Tækjum var fjölgað á yfirfullri gjörgæslu

Gjörgæsludeildir Landspítala í Fossvogi og á Hringbraut fylltust aðfaranótt fimmtudags, þegar þar lágu níu sjúkl­ingar með svína­flensu, auk hinna sem þar voru af öðrum orsökum.

Vill endurskoða reglur um ráðstöfunarfé ráðherra

Kristján Þór Júlíusson, fulltrúi Sjálfstæðisflokks í fjárlaganefnd Alþingis, tekur undir með formanni fjárlaganefndar með að skera niður eða afnema ráðstöfunarfé ráðherra. Margt skynsamlegra og nauðsynlegra sé hægt að gera við skattfé almennings á niðurskurðartímum. Þetta kom fram í seinnifréttum Ríkissjónvarpsins í kvöld.

Japanir gera eldflaugatilraunir

Japanar sýndu í dag að þeir eru fullfærir um að skjóta niður eldflaugar sem skotið yrði á land þeirra frá Norður-Kóreu. Japanskt herskip notaði í dag nýja tegund af loftvarnaeldflaugum til þess að skjóta niður bandaríska kjarnorkuflaug, sem að sjálfsögðu var ekki með neinn kjarnaodd. Loftvarnaflaugin virkaði fullkomlega.

Össur styrkti ævisögu Einars Benediktssonar

Össur Skarphéðinsson, utanríkisráðherra, nýtti 300 þúsund krónur af ráðstöfunarfé sínu til að styrkja ævisögugerð Einars Benediktssonar, fyrrverandi sendiherra. Guðbjartur Hannesson, flokksbróður Össurar og formaður fjárlaganefndar Alþingis, vill minnka ráðstöfunarfé ráðherra og setja um það skýrari reglur. Þetta kom fram í Kastljósi í kvöld.

Gagnrýnin merki um einelti

Gylfi Arnbjörnsson, forseti Alþýðusambandsins, segir að gagnrýni á framgöngu hans síðustu misseri bera merki um einelti.

Kvarta undan aukaverkunum

Viðbúnaðarstig á Landspítalanum hefur verið hækkað vegna álags út af svínaflensunni. Góður skriður er kominn á bólusetningu gegn flensunni, en þó er kvartað undan því að hún valdi aukaverkunum hjá meirihluta þeirra sem hana fá.

Helgi kjörinn forseti

Helgi Hjörvar alþingismaður var kjörinn forseti Norðurlandaráðs á þingi ráðsins í Stokkhólmi í dag. Hann tekur við um áramót þegar Ísland tekur við formennsku í ráðinu. Illugi Gunnarsson Sjálfstæðisflokki var kosinn varaforseti.

Bjössi í World Class: Vorum ekki í kennitöluflakki

Reksturinn stendur styrkum fótum, við vorum ekki í kennitöluflakki og ég er ekki á leiðinni í gjaldþrot, segir eigandi World Class á Íslandi. Hann hyggur á málshöfðun á hendur Straumi.

Svefnleysisbætur bankamanna

Fyrrverandi starfsmenn og stjórnendur gömlu bankanna gera milljarða króna launakröfur í þrotabú þeirra. Dæmi eru um að menn reyni allt til að hækka kröfur sínar, meðal annars að krefjast bóta vegna svefnleysis og bónusa fyrir vel unnin störf.

Morgunverðarfundur um aðgerðir gegn mansali

Utanríkisráðuneytið í samvinnu við dómsmála- og mannréttindaráðuneytið stendur fyrir opnum morgunverðarfundi um hina alþjóðlegu baráttu gegn mansali á morgun í tilefni af komu Evu Biaudet, mansalsfulltrúa Öryggis- og samvinnustofnunar Evrópu, til Íslands.

Fagna lögum um aðgerðir í þágu heimila og fyrirtækja

Ungir jafnaðarmenn fagna lögum um aðgerðir í þágu einstaklinga, heimila og fyrirtækja vegna banka- og gjaldeyrishrunsins. „Síðastliðið ár hafa heimilin og fyrirtækin í landinu háð blóðuga baráttu við að halda haus í erfiðu efnahagsumhverfi sem er afsprengi misheppnaðar einkavæðingar og efnahagsstjórnar Sjálfstæðisflokks og Framsóknarflokks,“ segir í ályktun félagsins.

