Íslandsbanki selur í Straumi

Íslandsbanki seldi hlut sinn í fjárfestingarbankanum Straumi. Kaupendur voru Kristinn Björnsson stjórnarformaður Straums og fjölskylda og Magnús Kristinsson útgerðarmaður í Vestmannaeyjum.

Bankar geta hækkað gjöld

Bönkunum er í sjálfsvald sett hvort þeir hækka gjald af lántakendum sem kjósa að greiða upp íbúðalán áður en lánstíma lýkur.

Osturinn afhjúpaður

Nýtt leiktæki, sem heitir Osturinn, var afhjúpað við Rimaskóla, í dag. Hönnuður tækisins er ellefu ára nemandi, við Skólann Hönnuðir eru á öllum aldri.

Þjóðleikhúsráð sendir umsögn

Þjóðleikhúsráð hefur sent menntamálaráðuneytinu umsögn um þá sem sóttu um starf þjóðleikhússtjóra.

Rangar upplýsingar segir Halldór

Halldór Ásgrímsson forsætisráðherra telur að þær þjóðir sem studdu innrásina í Írak hafi ekki fengið réttar upplýsingar um ástandið í landinu. Hann vill þó ekki taka svo djúpt í árinni að hinar staðföstu þjóðir hafi verið blekktar til að styðja innrásina.  

Klukkutími frá Vesturbæ í Árbæ

Það getur tekið nærri því klukkutíma að komast úr vesturbænum, uppfyrir Elliðaár, vegna framkvæmdanna á Hringbraut. Búast má við umferðartöfum á þessari leið fram í miðjan október á næsta ári.

Ólíklegt að samningar náist

"Það er ekki alveg að sjá að menn nái saman," segir Ásmundur Stefánsson ríkissáttasemjari um kjaradeilu kennara og sveitarfélaga. Verkfallsstjórn kennara hefur verið kölluð til starfa.

Viðbygging á koppinn

<font size="2">A</font>ftur er kominn skriður á undirbúning að viðbyggingu við Menntaskólann á Egilsstöðum, að því er fram kemur á vef Austur-Héraðs. Skipað hefur verið í nýja byggingarnefnd, en málið sigldi í strand síðasta vetur þegar upp kom ágreiningur milli heimasveitarfélaga Menntaskólans og ríkisins um skiptingu kostnaðar.

Þetta er ekki deila ríkisins

Forsætisráðherra segir ekki koma til greina að ríkið hlaupi undir bagga með sveitarfélögum til að mæta kröfum kennara. "Þetta er ekki okkar deila," segir Halldór Ásgrímsson.

Gunnlaugur nýtur trausts ráðherra

Menntamálaráðherra segist bera fyllsta traust til formanns útvarpsráðs og segist trúa því að hann hafi ekki komið nálægt kaupum Símans í Skjá einum. Ráðherra segir það ekki skarast að formaðurinn gegni einnig trúnaðarstörfum í viðskiptalífinu og komi þannig að slíkum viðskiptum.

Ætandi klórgas á Kársnesið

Fyrirtækið Mjöll-Frigg hefur sótt um starfsleyfi fyrir klórgasframleiðslu fyrirtækisins í Vesturvör í Kópavogi. Ekki er talin mikil hætta á slysi við framleiðsluna, en á hinn bóginn gætu afleiðingar slíks óhapps orðið miklar. Baðströndin í Nauthólsvík og Kársnesskóli er í innan við kílómetra fjarlægð frá fyrirhugðu framleiðslustæði.

Ekkert svigrúm til launahækkana

Sveitarfélögin hafa einfaldlega ekki svigrúm til að greiða 30 til 35 prósenta hækkun á launakostnaði kennara, segir Guðmundur Ingi Gunnlaugsson, sveitarstjóri Rangárþings ytra. "Í því felst ekki neinn dómur um hvort það er réttlát lausn fyrir kennara eða ekki," segir Guðmundur.

Sorphirðugjöld hækka um þriðjung

Sorphirðugjöld eiga samkvæmt landsáætlun að endurspegla raunkostnað við sorphirðuna. Nefnd borgarinnar leggur til hækkun og um leið afslátt til fólks sem sættir sig við stopulli sorphirðu.

