Lífið

For­setinn í alls konar stellingum á Nesinu

Svava Marín Óskarsdóttir skrifar
Forsetjahjónin
Forsetjahjónin Silla Páls

Guðni Th. Jóhannesson og Eliza Reid forsetahjón fögnuðu með íbúum Seltjarnarnesbæjar á fimmtíu ára kaupstaðarafmæli bæjarins á dögunum. Hjónin vörðu öllum deginum á Nesinu enda um stór tímamót að ræða og frábær stemning í bænum.

„Við höfum aldrei nokkru sinni séð svona mikinn fjölda saman kominn á torginu. Troðfullt af fólki á öllum hæðum torgsins að fylgjast með og allir í hátíðarskapi og virtust skemmta sér svo vel enda kannski ekki annað hægt þegar að allar þessar stórstjörnur sem við eigum hér á Seltjarnarnesi koma saman til að heiðra forsetahjónin, afmæli bæjarins og bæjarbúa alla,“ segir María Björk Óskarsdóttir, sviðsstjóri hjá Seltjarnarnesbæ og skipuleggjandi fimmtíu ára afmælisins í samtali við Vísi.

María Björk segir að dagurinn í heild sinni hafi heppnast vel. Hápunktur dagsins hafi verið hátíðin á Eiðistorgi, þar sem fremstu tónlistarmenn landsins stigu á stokk og skemmtu gestum. 

Um fimm þúsund manns mættu á viðburðinn sem jafnast á við heildaríbúafjölda Seltjarnarnesbæjar. Silla Páls ljósmyndari fangaði stemninguna meðal gesta sem er nánast á áþreifanleg.

Veislustjórn var í höndum Evu Maríu en Jón Jónsson fékk bæjarbúa til að syngja.Silla Páls
Tónlistarhjónin Tina Dickow og Helgi Hrafn Jónsson tóku lagið.Silla Páls
Jóhann var frábær og kom fram með Selkórnum og söng lögin sín Seltjarnarnes og Gróttulagið „Við stöndum saman“ Silla Páls
Bubbi Morthens og Hrafnhildur voru glæsileg á hátíðinni.Silla Páls
Silla Páls
Jón Jónsson og dásamlegi ungi söngkórinn stóðu sig vel.Silla Páls
Forsetahjónin byrjuðu daginn í heita pottinum í Sundlaug Seltjarnarness.Silla Páls
Karnivalganga frá Mýró að Való.Silla Páls
Karnivalganga með grunnskólabörnum á Seltjarnarnesi, gengið í mikilli stemningu frá Mýrarhúsaskóla að Valhúsaskóla.Silla Páls
Fjöldi fólks og mikil stemning á Eiðistorgi.Silla Páls
Forsetinn er með gott jafnvægi.Silla Páls
Flottir dansnemendur sýndu brot úr Coppéliu.Silla Páls
Silla Páls
Forseti Íslands Guðni Th. Jóhannesson og Eliza Reid forsetafrú.Silla Páls
Forsetahjónin fengu falleg kort frá leikskólabörnunum - þau eru með hlutverk forseta á hreinu.Silla Páls
Stólaleikfimi á Seltjörn hjúkrunarheimilinu.Silla Páls
Á leið í helsta kennileiti Seltjarnarness, Gróttuvita. Silla Páls
Magnús Erlendsson heiðraður en hann var í fyrstu bæjarstjórn Seltjarnarnesbæjar 1974-1978 til viðbótar við langan sveitar- og bæjarstjórnarferil. Silla Páls
Glæsilegt úrval í Elley góðgerðarversluninni skoðað. Silla Páls
Forseti Íslands stóðst ekki mátið að taka víti á handboltaæfingu hjá Gróttu. Silla Páls
Seltjarnarnes Tónlist Tímamót Forseti Íslands Guðni Th. Jóhannesson


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.