Þrautaganga Abbas hafin

Sex ísraelskir verkamenn og þrír palestínskir vígamenn féllu í árás þeirra síðarnefndu í fyrrinótt. Árásin var gerð fáeinum klukkustundum eftir að Mahmoud Abbas sagðist ætla að uppfylla öryggisskuldbindingar vegvísisins til friðar. </font /></b />

Lenti á stærsta tungli Satúrnusar

Evrópskum geimvísindamönnum tókst í gær að lenda geimfari á yfirborði Títans, stærsta tunglsins sem gengur á sporbraut um Satúrnus og þykir það mikið verkfræðilegt afrek. Vonir eru bundnar við að geimfarið sendi frá sér upplýsingar um efni og andrúmsloft tunglsins sem geti varpað ljósi á uppruna lífs á jörðu.

Svamla í söltum sjó fyrir söfnun

Félagar í Sjósundfélagi Íslands efna í dag til sjósundsmaraþons en framtakið er liður í landssöfnuninni Neyðarhjálp úr norðri. Að sögn Benedikts Lafleur, formanns Sjósundfélagsins, ætla sundmennirnir að skiptast á að vera í sjónum í stutta stund í einu þar sem sjávarhiti er afar lágur á þessum árstíma, aðeins um tvær gráður.

Brýnt að takast á við sálræna áfallið

"Við stöndum frammi fyrir stöðu sem gerir mjög miklar kröfur til okkar og ég er ekki viss um að við ráðum við þær að svo stöddu. En við gerum okkar besta," sagði Marc Danzon, svæðisstjóri Alþjóða heilbrigðisstofnunarinnar í Evrópu, um þau sálrænu áföll sem fólk í ríkjunum þar sem flóðbylgjan gekk yfir varð fyrir.

Sjónvarpssafnanir víða um heim

Belgar luku í gær þriggja vikna söfnunarátaki til hjálpar þeim sem eiga um sárt að binda eftir hamfarirnar í Asíu og á austurströnd Afríku. Í gærmorgun höfðu safnast 1,7 milljarðar króna og sú tala hækkaði jafnt og þétt eftir því sem leið á daginn og fór yfir tvo milljarða.

Hvítasunnumenn gegn R-listanum

Ásakanir Alfreðs Þorsteinssonar á hendur hvítasunnumönnum vekja spurningar hvort fámennir hópar geti náð tangarhaldi á stjórnmálaflokkum. </font /></b />

Og fjallið það öskrar

Það var dimmt yfir Álftafirði fyrri part viku. Kalt í veðri og strekkingsvindur. Alhvítur snjórinn hafði ekki aðeins lagst af þunga yfir byggðina heldur líka á sálir fólksins. Það minntist hamfaranna ógurlegu 1995. Hafði ekki séð annan eins snjó síðan þá.

Allir gerðu miklu meira en þeir gátu

Sigríður Hrönn Elíasdóttir var sveitarstjóri í Súðavík þegar snjóflóðin féllu 1995. Áður hafði hún, í samráði við sýslumann og sérfræðinga Veðurstofunnar, látið rýma nokkur hús í þorpinu enda vofði snjóflóðahættan yfir. Það dugði ekki til. Flóðið féll annars staðar en reiknað var með og varð stærra og ógurlegra en áður hafði sést í Álftafirði. </font /></b />

Tíminn læknar ekki öll sár

Súðvíkingurinn Ómar Már Jónsson hefur verið sveitarstjóri Súðavíkurhrepps í rúm tvö ár. Hann var skipverji á Bessanum þegar flóðin féllu fyrir áratug. Ómar er bjartsýnn á framtíð Súðavíkur og segir stemninguna einstaka, sérstaklega yfir sumartímann, þegar íbúafjöldinn margfaldast. Gamla byggðin iðar þá af lífi og fjöri.

Svíunum fækkar um helming

Nú hefur sænska lögreglan fækkað um helming því fólki sem er á lista yfir þá sem saknað er eftir hamfarirnar í Asíu. Nú eru 893 á listanum en voru áður rúmlega 1700. Með rannsókn og fyrirspurnum tókst að hafa uppi á fólkinu en allar líkur eru á að þeir sem eftir eru á listanum séu látnir.

