Fjárlögin samþykkt: Hallinn næstum 100 milljarðar

Fjárlög voru afgreidd með tæplega 100 milljarða halla á Alþingi í dag. Stjórnarandstaðan segir frumvarpið eins og illa skipulagða óvissuferð inn í framtíðina og vegið sé að velferðarkerfi þjóðarinnar. Fjármálaráðherra segir að tekist hafi að helminga halla ríkissjóðs sem geti orðið með afgangi árið 2013.

Bobbinn í bobba: Ákærður fyrir kannabisræktun

Sigurður Þorkelsson, sem leikur Bobbann í auglýsingum Sjóvá, hefur ásamt Teiti Ólafi Marshall, verið ákærður fyrir að rækta kannabisplöntur. Lögreglan stöðvaði ræktun þeirra sem fór fram að Freyjubrunni í Reykjavík þann 28. mars síðastliðinn. Samkvæmt ákæru höfðu þeir félagarnir þá í vörslum sínum 2 kíló af maríjúana og 181 kannabisplöntu en efnið var ætlað til sölu og dreifingar.

Flautað á lánafyrirtækin á hverjum þriðjudegi í vetur

Samtökin Nýtt Ísland boða til mótmæla í dag fyrir utan bílalánafyrirtæki borgarinnar líkt og gert var í síðustu viku. Á heimasíðu samtakanna segir að stefnt sé að því að mótmæla á hverjum þriðjudegi í vetur.

Lést í bílslysi á Hafnarfjarðarvegi

Annar mannanna sem lést í umferðarslysi á Hafnarfjarðarvegi á föstudaginn hét Sæmundur Sæmundsson. Hann var 59 ára að aldri og búsettur í Hafnarfirði. Hann lætur eftir sig sex uppkomin börn en hann starfaði sem leigubílstjóri. Þriðji maðurinn liggur enn á gjörgæsludeild Landspítalans þar sem honum er haldið sofandi í öndunarvél. Lögregla rannsakar slysið.

Fíkniefnabrotum fækkaði um 10% í nóvember

Alls voru skráð tæplega 6.000 hegningarlaga- umferðarlaga- og fíkniefnabrot í nóvember eftir því sem fram kemur í tölfræði Ríkislögreglustjóra fyrir mánuðinn.

Landsmönnum fækkaði um 0,7%

Íbúar með lögheimili á Íslandi voru 317.593 þann 1. desember síðastliðinn. Ári áður var íbúafjöldi 319.756 og er fækkun milli ára því um 2.163 íbúa eða 0,7%. Þetta kemur fram í tölum Hagstofunnar.

Atkvæðagreiðsla hafin um fjárlagafrumvarpið

Atkvæðagreiðsla hófst um fjárlagafrumvarpið fyrir árið 2010 laust eftir klukkan níu í morgun. Fyrst eru greidd atkvæði um einstaka greinar frumvarpsins og breytingatillögur við þær en síðan verður frumvarpið borið upp í heild sinni.

IKEA innkallar LEOPARD barnastóla

Forsvarsmenn IKEA verslananna biðja viðskiptavini sína sem eiga LEOPARD barnastól að hætta strax að nota stólinn og skila sætinu og grindinni til IKEA. Tekið er á móti stólnum í Skilað og skipt og verður hann að fullu endurgreiddur.

Auschwitz-þjófar bara „venjulegir glæpamenn“

Fimmmenningarnir, sem handteknir voru um helgina í Póllandi, grunaðir um að hafa stolið hinu alræmda Arbeit Macht Frei-skilti Auschwitz-útrýmingarbúðanna, eru hvorki hægriöfgamenn né nýnasistar, að sögn pólsku lögreglunnar.

Lögregla í Afríku lagði hald á jólasvein

Sérkennilegu vopni var beitt þegar maður var barinn til bana í átökum í Suður-Afríku.

Sprengigos yfirvofandi á Filippseyjum

Tæplega 45.000 manns dvelja nú í sérstökum búðum í Albay-héraðinu á Filippseyjum og bíða þess sem verða vill með eldfjallið Mayon.

Varð fyrir snjóbolta og dró upp byssu

Myndskeið, sem nú má sjá á vefnum YouTube, sýnir, að því er virðist, hvar lögreglumaður á frívakt í Washington dregur upp skammbyssu eftir að snjóbolta var kastað í bíl hans á laugardaginn.

Viðskiptavinir gripu ræningja

Nokkrir viðskiptavinir í verslun í Østervrå á Norður-Jótlandi sýndu mikið snarræði í gærkvöldi þegar þeir hlupu uppi tvo ræningja og yfirbuguðu þá.

Játar að hafa myrt stúlku árið 1983

Rúmlega fimmtugur Breti, kvæntur þriggja barna faðir, hefur játað á sig morð á sextán ára gamalli stúlku árið 1983.

Bilið minnkar milli bresku flokkanna

Munurinn á fylgi Íhaldsflokksins og Verkamannaflokksins í Bretlandi mælist nú aðeins níu prósent samkvæmt könnun sem birtist í breska blaðinu Independent og hefur ekki verið svo mjótt á munum síðan í maí.

British Airways aflýsir öllu flugi

Flugfélagið British Airways aflýsti öllu innanlandsflugi og flugi milli Bretlands og meginlandsins um Heathrow-flugvöll eftir klukkan sjö í gærkvöldi.

Sjómenn almennt komnir í jólafrí

Aðeins 30 fiskiskip eru nú á sjó við landið, en á góðum degi eru þau allt upp í sjö hundruð.

Sinubrunar ógnuðu raflínum

Töluverður sinubruni varð í grennd við Vík í Mýrdal í nótt. Eldurinn var magnaður og teygði sig í átt að staurastæðu háspennuraflínu, en slökkviliðinu tókst að verja hana og ráða niðurlögum eldsins.

Nóttum fóru seggir

Náttfari var enn á ferð á Selfossi í fyrrinótt og stal verðmætum úr þremur ólæstum bílum. Meðal þess sem hann stal voru greiðslukort og leikjatölva.

Ný aðferðafræði við bílþjófnað

Gerð var tilraun til óvenjulegs bílþjófnaðar í höfuðborginni í gær. Maður sem var nýbúinn að kaupa bíl og greiða hann að fullu sá hvar maður á bíl frá vörslusviptingarfyrirtæki gerði sig líklegan til að fjarlægja bílinn frá heimili kaupandans.

Engir minnispunktar af 18 fundum Baldurs

Engir minnispunktar eru til í fjármálaráðuneytinu um átján fundi, sem haldnir voru frá janúar 2007 til október 2008 og Baldur Guðlaugsson þáverandi ráðuneytisstjóri sat, ýmist með aðilum frá Seðlabankanum, ráðherrum eða fjármálaeftirliti.

Dýrkeypt gæti orðið að selja varðskipið

„Okkur vantar tilfinnan­lega öflugt dráttarskip hingað til lands. Ef það kemur eitthvað fyrir þessi stóru olíuskip sem sigla hér við landið í vaxandi mæli þá verðum við að hafa skip til að bregðast við aðstæðum. Það gæti reynst okkur dýrt að selja skipið,“ segir Halldór B. Nellet, framkvæmdastjóri aðgerðasviðs Landhelgisgæslunnar.

Varar við verðlausu rafmagnsdóti

Skemmdarverk eru víða unnin á heimilum á Íslandi þegar til þess ófaglærðir menn aftengja lögbundnar rafbindingar, svo íbúðirnar uppfylla ekki lengur staðla um raföryggi. Rafkerfið verður stórhættulegt og segulsvið getur rokið upp úr öllu valdi. Svo segir í ábendingu frá Guðlaugi Kristni Óttarssyni öreindafræðingi og kennara, sem hann sendi Neytendastofu á dögunum.

Með byssusafn og fíkniefni

Lögreglustjórinn á höfuðborgarsvæðinu hefur ákært karlmann á fimmtugsaldri fyrir fíkniefnabrot og vopnalagabrot.

Standa með Stalín

Aðdáendur Jósefs Stalín, bæði í Rússlandi og Georgíu, minntust þess í gær að 130 ár eru liðin frá fæðingu þessa alræmda einræðisherra, sem stjórnaði Sovétríkjunum í tæpa þrjá áratugi.

Segir reynt að hrekja sig af landareigninni

„Undirrótin að öllum þessum látum er sú að vissir menn vilja okkur héðan í burtu,“ segir Stefanía Inga Lárusdóttir, bóndi á Stórhóli í Djúpavogshreppi.

Þingmenn missi nefndarlaun

Formaður Sjálfsstjórnarflokksins í Færeyjum, Kári P. Højgaard, segist tilbúinn til þess að þingmenn fái hér eftir ekki greitt sérstaklega fyrir embætti innan þings, svo sem þegar þeir fara með formennsku í þingnefndum, heldur verði þingfararkaup látið duga.

Hjólaði á lögreglumann og situr inni í eitt ár

Rúmlega fertugur karlmaður hefur verið dæmdur í Hæstarétti í eins árs fangelsi fyrir að hjóla á lögreglumann.

Flugráðsfólki haldin jólaveisla í Perlunni

„Ég er gestrisinn maður og alinn upp við góða mannasiði,“ segir séra Gunnlaugur Stefánsson, formaður Flugráðs, sem bauð ráðsmönnum og öðrum gestum í veglegt jólahlaðborð í Perlunni síðastliðið fimmtudagskvöld.

Fimm menn handteknir

Fimm menn voru handteknir seint á sunnudagskvöld fyrir stuld á járnskiltinu alræmda, sem var yfir hliði útrýmingarbúða nasista í Auschwitz í Póllandi.

Samþykki nú nánast öruggt

Demókratar í öldungadeild Bandaríkjanna telja nú nánast öruggt að frumvarp um nýja skipan heilbrigðistrygginga verði samþykkt í deildinni fyrir jól.

Útskrifaðar fyrir afmælisdag

Tvíburarnir Krishna og Trishna frá Bangladess voru útskrifaðir frá sjúkrahúsi í Ástralíu í gær, þar sem þær undirgengust erfiða aðgerð fyrir fimm vikum.

Æsilegt áhlaup á Kristjaníu

Jökull Gíslason lögreglumaður var í níu vikna skiptidvöl hjá lögreglunni í Kaupmannahöfn á dögunum. Þar kynntist hann gengjastríðum, starfsemi Vítisengla, gagnsemi lögregluhunda, mansalsmálum og fleiru. Hann tók meðal annars þátt í áhlaupi á Kristjaníu með dönsku óreirðalögreglunni, sem hann segir frá hér.

Hafró fann lítið af loðnu

Árlegri loðnumælingu Hafrannsóknastofnunar að haustlagi er lokið og niðurstöður gefa ekki tilefni til þess að leggja til loðnukvóta á komandi vetrarvertíð. Lítið mældist af fullorðinni loðnu sem og ungloðnu.

Sinueldur í Reynisfjalli

Slökkvilið Mýrdalshrepps í Vík var kallað út í kvöld vegna elds austan í Reynisfjalli. Eldurinn var í sinu við eina staurastæðu raflínunnar sem þar er.

Bráðabirgðaáhættumat IFS kynnt fjárlaganefnd

Á fundi fjárlaganefndar í kvöld var farið yfir bráðbirgðaráhættumat frá IFS Greiningu á Icesave samningnum. Að sögn Guðbjarts Hannessonar formanns nefndarinnar hafði verið óskað eftir því að slíkt mat yrði unnið og féllst meirihlutinn á það en þó með þeim formerkjum að það myndi ekki tefja afgreiðslu málsins. Endanleg skýrsla IFS Greiningar kemur á Þorláksmessu en að sögn Guðbjarts er þó enn möguleiki á því að málið verði afgreitt úr nefndinni á morgun.

