Kláraðu allar jóla­gjafirnar á einu bretti

„Við erum með Óskaskrín á ótrúlega breiðu verðbili, allt frá 2.900 kr. upp í 73.000 kr. og yfir 300 fjölbreyttar og ólíkar upplifanir sem hægt er að velja úr. Því ættu allir að finna sér eitthvað við sitt hæfi,“ segir Hrönn Bjarnadóttir, sölu- og markaðsstjóri Óskaskríns.

Það er bæði hægt að gefa Óskaskrín í gjafaöskju/gjafaumslagi eða gefa gjöfina eingöngu rafrænt og senda hana beint á viðtakandann. „Þetta er frábær lausn fyrir þá sem búa erlendis eða eru ekki í sama landshlutanum þar sem þetta einfaldar mjög afhendingu á gjöfinni. Eins er auðvitað rafrænt gjafabréf afskaplega umhverfisvænt sem er eitthvað sem fólk er alltaf að hugsa um í meira mæli.“

Fyrir jólin eru eiginlega öll Óskaskrínin vinsæl að sögn Hrannar. „Auðvitað eru sum vinsælli en önnur og þar má kannski helst nefna bröns skrínin okkar tvö, Bröns fyrir tvo og Lúxusbröns, sem eru mjög vinsæl ásamt öðrum klassískum, svo sem Gourmet, Dekurstund, Glaðningur, Kósý kvöld, Rómantík, Keila og fleiri. Keilan hefur til dæmis verið mjög vinsæl möndlugjöf á mörgum heimilum sem er flott þar sem gjöfin getur þá nýst fyrir alla fjölskylduna en hvert gjafabréf er keiluleikur fyrir 4-6 manns.“

Óskaskrín býður upp á fjögur ný skrín til sölu fyrir jólin. Þau eru eingöngu seld rafrænt á heimasíðunni og njóta sífellt meiri vinsælda. „Þau eru á flottu verði og tilvalin jólagjöf. Þetta eru gjafabréf í pizzaveislu, ísveislu, á kaffihús og kokteilaskrín en þetta eru allt skemmtilegar vinagjafir um jólin.“

Óskaskrín býður upp á tilboð alla helgina í tilefni Svarta föstudags, frá föstudegi og til miðnættis á mánudag. „Þar erum við með afslátt af öllum vörunum okkar. Um er að ræða 7% afslátt ef keypt er eitt stykki og 10% afslátt ef keypt eru tvö eða fleiri. Því er um að gera að nota tækifærið og klára bara allar jólagjafirnar á einu bretti. Það er alltaf gaman að sjá fólk gera stórar pantanir á þessum tilboðsdögum og koma svo og sækja til okkar alveg í skýjunum að vera bara búin að klára allar jólagjafirnar á einu bretti.“

Það verður sífellt vinsælla að sjá afa og ömmur kaupa Óskaskrín fyrir öll barnabörnin sín. „Þetta finnst okkur sérstaklega skemmtilegt. Þá er t.d. vinsælt að kaupa Bröns fyrir tvo fyrir allan hópinn og jafnvel barnabörnin líka. Svo fer allur hópurinn saman á nýju ári og býr til ógleymanlegar minningar með ömmu og afa í skemmtilegum bröns. Þarna er verið að gefa eitthvað sem nýtist öllum og allir hafa gaman af. Okkur þykir mjög vænt um að heyra svona sögur frá fólki sem kemur til okkar að sækja Óskaskrínin.“