Enn hungurdauði svartfugla

Hungurdauði svartfugla er farinn að gera vart við sig fjórða veturinn í röð segir í Morgunblaðinu. Hafa veiðimenn tilkynnt um dauðan eða deyjandi svartfugl við Þórshöfn á Langanesi, í Eyjafirði, Skagafirði og Vestmannaeyjum og úti fyrir Hofsósi hafa sjómenn séð svartfugl á reki.

Á slysadeild með reykeitrun

Slökkvilið á Akureyri var kallað út í bruna í íbúðarhúsi við Hafnarstræti laust fyrir klukkan ellefu í gærkvöld. Íbúi á efri hæð hússins hafði orðið var við eld á neðstu hæðinni þar sem áður var skemmtistaðurinn H-100. Ung stúlka var flutt á slysadeild með reykeitrun.

Flughálka í uppsveitum Árnessýslu

Flughálka er víða í uppsveitum Árnessýslu. Hálka er á Hellisheiði og í Þrengslum. Snjóþekja er á Holtavörðuheiði og snjóþekja og éljagangur á Vatnsskarði. Hálka er á Öxnadalsheiði og snjóþekja á Mývatnsheiði, Mývatnsöræfum og Fjarðarheiði. Verið er að moka Vatnsskarð eystra og Breiðdalsheiði. Öxi er ófær.

Krefur Impregilo um 3 milljónir

Viðskiptafræðingur sem starfaði fyrir Impregilo hefur stefnt fyrirtækinu og krafist rúmra þriggja milljóna króna vegna vangoldinna laun og uppsagnarfrests. Fleiri dómsmál kunna að vera í undirbúningi vegna skrifstofustarfa fyrir fyrirtækið. 

Sakfelldur fyrir pyntingar í Írak

Herlögreglumaðurinn Charles Graner var sakfelldur við herdómstól í Texas í gær um að hafa misþyrmt föngum í Abu Ghraib fangelsinu í Írak. Hann er fyrsti bandaríski hermaðurinn sem fundinn er sekur um að hafa misþyrmt föngum í Írak en hann mun hafa barið þá og neytt þá til að leggjast nakta ofan á hvern annan.

Skíðasvæði opin víða um land

Opið er á skíðasvæðum víða um land, þ.á m. á Akureyri, Siglufirði, við Sauðárkrók, í Bláfjöllum, Skálafelli og í Hengli. Færið er víðast hvar mjög gott.

Abbas kallar eftir vopnahléi

Mahmoud Abbas, nýkjörinn forseti Palestínumanna, kallaði eftir vopnahléi þegar hann var settur inn í forsetaembættið í morgun. Hann fordæmdi drápin og ofbeldið sem viðgengist hefur í deilu Ísralesmanna og Palestínumanna undanfarin ár og sagði að því yrði að linna ef nokkur möguleiki ætti að vera á friðarviðræðum. 

Leyfa sportveiðar á ísbjörnum

Grænlenska landstjórnin vill leyfa sportveiðar á ísbjörnum til að skapa atvinnu fyrir Grænlendinga í norðvesturhluta landsins. Þetta myndi þýða að ferðamenn með fulla vasa af peningum fengju leyfi til að fella ísbirni og taka húð dýrsins með sér heim en gjaldið fyrir þetta myndi hlaupa á milljónum íslenskra króna.

Heilbrigðisþjónusta við börn bætt

Heilbrigðisráðherra segir áríðandi að bæta heilbrigðisþjónustu við börn sem stríða við þunglyndi og aðrar geðraskanir. Vandamálið stafar að hluta til af örum samfélagsbreytingum, að mati heilsugæslulæknis, sem segir að of fá börn séu meðhöndluð.

60 milljóna skaðabótakrafa

Hæstiréttur fyrirskipaði í gær Héraðsdómi Vesturlands að taka til meðferðar sextíu milljóna króna skaðabótakröfu Sigurjóns Sighvatssonar á hendur Hótel Búðum og fleirum.

Söfnunin í fullum gangi

Landssöfnunin Neyðarhjálp úr norðri fyrir fórnarlömb flóðbylgjunnar í Asíu er í fullum gangi og nær hámarki með sameiginlegri útsendingu þriggja sjónvarpsstöðva í kvöld. Elín Þ. Þorsteinsdóttir, verkefnisstjóri söfnunarinnar, segir dagskrá verða í Kringlunni, Smáralindinni og á Glerártorgi á Akureyri í dag þar sem landsþekkt fólk mun koma fram.

Úrræði vegna heimilisofbeldis fá

Úrræði vegna heimilisofbeldis eru af skornum skammti úti á landi samanborið við höfuðborgarsvæðið. Á þetta bendir Sif Konráðsdóttir hæstaréttarlögmaður í tengslum við fréttir Stöðvar 2 um að nálgunarbann, sem sett var á ofbeldisfullan sambýlismann konu í Vestmannaeyjum, hafði lítið að segja.

Skemmdarverk unnin á níu bílum

Unnin voru skemmdarverk á níu bifreiðum í Keflavík í nótt. Brotnir voru speglar á þremur þeirra, hægra afturljós var brotið á tveimur, hliðarrúða brotin í einum bíl, framrúða í einum og afturrúður voru brotnar í tveimur bílum. Bílarnir stóðu allir við Hátún og Sóltún í Keflavík.

Annað útkallið á hálfum sólarhring

Slökkviliðið á Akureyri var kallað út rétt fyrir hádegi í dag vegna elds sem logaði í húsi við Svalbarðseyri. Húsið er stórt gamalt steinhús sem ekki er búið í að staðaldri og var mannlaust þegar eldurinn kviknaði. Þetta var annað útkallið hjá slökkviliðinu á Akureyri á hálfum sólarhring.

Jarðskjálftahrina við Reykjanes

Jarðskjálftahrina varð í morgun um 5-10 kílómetra suðvestur af Reykjanesi. Stærsti skjálftinn var 3,7 á richter og sá næsti 3,3 stig. Þá var einn 2,9 en aðrir til mun minni. Nú hefur dregið úr hrinunni en um tuttugu skjálftar hafa mælst.

Tíu ár liðin frá snjóflóðinu

Á morgun verða tíu ár liðin frá því snjóflóð féll á byggðina í Súðavík með þeim afleiðingum að fjórtán manns fórust. Í tilefni þess verður haldin minningarguðsþjónusta í íþróttahúsinu í Súðavík og hefst hún klukkan 14. Kirkjugestum er boðið að tendra á kertum við athöfnina til minningar um hina látnu.

Þyrla sækir mann á Esjuna

Þyrla Landhelgisgæslunnar var að leggja af stað til að ná í slasaðan mann á Esjunni. Maðurinn féll ofarlega í fjallinu og slasaðist en ekki er vitað hversu alvarleg meiðslin eru.

Helstu þjóðvegir færir

Allir helstu þjóðvegir landsins eru færir. Nokkur snjókoma eða éljagangur er á Holtavörðuheiði, Bröttubrekku og á Norðurlandi vestra. Hálka er á vegum um allt land og flughálka í uppsveitum Árnes- og Rangárvallasýslu.

Samskip opna nýjar höfuðstöðvar

Samskip taka í notkun nýjar höfuðstöðvar með athöfn í kvöld. Þær verða í 28 þúsund fermetra nýbyggingu við Kjalarvog. Þar verður undir einu þaki öll starfsemi Samskipa á höfuðborgarsvæðinu. Fyrsta skóflustungan var tekin síðsumars 2003.

Hitler vildi ræna páfanum

Adolf Hitler skipaði einum herforingja sinna að ræna þáverandi páfa, Píusi sjöunda, á tímum Síðari heimsstyrjaldarinnar. Herforinginn hlýddi hins vegar ekki skipuninni heldur fór þess í stað á fund páfa, klæddur borgaralegum klæðnaði, og varaði hann við ætlun einræðisherrans. Stærsta kaþólska dagblað Ítalíu greinir frá þessu í heilsíðufrétt í dag.

Lá bjargarlaus í klukkustund

Þyrla Landhelgisgæslunnar var kölluð út til að ná í slasaðan mann á Esjunni fyrr í dag. Maðurinn, sem var einn á ferð, hrapaði í klettabeltinu við Þverfellshorn og hafði legið í um klukkustund að því er talið er þegar fólk gekk fram á hann og kallaði á aðstoð. Tilkynningin barst neyðarlínunni klukkan 13.45 og lagði sjúkralið þegar af stað.

Dani í haldi Ísraelsmanna

Danskur maður af palestínskum uppruna hefur verið handtekinn í Ísrael grunaður um tengsl við Hizbollah-skæruliðasamtökin að því er danskir fjölmiðlar greina frá í dag. Utanríkisráðuneytið í Danmörku hefur staðfest þetta og segir manninn hafa verið handtekinn þann 6. janúar síðastliðinn.

