Veður

Stormur á Norðurlandi og varað við grjóthruni

Ólafur Björn Sverrisson skrifar
Draga á úr vindi eftir hádegi, en hvessa aftur norðvestanlands í kvöld og nótt.
Draga á úr vindi eftir hádegi, en hvessa aftur norðvestanlands í kvöld og nótt. vísir/vilhelm

Í dag er spáð sunnan hvassviðri og stormi norðvestantil á andinu, einkum á Snæfellsnesi og Vestfjörðum framan af degi. Vegagerðin varar við grjóthruni og brotholum á vegum.

Í athugasemd veðurfræðings á vef Veðurstofunnar segir að hviður geti náð allt að 35 metrum á sekúndu í vindastrengjum við fjöll. Slíkt geti verið varasamt ökutækjum sem séu viðkvæm fyrir vindum. 

Draga á úr vindi í dag en hvessa aftur norðan- og vestanlands í kvöld og nótt. 

Vegagerðin varar við því að talsvert grjót hrynji annað slagið innan úr Hamarsgati á Súðavíkurhlíð. Eru vegfarendur beðnir um að aka með gát. Tekið er fram að hálkublettir séu á flestum fjallvegum en að greiðfært sé mað mestu á láglendi. Dynjandisheiði er lokuð vegna mikillar hálku á veginum.

Á Reykhólum er varað við brotholum í vegum á svæðinu og eru vegfarendur því beðnir um að aka með gát. 

Horfur næsta sólarhringinn

Sunnan og suðaustan 15-23 m/s, hvassast um norðvestanvert landið, en mun hægari fyrir austan. Víða súld eða dálítil rigning, en bjartviðri norðaustanlands. Dregur úr vindi eftir hádegi, en hvessir aftur norðvestanlands í kvöld og nótt.

Suðlæg átt, 8-15 m/s og súld eða rigning öðru hvoru á morgun, en þurrt á Norður- og Austurlandi.

Hiti 3 til 10 stig, mildast nyrst.

Veður Vegagerð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið