Erlent

Kvikmynd Martin Scorsese með 11 tilnefningar

Úr kvikmyndinni Hugo eftir Martin Scorsese.
Úr kvikmyndinni Hugo eftir Martin Scorsese. mynd/AP
Ævintýramynd leikstjórans Martin Scorsese, Hugo, hefur verið tilnefnd til 11 Óskarsverðlauna. Kvikmyndin hefur fengið mikið lof gagnrýnenda og hefur Scorsese lýst henni sem óður til kvikmyndagerðarinnar.

Scorsese fékk tilnefningu fyrir leikstjórn en myndin var einnig tilnefnd sem besta kvikmyndin.

Hugo er fyrsta kvikmynd leikstjórans í þrívídd.

Ásamt Hugo voru níu aðrar kvikmyndir tilnefndar sem besta myndin. Þar á meðal er nýjasta kvikmynd leikstjórans Steven Spielberg, War Horse. Woody Allen hlaut einnig tilnefningu fyrir kvikmyndina Midnight in Paris. Þögla kvikmyndin The Artist var einnig tilnefnd.

The Artist er sögð vera afar líkleg til sigurs en hún hlaut Golden Globe verðlaunin ásamt verðlaunum Producers Guild Awards. The Artist var tilnefnd til 10 Óskarsverðlauna.

Verði The Artist útnefnd sem besta kvikmynd verður hún fyrsta þögla kvikmyndin til að hljóta Óskarsverðlaun síðan árið 1927.

Sigri Hugo verður hún fyrsta þrívíddarkvikmynd sögunnar til að fá Óskarsverðlaun sem besta mynd.

Golden Globes
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið