Áfram norðlæg átt og frost að tíu stigum

Atli Ísleifsson skrifar 9. mars 2023 07:06

Ferðamenn búa sig undir að kafa í Silfru á Þingvöllum. Vísir/Vilhelm

Norðlægar áttir verða ríkjandi á landinu næstu daga og má reikna með norðan og norðaustan átta til fimmtán metrum á sekúndu í dag. Búist er við éljum fyrir norðan og austan en úrkomulítið sunnan heiða.

Frá þessu segir á vef Veðurstofunnar. Þar kemur fram frost verði yfirleitt á bilinu þrjú til tíu stig.

Veðurstofan spáir að það verði heldur kaldara á morgun með norðlægri átt, fimm til þrettán metrar á sekúndu, en heldur hvassara suðaustantil. Áfram er búist við éljum norðan- og austantil en bjart að mestu um sunnanvert landið.

Útlit fyrir helgina og næstu viku er mjög svipað, norðlægar áttir, él á norðanverðu landinu en úrkomulítið sunnantil og kalt í veðri.

Veðurhorfur á landinu næstu daga

Á föstudag, laugardag og sunnudag: Norðan 5-13 m/s. Dálítil él á norðanverðu landinu, en yfirleitt léttskýjað sunnantil. Frost víða á bilinu 7 til 15 stig.

Á mánudag: Norðlæg átt 8-15 og víða él en bjart með köflum sunnan heiða. Kalt í veðri.

Á þriðjudag: Norðaustan- og norðanátt og dálítil él í flestum landshlutum en bjart með köflum á Suðvesturlandi. Frost 4 til 12 stig.

Á miðvikudag: Útlit fyrir norðlæga átt með snjókomu á Norður- og Austurlandi en þurrt að kalla suðvestantil. Talsvert frost um allt land.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.