðst um að aflýsa Dirty Night-kvöldi sem halda átti á Sjallanum á Akureyri laugardagskvöldið 4. febrúar næstkomandi.

Neyðarástandi aflétt á afmæli byltingar

Herstjórnin í Egyptalandi hefur ákveðið að aflétta neyðarástandi á landinu á morgun. Ákvörðunin er táknræn en morgundagurinn markar ársafmæli byltingarinnar gegn fyrrverandi forseta landsins, Hosni Mubarak.

Ný framboð hugnast kjósendum vel

Markaðsrannsóknafyrirtækið MMR hefur kannað afstöðu fólks til þess að kjósa nokkur ný stjórnmálaöfl sem annaðhvort hafa lýst yfir framboði eða rætt hefur verið um að mæti til leiks fyrir næstu kosningar. Svo virðist sem Íslendingum hugnist ágætlega að kjósa eitthvað nýtt í næstu kosningum en 52 prósent þeirra sem taka afstöðu segja eitthvert framboðanna sem nefnt var koma til greina sem valkostur við næstu kosningar.

Auðlindarentan verði sýnileg

Nefnd um stefnumörkun ríkisins í auðlindamálum sem forsætisráðherra skipaði í júlí 2011 hefur skilað af sér minnisblaði um stöðu verkefnisins. Þar segir meðal annars að mikilvægt sé að svokölluð auðlindarenta og ráðstöfun hennar í þágu samfélagsins verði sýnileg. Í því sambandi sé mikilvægt að stofna auðlindasjóð.

Ferðamaðurinn látinn

Grískur ferðamaður sem varð fyrir fólskulegri líkamsárás í miðbæ Reykjavíkur í maí árið 2010 er látinn. Ríkissaksóknari hefur fengið þær upplýsingar frá Europol að hann hafi látist í desember síðastliðnum. Ekki er þó vitað hvort andlát hans tengist árásinni. Þrír menn hafa verið ákærðir fyrir að ráðast á manninn en við aðalmeðferð málsins í morgun neituðu þeir sök. Í ákæru segir að mennirnir hafi veist að manninum, sem var grískur ferðamaður hér á landi, með ofbeldi, meðal annars með ítrekuðum höggum og spörkum víðsvegar um líkama hans, höfuð og andlit. Maðurinn hlaut 2 cm langt sár aftan á höfði, nefbrot, mar og yfirborðsáverka á andlit og yfirborðsáverka á kvið, bak, mjaðmagrind og á hendi, segir í ákærunni. Árásin átti sér stað aðfaranótt föstudagsins 7. maí árið 2010 í Þingholtsstræti og nokkru síðar í Bankastræti, til móts við veitingastaðinn Sólon. Samkvæmt upplýsingum fréttastofu neituðu mennirnir þrír, sök við aðalmeðferðina í morgun og sögðust ekki muna eftir árásinni.

Markmið endurskoðunar stjórnarskrár "óljós og umdeild"

Fræðimenn í lögfræði við Háskóla Íslands og Háskólann á Akureyri gagnrýna tillögur stjórnlagaráðs í umsögn til stjórnskipunar- og eftirlitsnefndar Alþingis, sem hefur tillögurnar til umfjöllunar. Þeir segja að markmið endurskoðunar stjórnarskrárinnar nú séu óljós og umdeild.

Stuðningsmenn Gaddafís ná Bani Walid á sitt vald

Stuðningsmenn hins fallna einræðisherra Múamars Gaddafís í Líbíu eru ekki af baki dottnir í baráttu sinni og í morgun náðu þeir borginni Bani Walid á sitt vald og flögguðu grænum fána Líbíu sem notaður var í valdatíð Gaddafís.

Sextán látnir í Costa Concordia

Tala látinna í skemmtiferðaskipinu Costa Concordia er nú komin í sextán eftir að björgunarmenn fundu annað lík í skipinu í dag. Enn er 16 saknað.

Hálka og erfið færð víðast hvar

Hálka er á Hellisheiði og í Þrengslum og Mosfellsheiði er þungfær. Á Suðurlandi er víða þæfingur eða jafnvel þungfært í uppsveitum en annars staðar er snjóþekja eða hálka.

Gunnar og Róbert eru nördar ársins

Úrslitin í vali á nörd ársins voru kunngjörð á síðbúinni nýársgleði upplýsingatæknifyrirtækisins Advania sem fram fór um liðna helgi. Í tilkynningu frá Advania segir að í aðdraganda gleðinnar hafi verið efnt til samkeppni meðal viðskiptavina og samstarfsaðila fyrirtækisins og NÖRD ÁRSINS valinn. "Alls bárust um 630 tilnefningar frá 10 þúsund manns og þar af fengu 20 manns fleiri en fimm atkvæði. Dómnefnd fór síðan yfir tilnefningar og valdi NÖRD ÁRSINS með hliðsjón af þeim.“

Daginn lengt um eina og hálfa klukkustund

Skammdegið víkur nú hratt og hefur daginn lengt um meira en eina og hálfa klukkustund frá því dagur var stystur þann 22. desember. Þá telst 24. janúar vera sá dagur þar sem mestar líkur eru á meira en 15 stiga frosti á Íslandi. En hver skyldi vera kaldasti dagur ársins að meðaltali?

Sílikonbrjóstin farin að leka: "Maður er náttúrulega hræddur"

Kona með PIP-sílíkonfyllingar fékk í gær staðfest að sílíkonið væri farið að leka um líkamann. Frá því fregnir bárust af mögulegri skaðsemi fyllinganna hefur hún hvergi fengið að panta tíma í ómskoðun, en með hörku fékk hún loks að fara í skoðun.

Enginn vildi hitta þingmenn Norðurlandaráðs

Engin beiðni barst frá íslenskum samtökum eða almenningi um að eiga fund með þingmönnum Norðurlandaráðs fyrir fund ráðsins sem hefst í Osló í Noregi í dag.

Öflugur sólstormur á leið til jarðar

Óvenju kraftmikill sólstormur skellur á jörðinni í dag og næstu daga en gríðaröflugt sólgos átti sér stað í gær á norðurhveli sólarinnar. Um er að ræða stærsta sólstorm síðustu sex ára. Að sögn bandarísku geimferðastofnunarinnar NASA mun stormurinn ekki hafa mikil áhrif á jörðunni en truflanir gætu þó orðið á gerfitunglum á braut hennar.

Helmingur fórnarlamba umferðarslysa 17 ára og yngri

Tólf manns létust í tólf umferðarslysum á árinu 2011 en helmingur þeirra voru 17 ára og yngri, en það telst óvenju hátt hlutfall miðað við undanfarin ár.

Snjókoma í allan dag - og í kvöld

Það var mörgum sem brá þegar þeir komu út í morgun enda var allt nánast á kafi í snjó og á sumum stöðum blasti við sjón sem ekki er óalgengt að sjá á póstkorti. Snjórinn sem nú er úti féll á aðeins tveimur klukkutímum í morgun og gefur það auga leið að það hafi snjóað nokkuð duglega.

Harmleikur á Hótel Frón: Móðirin er sakhæf

Agné Krataviciuté, litháísk kona, sem ákærð hefur verið fyrir að skilja nýfætt barn sitt eftir í ruslagámi við Hótel Frón í sumar, er sakhæf. Þetta kom fram í Héraðsdómi Reykjavíkur í morgun þegar mál hennar var tekið fyrir.