Ofbeldið færist enn í aukana

Í það minnsta 26 manns létust í fjórum sprengjuárásum sem gerðar voru á einni og hálfri klukkustund í og við Bagdad í gær. Þá létust tveir starfsmenn bresks öryggisfyrirtækis í árás vígamanna og hollenskir hermenn skutu íraskan bílstjóra til bana eftir að hann stöðvaði bifreið sína ekki við vegatálma.

Vígamenn helsta þolraun Íslams

Ungir menn sem eru lokkaðir til vígaferla eru helsta þolraun Íslams, sagði Sheik Abdul-Aziz al-Sheik, æðsti klerkur Sádi-Arabíu þegar hann ávarpaði hluta þeirra tveggja milljóna múslima sem lögðu leið sína til Arafatsfjalls í Sádi-Arabíu í pílagrímsför við upphaf Hajj trúarhátíðar múslima.

Spænskir kaþólikkar vilja smokkinn

Kaþólska kirkjan á Spáni hefur kúvent í afstöðu sinni til smokka og er nú samþykk því að fólk noti þá til að verja sig gegn HIV-veirunni sem veldur alnæmi. Þetta er þvert á afstöðu Jóhannesar Páls páfa II, æðsta yfirmanns kaþólsku kirkjunnar, sem er alfarið andvígur notkun smokka.

225 þúsund látin

Ljóst er orðið að minnst 225 þúsund manns létu lífið af völdum flóðbylgjunnar í Asíu. Hún er því orðin að næst mannskæðustu náttúruhamförum í rúma öld. Óttast að enn verr geti farið ef náttúruhamfarir verða í stærstu borgum heims. </font /></b />

Sátt um fyrirkomulag um rýmingu

Sýslumenn, bæjarstjórar og sveitarstjórar á þéttbýlisstöðum á sunnan- og norðanverðum Vestfjörðum lýsa yfir að þeir hafi góða reynslu af því fyrirkomulagi sem er um rýmingu húsa. Ástæða yfirlýsingarinnar er umfjöllun í fjölmiðlum um að Veðurstofan hafi of mikið vald til rýmingar.

Þekkta fólkið neytir kókaíns

Hörður Jóhannesson, yfirlögregluþjónn í Reykjavík, segir hóp fíkniefnaneytenda orðinn breiðari. Áður hafi verið litið á fíkniefnaneytendur sem hálfgerða aumingja en annað eigi við þá sem eru í kókaínneyslu sem eru mikið til þekkta og fína fólkið.

Stuðningur Finna lítill

Fyrrum forsætisráðherra Eistlands, Edgar Savisaar, gagnrýnir Finna í nýútkominni minningabók sinni fyrir að styðja land sitt ekki nægjanlega til sjálfstæðis.

Fleygði hassinu fram af svölum

Fjögur hundruð grömm af hassi fundust í húsleit á heimili tuttugu og fimm ára manns í Reykjavík seinni partinn á þriðjudag. Maðurinn var handtekinn og færður á lögreglustöðina til yfirheyrslu.

Atvinnuleysi minnkar lítillega

Á fjórða ársfjórðungi 2004 var atvinnuleysi 2,5 prósent samkvæmt nýjum tölum Hagstofunnar. Á sama tíma í fyrra var atvinnuleysið 2,9 prósent.

Fór strax úr landi

Nígeríumaður sem handtekinn var í tengslum við innflutning á tæpu kílói kókaíni fyrir tveimur vikum hefur verið látinn laus. Sá sem flutti kókaíni inn er tæplega þrítugur Ungverji en hann situr enn í gæsluvarðhaldi.

Komin mynd á utanríkisstefnu BNA

Nýr utanríkisráðherra Bandaríkjanna útnefnir sex lönd sem vígi helstu harðstjórna heimsins og telur að Bandaríkin þurfi að beina sjónum sínum þangað. Yfirlýsingin þykir gefa allgóða vísbendingu um utanríkisstefnu Bandaríkjanna næstu fjögur árin.

