Þetta var aðeins annað tap jamaíska landsliðsins undir stjórn Heimis á árinu en hitt tapið kom á móti því bandaríska í mars. Strákarnir hans Heimis höfðu unnið þrjá síðustu leiki sína fyrir þessa keppni.
Eina mark leiksins skoraði Gerardo Arteaga á 69. mínútu með skoti frá vítateigslínunni.
Golazo 100% creado en Monterrey 💥 pic.twitter.com/LHOQNMyPN2
— CONMEBOL Copa América™️ (@CopaAmerica) June 23, 2024
Jamaíka hélt reyndar að liðið hefði komist yfir tæpum tuttugu mínútum áður þegar Michail Antonio skallaði boltann í markið af löngu færi en myndbandsdómararnir dæmdu markið af vegna rangstöðu.
Mexíkó vann vissulega leikinn en varð fyrir áfalli þegar fyrirliði Edson Álvarez fór meiddur af velli. Álvarez lagðist skyndilega í grasið eftir sprett til baka.
Þessi leikmaður West Ham hélt aftan um lærið og fór grátandi af velli. Það gæti farið að hann missi af stórum hluta af Suðurameríkukeppninni en aðeins hálftími var þarna liðinn af leiknum.
¡Ánimo, Edson! 🥺 pic.twitter.com/xeQUx18GfW
— CONMEBOL Copa América™️ (@CopaAmerica) June 23, 2024
Næsti leikur Jamaíka er á móti Ekvador en lokaleikur riðilsins er síðan á móti Venesúela.
Þetta er í þriðja sinn sem Jamaíka tekur þátt í Copa América en liðið hefur tapað öllum sjö leikjum sínum og á enn eftir að skora. Markatalan er 0-10.
Fyrsta markið og fyrsta stigið væri því sögulegt fyrir Heimi og lærisveina hans sem eru mögulega búnir með erfiðasta mótherjann í riðlinum.
Mexico’s captain Edson Alvarez in tears after a non-contact injury in his first-ever Copa America game.
— All Fútbol MX 🇲🇽 (@AllFutbolMX) June 23, 2024
Life is not fair. 💔😢 pic.twitter.com/D2YKyYlEW9