„Svona geta höfundar verið kvikindislegir“ Forlagið 14. nóvember 2023 10:42 „Þegar ég lýk við eina bók er ég yfirleitt byrjuð að velta þeirri næstu fyrir mér. Eitthvað verð ég að hugsa um á meðan ég naga neglur og bíð eftir handriti úr yfirlestri." Jónína Leísdóttir sendir nú frá sér sína áttundu glæpasögu. Elsa B Magnúsdóttir Drottning kósíkrimmanna, Jónína Leósdóttir, hefur sent frá sér þriðju bókina kennda við Sáló ehf. ,þar sem þau Adam og Soffía leysa snúin sakamál. Þvingun er áttunda glæpasaga Jónínu, en margir þekkja sögur hennar um Eddu á Birkimelnum sem slógu gjörsamlega í gegn. Glæpasögur Jónínu eru spennandi, vel fléttaðar, hlýlegar og fullar af stórskemmtilegum persónum og ískrandi húmor. Sálfræðingurinn Adam er enn eina ferðina lentur í klónum á fyrrverandi eiginkonu sinni, sem vill að hann hjálpi henni að leysa sakamál. Og þegar Soffía hjá rannsóknarlögreglunni hefur bitið eitthvað í sig, duga aldeilis engar mótbárur. „Ég legg alltaf upp með að skapa persónur sem búa yfir bæði jákvæðum og neikvæðum eiginleikum, enginn er jú alvondur eða algjör engill,“ segir Jónína. „Adam er ljúflingur og gæðablóð en líka svo sérvitur og vanafastur að það er nánast sjúklegt. Soffía er aftur á móti dugnaðarforkur og hörkutól sem allir vildu hafa í sínu liði ef eitthvað amaði að en væru ekki endilega spenntir fyrir að búa með. Það kemur því ekkert á óvart að hjónaband Adams og Soffíu gekk ekki upp en einmitt þess vegna fannst mér gaman að skikka þau til að vinna saman að lausn sakamála undir miklu álagi og með gömul ágreiningsefni kraumandi undir yfirborðinu. Svona geta höfundar verið kvikindislegir.“ Margslungið morðmál Án þess að spilla of miklu fyrir lesendum þá finnst maður myrtur í sumarbústað við Laugarvatn og sú sem kemur að honum er Magga, dóttir Adams og Soffíu. Mál fara enn að flækjast þegar í ljós kemur að einn skjólstæðingur Adams hefur fundið hótunarbréf sem tengist málinu. Upp úr dúrnum kemur að ýmsir hafa fengið afar ógeðfelld, nafnlaus hótunarbréf og grunsemdir beinast að ákveðnum vinnustað í Reykjavík. Málið reynist því talsvert margslungnara en sýnist í fyrstu. Fleira hvílir á herðum Adams, sem á heilabilaða, aldraða móður í Englandi og svo er það leyndarmálið sem hann gætir eins og sjáaldurs augna sinna: Glamúrgellan Jenný sem gjarnan skýtur upp kollinum á álagstímum og setur líf hins prúða og reglufasta Adams í uppnám. Þá hefur því verið fleygt að í bókinni sé leynigestur sem eigi eftir að gleðja aðdáendur svo um munar. „Já, ég stóðst ekki mátið að láta Adam og Soffíu rekast á Eddu, vinkonu mína á Birkimelnum, þegar þau eru að rannsaka morðmál í nýju bókinni. Edda er þó alls ekki í aðalhlutverki. Hún fær bara rétt aðeins að stinga inn nefinu, forvitnast og reyna að stjórna hlutum sem ekki eru í hennar verkahring, eins og hennar er von og vísa.“ Leiddist seint út á glæpabrautina Jónína á langan og farsælan feril að baki og hefur skrifað á þriðja tug bóka, þar á meðal vinsælar unglingabækur.Nú er hún stödd í miðjum glæpasögufasa sem sér ekki fyrir endann á. „Ég hafði skrifað þrettán bækur af ýmsum toga áður en ég leiddist út á glæpabrautina og nú eru glæpasögurnar allt í einu orðnar átta. Ég er enn í þeim gír og held ekki fram hjá krimmunum á meðan. En það gæti alveg breyst. Þegar ég lýk við eina bók er ég yfirleitt byrjuð að velta þeirri næstu fyrir mér. Eitthvað verð ég að hugsa um á meðan ég naga neglur og bíð eftir handriti úr yfirlestri hjá ritstjóra eða eftir umsögnum frá öðrum yfirlesurum sem eru mér innan handar. Þótt Þvingun sé tuttugusta og fyrsta bókin mín er ég nefnilega alltaf óviss um viðbrögð við handritunum, þetta venst aldrei. Svo það er hentugt að hafa eitthvað til að pæla í þegar tómarúm skapast – ekki síst þar sem meðganga hverrar bókar er löng og ég byrja ekki að skrifa fyrr en mörgum mánuðum eftir að fyrsta hugmynd kviknar,“ segir Jónína. Vill ekki jólagjafir en gefur sjálf bækur „Ég gef helst alltaf bækur, hvort sem það er á afmælum, jólum eða við önnur tilefni. Og þar sem ég biðst undan því að fá jólagjafir, manneskja sem á allt, kaupi ég mér sjálf bækur fyrir jólin. Seinna læt ég þær svo ganga þannig að aðrir geti einnig notið þeirra,“ segir Jónína að lokum. Bókaútgáfa Menning Bókmenntir Jól Mest lesið Brynja og Þórhallur kveðja Nýlendugötuna Lífið „Spurði hversu mörgum stelpum hann væri búin að senda þessa línu“ Makamál Fjölmennt í framboðsteiti Arnars Þórs í Iðnó Lífið „Það var alltaf draumur hjá honum að heimsækja Ísland aftur“ Lífið 23 hvolpar á heimili í Þorlákshöfn Lífið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira
Glæpasögur Jónínu eru spennandi, vel fléttaðar, hlýlegar og fullar af stórskemmtilegum persónum og ískrandi húmor. Sálfræðingurinn Adam er enn eina ferðina lentur í klónum á fyrrverandi eiginkonu sinni, sem vill að hann hjálpi henni að leysa sakamál. Og þegar Soffía hjá rannsóknarlögreglunni hefur bitið eitthvað í sig, duga aldeilis engar mótbárur. „Ég legg alltaf upp með að skapa persónur sem búa yfir bæði jákvæðum og neikvæðum eiginleikum, enginn er jú alvondur eða algjör engill,“ segir Jónína. „Adam er ljúflingur og gæðablóð en líka svo sérvitur og vanafastur að það er nánast sjúklegt. Soffía er aftur á móti dugnaðarforkur og hörkutól sem allir vildu hafa í sínu liði ef eitthvað amaði að en væru ekki endilega spenntir fyrir að búa með. Það kemur því ekkert á óvart að hjónaband Adams og Soffíu gekk ekki upp en einmitt þess vegna fannst mér gaman að skikka þau til að vinna saman að lausn sakamála undir miklu álagi og með gömul ágreiningsefni kraumandi undir yfirborðinu. Svona geta höfundar verið kvikindislegir.“ Margslungið morðmál Án þess að spilla of miklu fyrir lesendum þá finnst maður myrtur í sumarbústað við Laugarvatn og sú sem kemur að honum er Magga, dóttir Adams og Soffíu. Mál fara enn að flækjast þegar í ljós kemur að einn skjólstæðingur Adams hefur fundið hótunarbréf sem tengist málinu. Upp úr dúrnum kemur að ýmsir hafa fengið afar ógeðfelld, nafnlaus hótunarbréf og grunsemdir beinast að ákveðnum vinnustað í Reykjavík. Málið reynist því talsvert margslungnara en sýnist í fyrstu. Fleira hvílir á herðum Adams, sem á heilabilaða, aldraða móður í Englandi og svo er það leyndarmálið sem hann gætir eins og sjáaldurs augna sinna: Glamúrgellan Jenný sem gjarnan skýtur upp kollinum á álagstímum og setur líf hins prúða og reglufasta Adams í uppnám. Þá hefur því verið fleygt að í bókinni sé leynigestur sem eigi eftir að gleðja aðdáendur svo um munar. „Já, ég stóðst ekki mátið að láta Adam og Soffíu rekast á Eddu, vinkonu mína á Birkimelnum, þegar þau eru að rannsaka morðmál í nýju bókinni. Edda er þó alls ekki í aðalhlutverki. Hún fær bara rétt aðeins að stinga inn nefinu, forvitnast og reyna að stjórna hlutum sem ekki eru í hennar verkahring, eins og hennar er von og vísa.“ Leiddist seint út á glæpabrautina Jónína á langan og farsælan feril að baki og hefur skrifað á þriðja tug bóka, þar á meðal vinsælar unglingabækur.Nú er hún stödd í miðjum glæpasögufasa sem sér ekki fyrir endann á. „Ég hafði skrifað þrettán bækur af ýmsum toga áður en ég leiddist út á glæpabrautina og nú eru glæpasögurnar allt í einu orðnar átta. Ég er enn í þeim gír og held ekki fram hjá krimmunum á meðan. En það gæti alveg breyst. Þegar ég lýk við eina bók er ég yfirleitt byrjuð að velta þeirri næstu fyrir mér. Eitthvað verð ég að hugsa um á meðan ég naga neglur og bíð eftir handriti úr yfirlestri hjá ritstjóra eða eftir umsögnum frá öðrum yfirlesurum sem eru mér innan handar. Þótt Þvingun sé tuttugusta og fyrsta bókin mín er ég nefnilega alltaf óviss um viðbrögð við handritunum, þetta venst aldrei. Svo það er hentugt að hafa eitthvað til að pæla í þegar tómarúm skapast – ekki síst þar sem meðganga hverrar bókar er löng og ég byrja ekki að skrifa fyrr en mörgum mánuðum eftir að fyrsta hugmynd kviknar,“ segir Jónína. Vill ekki jólagjafir en gefur sjálf bækur „Ég gef helst alltaf bækur, hvort sem það er á afmælum, jólum eða við önnur tilefni. Og þar sem ég biðst undan því að fá jólagjafir, manneskja sem á allt, kaupi ég mér sjálf bækur fyrir jólin. Seinna læt ég þær svo ganga þannig að aðrir geti einnig notið þeirra,“ segir Jónína að lokum.
Bókaútgáfa Menning Bókmenntir Jól Mest lesið Brynja og Þórhallur kveðja Nýlendugötuna Lífið „Spurði hversu mörgum stelpum hann væri búin að senda þessa línu“ Makamál Fjölmennt í framboðsteiti Arnars Þórs í Iðnó Lífið „Það var alltaf draumur hjá honum að heimsækja Ísland aftur“ Lífið 23 hvolpar á heimili í Þorlákshöfn Lífið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira