Innlent

Fé­lags­dómur úr­skurðar í dag

Sigurður Orri Kristjánsson skrifar
Halldór Benjamín Þorbergsson
Halldór Benjamín Þorbergsson Vísir/Egill

Félagsdómur mun klukkan 14:30 í dag úrskurða um lögmæti verkfallsboðunar Eflingarfólks sem starfar hjá Íslandshótelum. Að öllu óbreyttu hefst verkfallið á hádegi á morgun, þriðjudag.

Samtök atvinnulífsins telja að verkfallið standist ekki lög og að ekki megi hefja verkfallsaðgerðir fyrr en félagsfólk Eflingar hefur í atkvæðagreiðslu fellt eða samþykkt miðlunartillögu Ríkissáttasemjara. Þessu hefur forsvarsfólk Eflingar hafnað og Sólveig Anna Jónsdóttir, formaður félagsins, hefur látið hafa eftir sér að hún sé bjartsýn á að Efling hafi betur í báðum málum. 

Ríkissáttasemjari hefur ekki enn fengið kjörskrá Eflingar afhenta svo hægt sé að greiða atkvæði um miðlunartillöguna. Það mál liggur fyrir Héraðsdómi en ekki er endilega búist við úrskurði í því máli í dag. Vonir standa þó til þess að það verði síðar í vikunni. Ef sá úrskurður fellur Ríkissáttasemjara í hag mun Efling áfrýja. 

Þá stendur yfir atkvæðagreiðsla atvinnubílstjóra og starfsfólks á nokkrum öðrum hótelkeðjum um verkfallsboðun. Þeirri atkvæðagreiðslu lýkur á morgun klukkan 18:00. 

Fréttin var uppfærð eftir að dagskrá Félagsdóms var breytt og úrskurðurinn í málinu settur á dagskrá klukkan 14:30. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×