Hæstiréttur sneri við Glitnisdómi

Hæstiréttur hefur snúið við dómi í máli Vilhjálms Bjarnasonar fjárfestis gegn Glitni banka. Vilhjálmur stefndi stjórn Glitnis vegna tillögu sem samþykkt var í stjórn bankans og veitti stjórninni heimild til að kaupa eigin hluti í félaginu. Kaupverðið skyldi vera lægst 10% og hæst 10% hærra en skráð kaup- eða sölugengi í Kauphöll Íslands. Málið snertir starfslok Bjarna Ármannssonar hjá bankanum. Er bankinn sýknaður af stefnunni.

Fimm mánaða fangelsi fyrir ölvunarakstur

Hæstiréttur Íslands staðfesti fimm mánaða fangelsisdóm yfir rúmlega þrítugum karlmanni sem ók ölvaður. Hann er að auki sviptur ökuréttindum ævilangt.

Gjörgæsludeildir fullar: Bætt við tækjakost spítalans

Líkt og greint var frá fyrr í dag var Landspítalinn færður á svokallað virkjunarstig viðbragðsáætlunar spítalans klukkan 10:00 í morgun, samkvæmt ákvörðun forstjóra LSH. Mun þetta vera í fyrsta skipti sem slíkt gerist en virkjunarstig er næstefst af fjórum viðbragðsstigum viðbragðsáætlunarinnar. Á hádegi í dag voru 35 inniliggjandi á Landspítala vegna inflúensu A(H1N1), þar af 8 á gjörgæslu. Auk þess hefur verið mikið um önnur alvarleg veikindi og slys sem hafa krafist innlagnar á gjörgæsludeild síðustu daga.

Arkitektar í hópum á gæðafundi

Góð mæting og lífleg skoðanaskipti voru á fundi um gæði byggðar sem haldinn var í Hafnarhúsinu í morgun. Menn tóku eftir að þarna voru m.a. atvinnulausir arkitektar í hópum enda er byggingarstarfsemi í borginni í mikilli ládeyðu þessa stundina.

Segir hugmyndir um upptöku aflaheimilda skapa óróa

Adolf Guðmundsson, formaður LÍÚ gagnrýndi harðlega hugmyndir um upptöku aflaheimilda á aðalfundi LÍÚ í dag og sakaði stjórnvöld um að skapa óróra innan sjávarútvegsins með því að kasta fram svo óútfærðum hugmyndum. Hann sagði óvissuna samfara þeim þegar hafa valdið tjóni.

Kirkjan braut jafnréttislög - þarf að greiða rúmar 1,6 milljónir

Séra Sigríði Guðmarsdóttur voru dæmdar rúmar 1,6 milljónir króna í bætur í Héraðsdómi Reykjavíkur vegna brota á jafnréttislögum. Sigríður sótti um starf sendiráðsprest í London árið 2003 en karlmaður hlaut starfið. Þau voru jafnhæf og því hefði átt að ráða Sígríði.

Stórþjófur dæmdur í tveggja mánaða fangelsi

Þrjátíu og fimm ára gamall karlmaður var dæmdur í Héraðsdómi Reykjavíkur í dag fyrir að hafa stolið 165 þúsund krónum í reiðufé úr afgreiðslukassa verslunar N1 að Stórahjalla í Kópavogi.

Heimskir glæponar

Lögreglan í bænum Carroll í Iowa í Bandaríkjunum átti ekki í miklum erfiðleikum með að finna tvo innbrotsþjófa sem hún fékk tilkynningu um.

Mannlaus skúta eftir sjórán

Búið er að finna seglskútu breskra hjóna sem sómalskir sjóræningjar rændu fyrr í vikunni. Skútan var mannlaus.

Árni hjólar í Gylfa

Framganga Gylfa Arnbjörnssonar í tengslum við endurreisn íslensks efnahags- og atvinnulífs og stöðugleikasáttmálann hlýtur að kalla á spurningar og svör um hvaða umboð hann hefur frá almenningi, segir Árni Þór Sigurðsson, þingmaður VG.

Útgáfa lagasafns úrskurðuð ólögleg

Umboðsmaður Alþingis hefur vakið athygli Alþingis, forsætisráðherra og dómsmála- og mannréttindaráðherra á því að ekki hefur verið farið að lögum í útgáfu lagasafns í prentuðu formi hér á landi.

Ákærðir fyrir að stela Kjarval

Tveir menn hafa verið ákærðir fyrir að stela málverkinu „Á Hulduströnd“ eftir Jóhannes S. Kjarval í maí síðastliðnum. Verkið eiga þeir að hafa tekið ófrjálsri hendi á málverkasýningu á Miklatúni. Þeir eiga að hafa gengið inn á sýninguna og rakleiðis að verkinu, tekið það niður og gengið út. Lögreglan fann verkið stuttu síðar óskemmt.

Það sem rjúpnaskyttum ber að varast

Þann 30.október hefst rjúpnaveiðitímabilið og stendru það í 18 daga en síðasti leyfilegi veiðidagurinn er 6.desember. Í nóvember í fyrra voru björgunarsveitir Landsbjargar kallaðar út ellefu sinnum til leitar og aðstoðar við rjúpnaskyttur. Félagið vill því vekja á nokkrum góðum ferðareglum sem rétt er að hafa í huga áður en lagt er af stað í veiðiferðina.

Tillögu Ólafs varðandi Eykt vísað frá

Ólafur F. Magnússon borgarfulltrúi lagði í dag fram tillögu þess efnis í borgarráði að skorað yrði á byggingarfélagið Eykt að upplýsa um framlög sín og styrki til stjórnmálasamtaka sem buðu fram í síðustu borgarstjórnarkosningum.

95 ára aldursmunur brúðhjóna

Mörghundruð brúðkaupsgestir voru til staðar þegar Ahmed Dore gekk að eiga Safíu Abdulleh í bænum Guriceel í Sómalíu.

Viðbúnaður á Landspítalanum færður á virkjunarstig

Viðbúnaður á Landspítala var í dag færður á svokallað virkjunarstig, samkvæmt viðbragðsáætlun spítalans, vegna aukins álags af völdum inflúensufaraldursins samkvæmt tilkynningu frá Landlæknaembættinu.

Sömdu um aðstoð fyrir atvinnuleitendur

Vinnumálastofnun, KVASIS, samtök fræðslu- og símenntunarmiðstöðva og Fræðslumiðstöð atvinnulífsins hafa gert samstarfssamning um náms- og starfsráðgjöf fyrir atvinnuleitendur. Á vegum fræðslu- og símenntunarmiðstöðva starfa náms- og starfsráðgjafar, sem munu með þessum samningi taka þátt í að ná til atvinnuleitenda sem tryggðir eru innan atvinnuleysistryggingakerfisins og hvetja þá til virkni.

Kona með kókaín innvortis handtekin

Tollgæslan á Keflavíkurflugvelli stöðvaði íslenska konu á fertugsaldri sem var að koma frá Kaupmannahöfn í lok september. Konan reyndist vera með 100 grömm af kókaíni innvortis.

Glænýr sáttatónn í Írönum

Í ræðu sem hann hélt í Íran í dag sagði Mahmoud Ahmadinejad forseti að samskiptin við Vesturlönd hefðu breyst úr árekstrum í samvinnu.

Skilorðsbundið fangelsi fyrir manndráp af gáleysi

Nítján ára gömul stúlka var í Héraðsdómi Reykjaness í gær dæmd í þriggja mánaða fangelsi en fresta skal fullnustu refsingarinnar og hún látin niður falla að tveimur árum liðnum haldi hún almennt skilorð.

Fjölskylduhjálpin leitar eftir stuðningi frá fjársterkum aðilum

Fjölskylduhjálpin er að fara af stað með söfnun til að geta staðið straum af öllum þeim umsóknum sem munu berast fyrir jólin. Forsvarsmenn hennar hafa því leitað aðstoðar fyrirtækja í bréfi sem verið er að senda út þessa dagana.

Ósátt við framlengda dvöl AGS

„Mér finnst það ekkert sjálfgefið að veru Alþjóðagjaldeyrissjóðsins sé framlengt um hálft ár. Mér finnst það eitthvað sem stjórnvöld þurfi að ræða við Alþjóðagjaldeyrissjóðinn,“ segir Lilja Mósesdóttir,

Jakinn 25 ára gamall

Tuttugu og fimm ár eru um þessar mundir liðin frá því að Jakinn, fyrsti gámakrani Eimskipafélagsins í Sundahöfn, var vígður við hátíðlega athöfn samkvæmt tilkynningu frá Eimskip.

