Ó­metan­legt að hafa sagt frá átröskuninni

„Ég hef alltaf verið stuðningsmaður þess að vekja athygli á hættum átröskunar og opna umræðuna svo að fólk geti skilið aðstæður þeirra sem glíma við sjúkdóminn, svo enginn þurfi að þjást í þögn eða skömm.“

Collins er 36 ára gömul og fór með aðalhlutverk í átakanlegu kvikmyndinni To The Bone árið 2017 þar sem hún leikur konu sem glímir við anorexíu. 

Hún er sömuleiðis dugleg að vekja athygli á samtökunum National Eating Disorders Association sem hún segir bjarga lífum daglega.

Collins segir að það hafi ekki einungis hjálpað sér sjálfri að ræða opinskátt um eigin veikindi heldur líka öðrum í svipuðum aðstæðum.

„Bataferlið er ólíkt fyrir hvern og einn og þetta er ferli sem er stöðugt í gangi. 

Með hjálp fagaðila hef ég náð miklum bata og náð að tengja við aðra sem eru að ganga í gegnum svipaðar aðstæður. Þannig verður maður minna einn í þessu.

Að tala opinskátt um mína átröskunarsögu var og er eitt af því erfiðasta en á sama tíma mest gefandi sem ég hef gert í lífinu,“ segir Collins og bætir við: „Ef það hjálpar þó það sé ekki nema einhverjum einum þegar ég ræði um þetta þá er það algjörlega ómetanlegt.“