Scott McTominay skoraði tvö mörk fyrir skota seint í leiknum eftir að John McGinn hafði komið liðinu yfir um miðjan fyrri hálfleikinn.

Liðin leika í A-riðli undankeppninnar og var þetta fyrsti leikur riðilsins. Norðmenn og Spánverjar, sem einnig leika í A-riðli, mætast svo síðar í kvöld.

Þá unnu Svisslendingar vægast sagt öruggan sigur gegn Hvít-Rússum í I-riðli þar sem Renato Steffen gerði sér lítið fyrir og skoraði þrennu í fyrri hálfleik. Granit Xhaka og Zeki Amdouni bættu svo sínu markinu hvor við fyrir Svisslendinga í síðari hálfleik og niðurstaðan varð öruggur 0-5 sigur Sviss.

Þá gerðu Ísrael og Kósovó 1-1 jafntefli í sama riðli og í D-riðli unnu Tyrkir 1-2 sigur gegn Armenum.