Milljónamæringur týndur

Forstjóra og eins af erfingjum sænsku raftækjaverslanakeðjunnar Siba, hins 32 ára margmilljónamærings Fabians Bengtsson, er saknað og óttast lögreglan í Gautaborg að honum hafi verið rænt. Þó hefur ekki komið fram krafa um lausnargjald. 

Mikla olíu að finna

Norska olíufyrirtækið Statoil heldur því fram að olíu sem sé rúmlega 27 milljarða króna virði sé að finna í Barentshafi. Eftir því sem fram kemur í dagblaðinu Politiken gera Rússar kröfur til hluta af olíulindunum.

Lóan fauk til Noregs

Vorboðinn kom óvenjusnemma til Noregs í ár, en það sást til fyrstu lóunnar síðasta laugardag á suðvesturströnd landsins. Daginn eftir sást svo til stórs hóps af lóum, auk þess sem nokkrir spóar voru á stjá.

Sænskum milljónamæringi rænt

Einum af ríkustu mönnum Svíþjóðar, Fabian Bengtsson, var rænt í Gautaborg í gær. Bengtsson er eigandi stærstu rafeindaverslanakeðju Svíþjóðar og ekkert hefur til hans spurst frá því hann yfirgaf íbúð sína á leið til vinnu í gær.

Viðurkennir fyrningu kærunnar

Sýslumaðurinn í Vestmannaeyjum viðurkennir að kæra sem kona lagði fram á hendur fyrrverandi eiginmanni sínum fyrir líkamsárás var orðin fyrnd þegar maðurinn var ákærður. 

Stærsti ísjaki jarðarinnar

Vísindamenn fylgjast spenntir með stærsta ísjaka jarðarinnar sem hefur verið á hraðri siglingu við Suðurskautslandið. Ísjakinn er 160 kílómetra langur og inniheldur samsvarandi vatnsmagn og rennur um ána Níl í Egyptalandi á áttatíu árum. Ein afleiðing þessa ferðalags jakans er að 3000 mörgæsir þurfa að fara um 180 kílómetra hjáleið heim í hreiðrin með mat fyrir ungana sína.

Halldór neitar að tjá sig

Halldór Ásgrímsson forsætisráðherra neitar að tjá sig um ákvörðun hans og Davíðs Oddssonar um stuðning Íslands við Íraksstríðið. Fréttastofan hefur nú í þrjá daga leitað eftir skýringum hans á svörum þess efnis að ákvörðunin hafi verið rædd í utanríkismálanefnd.

Afkoman versnar

Afkoma botnfiskveiða versnaði frá árinu 2002 til ársins 2003 en afkoma botnfiskvinnslu batnaði. Þetta kemur fram í hefti Hagstofunnar um sjávarútveg. Helstu botnfisktegundir eru þorskur, ýsa og karfi.

Þiggja eftirlaun í fullu starfi

Sex fyrrverandi ráðherrar, sem enn eru í fullu starfi á vegum ríkisins, þiggja eftirlaun í samræmi við lög um eftirlaun æðstu embættismanna ríkisins sem samþykkt voru í árslok 2003.

Nauðugur einn kostur

Sr. Hans Markús Hafsteinsson, sóknarprestur í Garðasókn, hefur vísað ágreiningi sínum við formann og varaformann sóknarnefndar, auk sóknarprests og djákna, til úrskurðarnefndar þjóðkirkjunnar.

Bara bréf frá biskup

Matthías G. Pétursson, formaður sóknarnefndar Garðanefndar segir að greinargerð verði send úrskurðanefnd þjóðkirkjunnar þann 8. febrúar og úrskurði sé að vænta eftir þann tíma.

Koma fjörutíu Kínverja stöðvuð

Koma rúmlega 40 Kínverja sem hugðust starfa á Kárahnjúkum hefur verið stöðvuð. Þeir fá ekki atvinnuleyfi meðan rannsókn ráðuneyta á starfsmannamálum Impregilo fer fram. Kínverjarnir höfðu fengið dvalarleyfi hjá Útlendingastofnun þrátt fyrir að atvinnuleyfi lægi ekki fyrir.

Kennara að taka til eftir sig

Skilaboð frá borgarfulltrúum til kennara eru að þeir hafi gengið of langt, segir Bergþóra Valsdóttir, framkvæmdastjóri SAMFOKS, sambands foreldrafélaga og foreldraráða í grunnskólum Reykjavíkur.

Mjöll Frigg gæti átt rétt á bótum

Eigandi Mjallar Friggjar hafði samband við skipulagsyfirvöld Kópavogsbæjar áður en klórverksmiðjan fluttist þangað. Hafi fyrirtækið fengið vilyrði fyrir starfsleyfi gæti bærinn verið skaðabótaskyldur. </font /></b />

Ofsaveður á Hellisheiði

Ofsaveður gekk yfir Hellisheiði og Hveragerði í dag. Loka þurfti heiðinni fyrir umferð vegna veðurs og björgunarsveitarmenn hjálpuðu gangandi vegfarendum og skólabörn í Hveragerði. 

Fleiri þarf í iðngreinar

Það er áhyggjuefni hversu fáir sækja iðn- og tæknimenntun hér á landi og það þarf að breyta ríkjandi viðhorfum í garð iðnmenntunar þar sem aukin þörf er fyrir verk- og iðnmenntað fólk. Þetta var meðal þess sem kom fram á málþingi í tilefni Menntadags iðnaðarins á þriðjudag.

Margir fastir á Hellisheiði

Hjálparsveit skáta í Hveragerði var kölluð út um hádegi í gær til að aðstoða bíla sem voru í vandræðum á Hellisheiði. Margir bílar lentu í vandræðum í gær vegna ófærðar. Þá voru björgunarsveitarmenn úr Hveragerði beðnir um aðstoð innanbæjar í Hveragerði við að koma skólabörnum til síns heima og aðstoða heilbrigðisstarfsfólk við að komast leiðar sinnar.

Minnka áhættu á vímuefnafíkn

Hægt er að draga úr áhættu á vímuefnafíkn og afbrotahneigð til muna með því að meðhöndla væga ofvirkni og athyglisbrest þegar í barnæsku. Stefán J. Hreiðarsson, barnalæknir á Greiningarstöð ríkisins, segir umræðuna um geðraskanir barna á villigötum. Um mikilvægt forvarnarstarf sé að ræða.

Eþíópímaður dæmdur í fangelsi

Eþíópíumaður með sænskt ríkisfang var í dag dæmdur í fjögurra mánaða fangelsi fyrir aðstoða par frá Eþíópíu við að komast ólöglega inn í landið. Maðurinn var handtekinn í Leifsstöð skömmu fyrir áramót ásamt fólkinu sem kom hingað frá Osló, en ferðinni var heitið áfram vestur til Bandaríkjanna.

Bretar fyrir rétti vegna pyntinga

Írakar, sem sátu í varðhaldi breskra hermanna, meðal annars fyrir að hafa stolið mat handa fjölskyldum sínum, voru barðir og niðurlægðir á ýmsan máta. Ljósmyndir sem þykja sanna þetta hafa verið lagðar fram í réttarhöldum sem nú standa yfir í Bretlandi yfir þremur breskum hermönnum.

Kjör eldri borgara versna

Ólafur Ólafsson, fyrrverandi landlæknir, segir að kjör eldri borgara hafi dregist verulega aftur úr kjörum annarra og opinber þjónusta hafi hækkað verulega umfram kjör þessa hóps.

Essó afturkallaði hækkun

Essó afturkallað tveggja krónu hækkun á eldsneyti aðeins sólahring eftir að hafa hækkað verðið. Hjörleifur Jakobsson, forstjóri Essó, segir að verðið hafi verið lækkað aftur vegna samkeppninnar á markaðnum.

Kennsla aukin í Kópavogi

Skólanefnd Kópavogs hefur ákveðið að bæta nemendum 9. og 10. bekkja upp hluta þeirrar kennslu sem féll niður vegna kennaraverkfallsins í haust.

Fyrsta íslenska fluguveiðihjólið

Fyrsta íslenska fluguveiðihjólið kemur á markað í vor og er sérhannað fyrir hinn sterka íslenska lax. Heiti hjólsins tengist veiðivon og hjátrú. 

Tala látinna hækkaði um 60 þúsund

Tala þeirra sem létust í flóðbylgjunni í Suðaustur-Asíu hækkaði snarlega um 60 þúsund manns í dag þegar yfirvöld í Indónesíu uppfærðu skýrslur sínar og þeir, sem áður var saknað, voru taldir af. Fjöldinn nemur alls rúmum 225 þúsundum. Lífið á hamfarasvæðunum verður aldrei samt eins og Ingólfur Bjarni Sigfússon komst að þegar hann heimsótti lítið sjávarþorp á Srí Lanka.

Skoða aðstæður á Kárahnjúkum

Fulltrúar ítölsku verkalýðshreyfingarinnar og Alþjóðasambands byggingaverkamanna skoða aðstæður verkamanna hjá Impregilo á Kárahnjúkum í dag. Þeir ætla að segja skoðun sína hreinskilnislega eftir ferðina.

Ísraelar ræða við Abbas

Ariel Sharon, forsætisráðherra Ísraels, aflétti í gær samskiptabanni við Mahmoud Abbas, forseta Palestínu. Í kjölfarið funduðu yfirmenn öryggismála Ísraels og Palestínu um það hvernig hægt væri að sporna við auknu ofbeldi á svæðinu. 

Opinberir starfsmenn á sérkjörum

Jón Baldvin Hannibalsson, fyrrverandi utanríkisráðherra og núverandi sendiherra í Finnlandi, hefur rétt á tæplega 400.000 króna eftirlaunum á mánuði auk fullra launa vegna sendiherrastöðu sinnar, sem nema tæpri milljón króna sem er að stórum hluta skattfrjáls. Sjö fyrrverandi ráðherrar fá greidd eftirlaun þrátt fyrir að vera í fullu starfi á vegum ríkisins og samtals þáðu þeir sautján milljónir í eftirlaunagreiðslur á liðnu ári.

Festi bíl sinn á Fróðárheiði

Björgunarsveitarmenn og lögregla frá Ólafsvík komu ökumanni til aðstoðar eftir að hann festi bíl sinn í skafli á Fróðárheiði.

Enn að heiman

Hjálmar Sigurðsson ábúandi á Hrauni í Hnífsdal og fjölskylda hans hafa ekki geta dvalið heima hjá sér síðan að snjóflóð féll á bæ þeirra í síðustu viku. Stór hluti af bænum eyðilagðist í flóðinu, en beðið er eftir efni sem pantað hefur verið til viðgerðar.

Hættuástandi aflétt á Vestfjörðum

Almannavarnanefnd á Ísafirði ákvað á sjöunda tímanum í morgun að aflétta hættuástandi á Ísafirði og getur fólk, sem rýma þurfti hús sín þar í gær, snúið aftur til síns heima. Hættuástandi hefur líka verið aflétt í Bolungarvík og á Patreksfirði.

Rændu erkibiskupi í Írak

Uppreisnarmenn í Írak rændu í gærkvöldi erkibiskupi sýrlenska arms kaþólsku kirkjunnar. Hinn 66 ára gamli Basile Casmoussa hefur verið yfirmaður sýrlenska hluta kaþólsku krikjunnar í Írak undanfarin sex ár. Hann var á gangi utan við kirkju sína í borginni Mósúl í gær þegar hann var numinn á brott.

Segja að boðað verði til kosninga

Danskir fjölmiðlar og stjórnmálaskýrendur búast fastlega við því að Anders Fogh Rasmussen, forsætisráðherra Danmerkur, muni tilkynna um kosningar í landinu á blaðamannafundi sem boðað er til klukkan hálfellefu að íslenskum tíma.

Segist ekki undirbúa árás á Íran

George Bush Bandaríkjaforseti neitar því að verið sé að undirbúa innrás inn í Íran eins og Seymour Hersh, einn þekktasti rannsóknarblaðamaður Bandaríkjanna heldur fram. Hersh, sem meðal annars kom upp um pyntingar í Abu Ghraib fangelsinu í fyrra, segir fjölmarga erindreka innan hersins og leyniþjónustunnar fullyrða að undirbúningur að innrás sé þegar hafinn.