Bíó og sjónvarp

Þórður leik­stýrir kvik­myndaút­gáfu Dead by Daylight

Freyja Þórisdóttir skrifar
Fyrsta kvikmynd Þórðar í fullri lengd, Hin fordæmdu, var frumsýnd í janúar 2025. Hún fjallar um konu á 19. öld sem stendur frammi fyrir erfiðu vali þegar skip ferst og hún þarf að ákveða hvort hún ætli að bjarga skipsbrotsmönnunum eða halda í þær birgðir sem hún og hennar fólk þarf til að hafa veturinn af.
Fyrsta kvikmynd Þórðar í fullri lengd, Hin fordæmdu, var frumsýnd í janúar 2025. Hún fjallar um konu á 19. öld sem stendur frammi fyrir erfiðu vali þegar skip ferst og hún þarf að ákveða hvort hún ætli að bjarga skipsbrotsmönnunum eða halda í þær birgðir sem hún og hennar fólk þarf til að hafa veturinn af. Facebook/Þórður Pálsson

Leikstjórinn Þórður Pálsson hefur verið fenginn til liðs við teymi sem vinnur nú að kvikmynd sem byggð er á hrollvekju- og spennuleiknum Dead by Daylight. Hann vakti víða athygli fyrir hrollvekjuna „Hin fordæmdu“ (á ensku The Damned) sem var frumsýnd í janúar 2025. Hann hefur einnig skapað og leikstýrt fyrstu íslensku Netflix Original þáttaröðinni „Brot“ (á ensku The Valhalla Murders) sem var frumsýnd á streymisveitunni árið 2020.

Bandaríska framleiðslufyrirtækið Blumhouse Atomic Monster, sem er þekkt fyrir hryllingsmyndir á borð við Split, Get Out og Paranormal Activity myndaseríuna stendur að bak verkefninu ásamt kanadíska töluvleikjaframleiðandanum Behaviour Interactive.

Ásamt því að vinna að kvikmyndinni vinnur Þórður Pálsson nú að fjögurra þátta smáseríu, „Avalanche“, sem fjallar um veðurfræðing sem snýr aftur til þorpsins síns til að vara við yfirvofandi hamförum.

„Það er engin betri stund en tíu ára afmælið til að deila þessum fréttum. Þórður er kvikmyndagerðarmaðurinn sem við treystum til að færa ‚Dead by Daylight‘ af skjánum sem þú spilar á yfir á hvíta tjaldið sem þú horfir á í kvikmyndahúsum,“ er haft eftir Jason Blum, stofnanda og forstjóra Blumhouse Atomic Monster í frétt bandaríska miðilsins Variety.

Meðal tekjuhæstu stórmyndanna

Í hverri umferð leiksins „Dead by Daylight“ eru fimm spilarar, þar af fjórir sem leika eftirlifendur á meðan sá fimmti er morðinginn. Verkefni eftirlifendanna er að forðast að nást á meðan þeir ljúka verkefnum sem gera þeim kleift að flýja, og verkefni morðingjans er að stöðva þá. 

Þótt áður fyrr hafi verið litið á slíkar kvikmyndir sem brandara í Hollywood hafa kvikmyndaútgáfur tölvuleikja orðið einhver arðbærustu verkefni í kvikmyndagerð en „A Minecraft Movie“ og „The Super Mario Bros. Movie“ voru meðal tekjuhæstu stórmynda sinna ára og skiluðu um 120 milljörðum og 160 milljörðum íslenskra króna. 

Bíó og sjónvarp Leikjavísir Íslendingar erlendis

Tengdar fréttir

Vestfirski hryllingurinn: „Þetta er það erfiðasta sem ég hef gert“

Þórður Pálsson, leikstjóri íslenska hrollvekjudramans The Damned, segir vetrartökur á Vestfjörðum vera það erfiðasta sem hann hafi gert um ævina. Svo lítið skjól hafi verið af leikbúningunum að glamrað hafi í tönnum leikaranna sem gátu varla talað fyrir kulda. Myndin hefur fengið það góðar viðtökur í Bandaríkjunum að kvikmyndafyrirtækið A24 var fljótt að kalla Þórð á sinn fund.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.