Snjóhvítt Reykjavíkurskáld og sliguð tré - myndir

Vetrarkonungur hefur farið mikinn í dag eins og íbúar á höfuðborgarsvæðinu hafa orðið varir við. Lítill vindur er á höfuðborgarsvæðinu og verður áfram í dag og í nótt. Þannig sligar snjórinn trjágreinar auk þess sem styttur mega sætta sig við hvíta hatta og snjóhvít föt.

Borgarskáldið Tómas Guðmundsson virðist þó ekki láta snjóþyngslin hafa áhrif á sig, enda í þungum þönkum, þar sem hann horfir yfir Reykjavíkurtjörn, í góðum félagskap.

Þó veðrið sé með fallegasta - og jafnvel besta móti í dag - þá má búast við stormi á Vestfjörðum síðdegis á morgun og um vestanvert landið annað kvöld. Eitthvað ætlar því íslensk veðrátta að minna frekar á sig.