Erlent

Heimskir glæponar

Óli Tynes skrifar

Lögreglan í bænum Carroll í Iowa í Bandaríkjunum átti ekki í miklum erfiðleikum með að finna tvo innbrotsþjófa sem hún fékk tilkynningu um.

Tilkynningin var á þá leið að innbrotsþjófarnir væru tveir ungir menn. Þeir væru grímuklæddir og sáust aka burt frá innbrotsstaðnum á stórum hvítum bíl.

Lögreglan fann fljótlega hvíta bílinn og grímuklæddu mennirnir voru í honum. Nú skyldi maður ætla að innbrotsþjófar hefðu vit á að taka ofan grímuna að ráni loknu.

Þessir tveir áttu hinsvegar erfitt um vik því þeir höfðu málað á sig grímurnar, svona eins og börn gera á hrekkjavöku.

Nema hvað höfðu notað „permanent" tússlit. Og það var sama hvað þeir reyndu, þeim tókst ekki að nudda litinn framan úr sér áður en lögreglan fann þá.



Best of Óli Tynes
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið