Erlent

Biden biður fólk um að halda ró sinni

Gunnar Reynir Valþórsson skrifar
Minningarathafnir hafa verið haldnar um Tyre Nichols sem lögreglumenn börðu til dauða. 
Minningarathafnir hafa verið haldnar um Tyre Nichols sem lögreglumenn börðu til dauða.  AP Photo/Gerald Herbert

Joe Biden Bandaríkjaforseti hvetur fólk í Tennessee ríki til að halda ró sinni en þar ríkir mikil reiði eftir að fimm lögreglumenn í Memphis börðu tuttugu og níu ára gamlan mann til dauða.

Búist er við því að myndband af atvikinu verði gert opinbert síðar í dag og óttast yfirvöld að þá sjóði upp úr og hefur viðbúnaður lögreglu veið aukinn til muna. Lögfræðingur fjölskyldu hins látna, sem hét Tyre Nichols, segir að mynbandið sýni svart á hvítu barsmíðarnar sem Nichols varð fyrir en eftir handtökuna var hann spreyjaður með piparúða, handjárnaður, skotinn með rafbyssu og laminn og barinn.

Nichols, sem er svartur, var stöðvaður af lögreglu fyrir ógætilegan akstur í Memphis fyrr í mánuðinum. Árás lögreglumannanna, sem einnig eru allir svartir, stóð yfir í um þrjár mínútur, að sögn Guardian. Nichols lést af áverkum sínum á sjúkrahúsi þremur dögum eftir árásina.

Lögreglumennirnir fimm gætu átt allt að sextíu ára fangelsi yfir höfði sér. Biden forseti hvatti almenning til að mótmæla á friðsaman hátt, reiði fólksins sé skiljanleg, en ofbeldi sé aldrei ásættanlegt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×