Breskri leiðtogar í fyrsta sinn í sjónvarpskappræður

Leiðtogar þriggja stærstu stjórnmálaflokka Bretlands munu mætast í kappræðum í sjónvarpi fyrir kosningar sem fyrirhugaðar eru einhverntíma á næsta ári, líklegast í maí. Þetta er í fyrsta sinn í breskri sögu sem þessi háttur er hafður á. Gordon Brown, Verkamannaflokki, David Cameron, Íhaldsflokki og Nick Clegg fyrir Frjálslynda demókrata munu mætast í kappræðum á sjónvarpsstöðvunum ITV, Sky og BBC. Kappræðurnar verða haldnar fyrir framan áhorfendur í sjónvarpsal og verður hver þáttur um 90 mínútna langur.

Múlagöng lokuð í nótt

Múlagöng verða lokuð í kvöld frá miðnætti og fram til kl 02:00. Þetta kemur fram í tilkynningu frá Vegagerðinni. Þá er varað við hálkublettum og éljagangi á Norðurlandi eru hálkublettir og er éljagangur á Vatnsskarði og á Siglufjarðarvegi. Hálka og éljagangur er svo á Öxnadalsheiði en snjóþekja ásamt éljagangi á Víkurskarði. Á Norðausturlandi er víðast hvar hálka, snjóþekja og skafrenningur eða éljagangur.

15 fengu ríkisborgararétt

Alþingi samþykkti í dag að veita 15 einstaklingum íslenskan ríkisborgararétt. Fólkið er hvaðanæva að úr heiminum og á öllum aldri. Þrír eru fæddir hér á landi. Á meðal annara landa sem fólkið kemur upphaflega frá má nefna Taíland, Venesúela, Bandaríkin og Úkraínu.

Tugþúsundir flýja eldfjall

Tugþúsundum hefur verið fyrirskipað að yfirgefa heimili sín á Fillipseyjum en vísindamenn reikna með því að eitt stærsta eldfjall landsins fari að gjósa á næstu dögum. Fleiri en 9000 fjölskyldur, eða tæplega 45 þúsund manns, hafa verið fluttar í búðir sem reistar hafa verið í hæfilegri fjarlægð frá fjallinu Mayon. Sumir íbúar í nágrenninu kjósa þó heldur að halda sig heima og óttast margir að þjófar fari ránshendi um heimili þeirra yfirgefi þeir þau.

Mál gegn Polanski ekki látið niður falla

Áfrýjunardómstóll í Kalíforníu hefur hafnað beiðni kvikmyndaleikstjórans Romans Polanskis um að mál gegn honum verði látið niður falla. Polanski var árið 1977 ákærður og dæmdur fyrir barnaníð í ríkinu. Hann flúði til Evrópu og hefur aldrei snúið aftur á bandaríska grund.

Friðarverðlaunahafi fyrirskipar mannskæðar loftárásir

Barack Obama, Bandaríkjaforseti gaf sjálfur skipun um það fyrir helgi, að tvær sprengjuárásir yrðu gerðar í Yemen.

Jólabjórinn búinn

Jólabjór er nær uppseldur á landinu en um fimmtíu prósent meira hefur selst af slíkum bjór fyrir þessi jól en áður. Sérstakur jólabjór brugghúsanna hefur rokið út í desember og er nú nær ófáanlegur í vínbúðum. Sigrún Ósk Sigurðardóttir aðstoðarforstjóri ÁTVR segir að gert sé ráð fyrir því að almenn sala á áfengi í Vínbúðunum dragist örlítið saman í desember miðað við sama tíma í fyrra. Aukin sala á jólabjór er því nokkuð á skjön við það.

Metaðsókn í mataraðstoð

Aldrei hafa fleiri sótt um mataraðstoð fyrir jólin en búist er við að um tíu þúsund manns fái slíka aðstoð nú. Dæmi er um að fólk á tíræðisaldri hafi óskað eftir aðstoð.

Vill ekki hafa börnin í heimavist á Hornafirði

Húsmóðir á Svínafelli í Öræfum vill að látið verði reyna á lög sem heimila alþingismönnum, einum þegna, að eiga lögheimili á öðrum stað en makinn. Sjálf halda þau hjónin tvö heimili til að börn þeirra þurfi ekki að vera ein og umönnunarlaus á heimavist í grunnskóla fjarri heimaslóðum.