Um­ræðu um bókun 35 aftur frestað

Nú síðdegis héldu þingmenn áfram að skrá sig á mælendaskrá, einkum úr röðum stjórnarandstöðunnar. Samkvæmt dagskrá þingsins voru fjögur önnur mál, sem áttu að vera á dagskrá í dag, tekin af dagskrá.

„Nú eru umræðu um fyrsta dagskrárlið frestað og málið tekið af dagskrá,“ sagði Þórunn Sveinbjarnardóttir, forseti Alþingis.

Forseti Alþingis tilkynnti forsætisnefnd og formönnum þingflokka í gær að starfsáætlun Alþingis hefur verið felld úr gildi, en upphaflega gerði starfsáætlun ráð fyrir því að þingstörfum myndi ljúka á föstudaginn í næstu viku. Ljóst þykir að þing mun starfa eitthvað lengur inn í sumarið. Þó er gert ráð fyrir að eldhúsdagsumræður fari fram samkvæmt fyrri áætlun miðvikudagskvöldið 11. júní.

Þing kemur aftur saman á þriðjudag eftir hádegi. Gera má ráð fyrir að umræðurnar haldi þá áfram.

Fréttin var uppfærð eftir að þingfundi lauk.