Fyrsti dagur Abbas blóðugur

Fyrsti dagur nýkjörins forseta Palestínu, Mahmoud Abbas í embætti hófst með drápum og átökum á Gaza-svæðinu. Við embættistökuna kallaði Abbas eftir vopnahléi og friðarviðræðum fyrir alvöru.

Eldur í Mosfellsbæ

Slökkvilið höfuðborgarsvæðisins var kallað út vegna elds að Tröllateigi í Mosfellsbæ í gærkvöldi. Þar logaði eldur í nýbyggingu. Ekki var um mikinn eld að ræða og ekki urðu miklar skemmdir. Eldurinn náði að læsa sig í einangrun þannig að hætta var á eitruðum reyk en vel gekk að slökkva eldinn og varð engum meint af.

Ferðamenn aftur til Taílands

Ferðamenn eru farnir að tínast aftur til Taílands. Sumir þeirra voru hikandi en þeir hafa verið boðnir hjartanlega velkomnir.

Íslensk kennslanefnd til Taílands

Tveir íslenskir tannlæknar og rannsóknarlögreglumaður halda til Phuket-eyju snemma í fyrramálið í því skyni að bera kennsl á lík vestrænna fórnarlamba flóðbylgnanna. Þeir fara á vegum íslenskra stjórnvalda eftir hjálparbeiðni frá Noregi.

Kosningin styrkir Samfylkinguna

Formaður Ungra jafnaðarmanna segir að formannskosning milli Ingibjargar Sólrúnar Gísladóttur og Össurar Skarphéðinssonar styrki Samfylkinguna þegar fram í sækir. Flokkurinn sé stærri en þau bæði en uppgjör sé óumflýjanlegt. Hann vill að næsti varaformaður komi úr hópi unga fólksins.

Þriggja daga spáin var vitlaus

Þriggja daga veðurspá fyrir Norðurlöndin, áður en óveðrið mikla skall á fyrir rúmri viku, var arfavitlaus. Veðurskilyrðin suðvestur af Íslandi voru önnur en komu fram á reiknilíkani Evrópsku veðurstofunnar, sem staðsett er í Englandi.

Eðlilegt að spár breytist

"Veðurspáin fyrir illviðrið í Skandinavíu stóðst ótrúlega vel og allar viðvaranir í sambandi við það voru góðar. Mér finnst það ekki frétt þó að þriggja daga spáin hafi ekki skilað sér," segir Magnús Jónsson veðurstofustjóri og segir spár oft breytast ótrúlega mikið frá degi til dags.

Þyrla kom til hjálpar

55 ára karlmaður hlaut skurði á höfði og brotið hné er honum varð fótaskortur í klettabelti í Esjunni í gær og hrapaði um 20 metra. Hann var sóttur á þyrlu.

Jakkaföt Björgólfs á 10 milljónir

Jóhannes Jónsson í Bónus greiddi nú rétt áðan 10 milljónir króna fyrir teinótt jakkaföt í eigu Björgólfs Guðmundssonar, stjórnarformanns Landsbankans. Teinóttu jakkafötin voru boðin upp í beinni útsendingu allra sjónvarpsstöðvanna en til hennar var efnt til að safna fé til styrktar fórnarlömbum hamfaranna í Asíu.

Íþróttamannvirki vígð

Glæsileg íþróttamannvirki voru vígð á Hólmavík við hátíðlega athöfn í gær. Annars vegar er um að ræða 25 metra útisundlaug og hins vegar fullkomið íþróttahús. Hvort tveggja var tekið í notkun á síðasta ári.

Eldur í eldgömlu húsi

Elds varð vart í eldgömlu húsi á Svalbarðseyri um hádegisbil í gær, laugardag, en greiðlega gekk að ráða niðurlögum hans.

Bjargaði stúlku úr brennandi íbúð

Hinrik Ingi Guðbjargarson á Akureyri sýndi snarræði er hann bjargaði stúlku út úr brennandi íbúð í kjallaranum að Hafnarstræti 100 kl. 20.30 á föstudagskvöldið. </font />

Reykskynjari bjargaði

Reykskemmdir urðu í íbúð í fjölbýlishúsi á Höfn á laugardagsmorgun er gleymdist að slökkva undir potti áður en íbúar lögðust til svefns.