Fótbolti

Landsliðsþjálfari hafði ekki kvatt með sigri í 34 ár

Óskar Ófeigur Jónsson skrifar
Arnar Þór Viðarsson er eini landsliðþjálfari karlaliðs Íslands í þrjá áratugi sem hefur kvatt með sigri.
Arnar Þór Viðarsson er eini landsliðþjálfari karlaliðs Íslands í þrjá áratugi sem hefur kvatt með sigri. Getty/Cristian Preda

Arnar Þór Viðarsson vann sinn síðasta leik sem landsliðsþjálfari og það hefur enginn annar gert á þessari öld.

Arnar tók pokann sinn í gær en síðasti leikur hans var 7-0 sigur Liechtenstein í undankeppni EM.

Arnar endaði því bæði landsliðsferil sinn sem leikmaður og sem þjálfari á útileik í Liechtenstein. Síðasti leikurinn sem leikmaður endaði þó með 3-0 tapi í október 2007 sem jafnframt var síðasti leikur Eyjólfs Sverrissonar sem landsliðsþjálfara.

Það er allt annað en algengt að íslenskur landsliðsþjálfari endi á sigri. Í raun þarf að fara allt til ársins 1989 til að finna landsliðsþjálfara sem kvaddi með sigri.

Í því tilfelli var ekki um fastráðinn landsliðsþjálfara að ræða heldur stýrði Guðni Kjartansson íslenska liðinu í einum leik eftir að Sigfried Held hætti og tók við tyrkneska félaginu Galatasaray.

Ísland vann 2-1 sigur á Tyrklandi í þessum eina leik Guðna, sem hafði áður þjálfað íslenska liðinu á árunum 1980 til 1989.

Pétur Pétursson hafði verið út í kuldanum hjá Held en skoraði bæði mörk íslenska liðsins í leiknum. Þetta var líka 45. og síðasta landsleikurinn hjá Ásgeiri Sigurvinssyni.

Bo Johansson tók við landsliðinu og hann endaði með markalausu jafntefli á móti Dönum.

Allir landsliðsþjálfarar síðan þá nema einn (Logi Ólafsson marklaust jafntefli 1997) höfðu hins vegar endað með því að tapa síðasta leiknum eins og sjá má á töflunni hér fyrir neðan.

  • Síðasti leikur síðustu landsliðsþjálfara Íslands:
  • Arnór Þór Viðarsson: 7-0 sigur á Liechtenstein
  • Erik Hamrén: 4-0 tap fyrir Englandi
  • Heimir Hallgrímsson: 2-1 tap fyrir Króatíu á HM
  • Lars Lagerbäck: 5-2 tap fyrir Frakklandi á EM
  • Ólafur Davíð Jóhannesson: 5-3 tap fyrir Portúgal
  • Eyjólfur Sverrisson: 3-0 tap fyrir Liechtenstein
  • Ásgeir Sigurvinsson og Logi Ólafsson: 3-1 tap fyirr Svíþjóð
  • Atli Eðvaldsson: 3-0 tap fyrir Finnlandi
  • Guðjón Þórðarson: 3-2 tap fyrir Frakklandi
  • Logi Ólafsson: 0-0 jafntefli við Litháen
  • Ásgeir Elíasson: 1-0 tap fyrir Ungverjalandi
  • Bo Johansson: 0-0 jafntefli við Danmörk
  • Guðni Kjartansson: 2-0 sigur á Tyrklandi
  • Sigfried Held: 3-0 tap fyrir Austur-Þýskalandi
  • Tony Knapp: 2-1 tap fyrir Spáni
  • Jóhannes Atlason: 3-0 tap fyrir Írlandi
  • Guðni Kjartansson: 0-0 jafntefli við Kúvæt
  • Yuriy Ilyichov: 2-0 tao fyrir Póllandi
  • Tony Knapp: 2-0 tap fyrir Norður-Írlandi
  • Henning Enoksen: 8-1 tap fyrir Hollandi



Fleiri fréttir

Sjá meira


×