Fá úrræði fyrir börn

"Mér finnst útlitið ekki bjart," segir Erla Hermannsdóttir, starfsmaður Barnaheilla og móðir tveggja stúlkna á grunnskólaaldri. "Ég hræðist að ef verður af verkfalli kennara þá verði það langt," segir Erla.

Mótmæltu kennaraverkfalli

Fámennur hópur mótmælti því að börnum verði úthýst úr grunnskólum landsins verði af verkfalli kennara. Anna María Proppé, framkvæmdastjóri Heimili og skóla - landssamtaka foreldra, segir börn eiga lagalegan rétt til að ganga í skóla.

Kanadískir sjóliðar á Íslandi

Sjö fyrrverandi sjóliðar, úr kanadíska flotanum, sem var bjargað úr sjávarháska, fyrir 60 árum, heimsóttu höfuðstöðvar Landhelgisgæslunnar í dag. Tundurspillir sjóliðanna fórst í Viðey í aftakaveðri árið 1944.

Eldri nemendur bíða enn

Enn er óljóst hvort tekst að útvega öllum sem vilja, pláss í framhaldsskólum. Menntamálaráðherra segir enn ekki ljóst hversu margir bíða eftir skólaplássi, sem er það sama og hún sagði í síðasta mánuði.

Stórhýsi og verslunarmiðstöð

Framkvæmdir við 4.800 fermetra verslunarmiðstöð og tvö tíu hæða fjölbýlishús eru að hefjast á Akranesi. Byggingarnar munu rísa á svokölluðum Miðbæjarreit við Stillholt og var fyrsta skóflustungan tekin í fyrradag. Þá voru einnig undirritaðir samningar milli Akraneskaupstaðar og Skagatorgs, sem er eigandi lóðarinnar, um framkvæmdirnar.

Myndi valda óþarfa þenslu

Mjög óskynsamlegt væri hjá ríkinu að ráðast í framkvæmdir við Sundabraut á næsta ári að sögn Tryggva Þórs Herbertssonar, forstöðumanns Hagfræðistofnunar Háskólans.

Undrast vinnubrögð tollayfirvalda

Móðir sextán ára gamallar stúlku undrast mjög vinnubrögð tollayfirvalda í Leifsstöð. Stúlkan, sem var að koma með flugi frá Stansted-flugvelli í London á miðvikudagskvöldið, gleymdi svörtum Adidas-bakpoka með verðmætum í á færibandinu í tollinum. Þegar stúlkan uppgötvaði það og hugðist nálgast bakpokann, hafði hann verið afhentur óviðkomandi.

Játar að hafa framið vopnað rán

Tæplega þrítugur maður játaði að hafa rænt Landsbankann við Gullinbrú með öxi að vopni 21. maí síðastliðinn, þegar málið var þingfest í Héraðsdómi Reykjavíkur í vikunni. Maðurinn hefur setið í gæsluvarðhaldi frá því í maí vegna almannahagsmuna en hefur verið í lausagæslu síðan rannsókn málsins lauk.

Áfram í gæsluvarðhaldi

Tæplega fertugur maður hefur verið úrskurðaður, í áframhaldandi gæsluvarðhald en hann var tekinn með eitt kíló af amfetamíni og eitt kíló af kókaíni á Keflavíkurflugvelli í lok maí.

Mikið af LSD fannst í pósti

Maður um þrítugt var handtekinn í gær í tengslum við mikið magn af LSD sem fannst í póstsendingu frá Hollandi. Hörður Jóhannesson, yfirlögregluþjónn í Reykjavík, vill ekki gefa upp um hversu mikið magn hafi verið að ræða, en segir það hafa verið mjög mikið.

Hass fannst í þvagi barna

Hassefni fundust í þvagi tveggja tólf ára barna á Akureyri. Gunnar Gíslason, deildarstjóri skóladeildar Akureyrarbæjar, segir að ekki sé vitað til þess að áður hafi slík efni fundist í þvagi svo ungra barna í bænum.

Eiríkur og Stefán Már hæfastir

Tveir umsækjendur, þeir Eiríkur Tómasson og Stefán Már Stefánsson, eru sagðir hæfastir í starf hæstaréttardómara að mati Hæstaréttar samkvæmt heimildum Fréttablaðsins og að því er fram kom í fréttum Ríkisútvarpsins í gær.

Forsendur kjarasamninga að bresta

Verðbólgan er stöðugt yfir verðbólgumarkmiðum Seðlabankans. Verkalýðsforystan útilokar ekki uppsögn samninga. Formaður Starfsgreinasambandsins hefur þungar áhyggjur af samningamálum kennara. </font /></b />

Þreyta sama og veikindi

Þreyta í morgunsárið er nægjanlega góð ástæða til að tilkynna veikindi í vinnunni að mati 40 prósenta Svía, samkvæmt nýrri skoðanakönnun. Þar kemur einnig fram að tveir af hverjum þremur aðspurðum segja fyllilega eðlilegt að tilkynna veikindi ef þeir vinna við streituvaldandi aðstæður.

Hættuleg fjárplógsstarfsemi

"Þetta er gagnslaus en hættuleg fjárplógsstarfsemi af verstu tegund," segir landlæknir um "orkunámskeið" sem haldið er hér á landi nú um helgina. Það eru tveir Bretar sem halda námskeiðið, Lynda og Stephen Kane. Þau selja einnig ráðleggingar og orkuegg. </font /></b />

Lögreglukærur ganga á víxl

Lögmaður Hundaræktarinnar í Dalsmynni fór í gær fram á lögreglurannsókn á meintum brotum gegn búinu og eigendum þess. Lengi hefur staðið styr um búið, meðal annars vegna stærðar þess. Er svo komið að kærur til lögreglu eru farnar að ganga á víxl.

Hefði viljað sjá margt öðruvísi

Halldór Ásgrímsson, forsætisráðherra segist ekki hafa skipt um skoðun varðandi lögmæti Íraksstríðsins þrátt fyrir að Kofi Annan, framkvæmdastjóri Sameinuðu þjóðanna, hafi kveðið upp úr um að stríðið hafi verið ólögmætt. Hann segir fortíðina hins vegar ekki skipta máli lengur og hvetur menn að horfa til framtíðar varðandi Írak.

Þjóðleikhúsráð mælir með sex

Þjóðleikhúsráð mælir með sex umsækjendum um starf þjóðleikhússtjóra en ráðinu ber, lögum samkvæmt, að veita menntamálaráðherra umsögn um umsækjendur. Þeir sem koma til greina að mati ráðsins eru: Árni Ibsen, Hafliði Arngrímsson, Kjartan Ragnarsson, Kristín Jóhannesdóttir, Tinna Gunnlaugsdóttir og Þórhildur Þorleifsdóttir.

Krakar í skólann án kennara

Ari Edwald, framkvæmdastjóri Samtaka atvinnulífisins, segir að grunnskólabörn ættu að geta gengið í skóla þrátt fyrir verkfall kennara. Eiríkur Jónsson, formaður Kennarasambands Íslands, segir orð Ara ætluð til að verja láglaunastefnu sem sé Samtökunum í hag.

Styrkur að hafa Davíð með

Halldór Ásgrímsson, nýr forsætisráðherra, segir það styrk fyrir ríkisstjórnina að hafa Davíð Oddsson innanborðs. Hann segir skattalækkanir, einkavæðingu og varnarmál mikilvægustu málefnin en ekkert liggi á nýju fjölmiðlafrumvarpi. </font /></b />

Næstminnsta fylgi forystuflokks

Aðeins eitt dæmi er um að forystuflokkur í ríkisstjórn hafi haft jafn lítið fylgi og Framsóknarflokkurinn hefur nú þegar hann tekur við forystu í ríkisstjórn. B-listi Framsóknarflokksins fékk 17,7% í síðustu kosningunum vorið 2003. Sami flokkur var í stjórnarforystu 1978 með 16.9% á bakvið sig.

Nýjar aðferðir við greiningu riðu

Yfirdýralæknisembættið tekur í næsta mánuði upp nýjar aðferðir í baráttunni við sauðfjárriðu. Beitt verður nýrri aðferð við sýnatöku í sláturhúsi og sýnin send fyrst í stað til útlanda til frekari greiningar. Á næsta ári er svo vonast til að sinna megi greiningunni hér heima líka.

Þak fauk af hótelinu í Freysnesi

Þak af 300 fermetra byggingu fauk í heilu lagi af álmu á hótelinu í Freysnesi í morgun og lenti á tengibyggingu, annari álmu og bílum. Um það bil 30 manns gistu á hótelinu í nótt og rigndi glerbrotum og braki yfir gestina, sem flestir voru sofandi, en engan sakaði. Þykir það með ólíkindum miðað við hvernig umhorfs er á svæðinu.

Íraksstríðið ólöglegt segir Annan

Kofi Annan, aðalritari Sameinuðu þjóðanna, segir stríðið í Írak hafa verið ólöglegt en Annan sagði í viðtali á BBC að sú ákvörðun Bandaríkjamanna að fara í stríð í Írak án samþykkis Sameinuðu þjóðanna hafi verið ólögleg.

Kajakmennirnir hætt komnir

Kajakleiðangursmenn Blindrafélagsins og tveir grænlenskir björgunarmenn þeirra voru hætt komnir síðdegis í gær þegar bátur þeirra bilaði og rak upp í brimgarð við klettótta strönd Vestur-Grænlands og brotnaði þar í spón.

Töluvert tjón á Hvolsvelli

Töluvert tjón varð á Hvolsvelli og á bæjum þar í grennd í miklu hvassviðri sem geisað hefur víða á suður- og suðvesturlandi í nótt. Á bænum Velli var maður í hættu þegar þak fauk í heilu lagi af gömlu mannlausu íbúðarhúsi og lenti á öðru íbúðarhúsi þar sem maðurinn stóð við glugga.

Vaxandi líkur á verkfalli

Vaxandi líkur eru á að boðað kennaraverkfall í grunnskólum komi til framkvæmdar á mánudag. Lítið sem ekkert miðaði í samkomulagsátt á samningafundinum í gær, að sögn deilenda, og ekkert er í spilunum sem bendir til afgerandi breytinga á gangi mála.

Bátur missti vélarafl

Færeyskur línubátur, sem missti vélarafl undan Meðallandssandi á Suðurströndinni undir kvöld í gær og tók að reka til lands, er enn á svipuðum slóðum og eru skipverjar að draga línuna. Þeir létu vita af biluninni en þegar íslenskt skip kom að þeim nokkru síðar var aðstoð afþökkuð og var þá annað færeyskt skip komið á vettvang.

Jóakim og Alexandra að skilja

Jóakim Danaprins og eiginkona hans, Alexandra, ætla að skilja að skiptum eftir níu ára hjónaband. Þetta var formlega tilkynnt á blaðamannafundi í dönsku konungshöllinni í morgun. Jóakim og Alexandra giftust árið 1995 og eiga tvo syni, Nikolai og Felix.

Fundur um rjúpuna í kvöld

Skotveiðifélag Íslands stendur fyrir fundi um rjúpuna í Norræna húsinu í kvöld klukkan átta. Dr. Ólafur K. Nielsen mun þar kynna nýja skýrslu Náttúrufræðistofnunar og Ólafur Karvel Pálsson fiskifræðingur leggur ítarspurningar fyrir Dr. Ólaf.

Ívan að ganga á land í Alabama

Fellibylurinn Ívan er í þessum töluðu orðum að ganga á land í Alabama-ríki í Bandaríkjunum. Þegar hafa tveir látið lífið. Veðurbauja á Mexíkóflóa mældi 16 metra háa öldu í miðju fellibylsins snemma í morgun og sérfræðingar óttast að slík flóðbylgja valdi gríðarlegu tjóni þegar hún nær ströndinni.

Veginum lokað vegna skriðufalla

Þjóðveginum á milli Hafnar í Hornafirði og Djúpavogs hefur verið lokað vegna skriðufalla úr Þvottár- og Hvalnesskriðum. Að sögn Vegagerðarmanna eru þetta talsvert miklar skriður og mikill vatnsagi og eðja eru á vettvangi þannig að ekki er hægt að hefjast handa við hreinsun eins og stendur. Enginn bíll varð fyrir skriðunum. Óvíst er hvenær hægt verður að opna veginn í ný.