Óvissustigi Almannavarna hefur verið aflýst.Vísir/Vilhelm
Ríkislögreglustjóri í samráði við lögreglustjórana á Vestfjörðum, Norðurlandi vestra, Norðurlandi eystra aflýsir óvissustigi Almannavarna í fyrrgreindum umdæmum, vegna veðurs sem gekk yfir í dag.
Þetta kemur fram í fréttatilkynningu frá Almannavörnum.
„Appelsínugular viðvaranir Veðurstofunnar hafa verið teknar af en gular viðvaranir eru í gildi víða um land.
Samhæfingarstöð Almannavarna hefur lokið störfum en vegfarendur eru áfram beðnir að fara varlega þar sem áfram má búast við vindkviðum,“ segir í tilkynningunni.
Þá kemur þar fram að Veðurstofan hafi einnig aflýst óvissustigi sínu vegna snjóflóðahættu á sunnanverðum Vestfjörðum. Eins er minnt á að á umferdin.is er hægt að fylgjast með rauntímaupplýsingum um færð á vegum og að vefur Veðurstofunnar hafi að geyma allar helstu veðurupplýsingar.
Ríkislögreglustjóri hefur í samráði við lögreglustjórana á Vestfjörðum, Norðurlandi vestra, Norðurlandi eystra ákveðið að lýsa yfir óvissustigi almannavarna í fyrrgreindum umdæmum, vegna veðurs sem er framundan.
Óvissustig Almannavarna er í gildi á Vestfjörðum og Norðurlandi vegna veðurs en spár um aftakaveður virðast ætla að ganga eftir. Gert er ráð fyrir hviðum allt að 50 metrum á sekúndu og segir sviðsstjóri Almannavarna nauðsynlegt að fólk haldi sig heima á meðan versta veðrið gengur yfir. Á Vestfjörðum er hætta á ofanflóðum en bæjarstjóri segir þau viðbúin eftir flóðin í janúar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