Sléttuúlfar drápu unga söngkonu

Taylor Mitchell var upprennandi þjóðlagasöngkona í Kanada sem þótti eiga bjarta framtíð. Hún var nítján ára gömul.

Piltur stal fimm gaskútum

Nítján ára piltur var dæmdur í tíu mánaða fangelsi í gær meðal annars fyrir að stela fimm misstórum gaskútum á Akureyri. Pilturinn braust einnig inn í verslanir sem og áfengisverslun ríkisins þar sem hann stal Vodka og Gordons gini.

Sló mann í hálsinn með glerflösku

Tæplega þrítugur karlmaður frá Siglufirði var dæmdur í tólf mánaða fangelsi fyrir að slá mann í hálsinn með glerflösku og að hafa ekið undir áhrifum fíkniefna. Maðurinn sló fórnalamb sitt í hálsinn í apríl síðastliðnum. Mennirnir voru staddir fyrir utan heimahús á Siglufirði. Sjálfur sagði sá dæmdi að maðurinn hefði áreitt sig allt kvöldið, því hefði hann slegið hann í hálsinn með hálf fullri bjórflösku.

Prestur kvíðir mánaðamótum vegna fátæktar

Stöðugur straumur af fólki leitar sér hjálpar vegna erfiðrar fjárhagsstöðu, segir Þórhallur Heimisson, prestur við Hafnafjarðarkirkju. Í samtali við Vísi segir Þórhallur að sama hversu oft sé bent á vandann, ekkert virðist vera að breytast.

Umferðargenið er fundið

Nú er orðið tilgangslaust að bölva glórulausum ökumönnum í umferðinni. Þeir geta nefnilega ekkert að þessu gert.

Loftslagsmál og Lissabon-sáttmálin rædd í Brussel

Loftslagsmál og Lissabon-sáttmálinn eru þau mál sem líklegast þykir að brenni mest á leiðtogum Evrópusambandsþjóðanna þegar þeir hittast á leiðtogafundi í Brussel í dag. Á fundinum er stefnt að því að komast að niðurstöðu um hve mikið hvert aðildarland sambandsins þarf að greiða til þróunarríkjanna til þess að hjálpa þeim í baráttunni gegn loftslagsbreytingum.

Vill að Eykt upplýsi um styrki til flokka

Ólafur F. Magnússon borgarfulltrúi ætlar að leggja fram tillögu þess efnis á borgarráðsfundi síðar í dag að skorað verði á byggingarfélagið Eykt að upplýsa um framlög sín og styrki til stjórnmálasamtaka sem buðu fram í síðustu borgarstjórnarkosningum. Þá vill Ólafur jafnframt að upplýst verði hvaða frambjóðendur í prófkjörum fyrir síðustu borgarstjórnarkosningar fengu styrki frá félaginu og hvort aðrir styrkir hafi runnið til frambjóðenda og kjörinna fulltrúa í borgarstjórn á þessu kjörtímabili.

Heimilislausum fækkar í LA

Heimilislausu fólki í Los Angeles hefur fækkað töluvert þrátt fyrir alvarlega efnahagskreppu í Kaliforníu.

Skutu fjölda skota á bíl í Brøndby

Lögreglan í Brøndby á Kaupmannahafnarsvæðinu leitar nú að mönnum sem skutu sjö eða átta skotum út um bílglugga á annan bíl sem þeir mættu á götu.

Sjóræningjar hóta að myrða hjónin

Sómölsku sjóræningjarnir, sem rændu breskum hjónum þar sem þau voru í siglingu um Indlandshaf, hafa hótað að myrða hjónin og brenna bein þeirra, eins og það er orðað, verði ekki orðið við kröfum þeirra um lausnargjald.

Skotlandsmet í of hröðum akstri

Tæplega þrítugur skoskur hárgreiðslumaður hefur verið dæmdur í níu mánaða fangelsi fyrir að aka vélhjóli á tæplega 270 kílómetra hraða eftir vegi þar sem hámarkshraðinn er 90 kílómetrar á klukkustund.