Fótbolti

Manchester United á toppinn eftir stórsigur

Smári Jökull Jónsson skrifar
Leikmenn United fagna einu marka sinna í dag.
Leikmenn United fagna einu marka sinna í dag. Vísir/Getty

Manchester United vann 5-0 sigur á Aston Villa í ensku úrvalsdeildinni í knattspyrnu í dag fyrir framan rúmlega 30.000 manns á Old Trafford.

Það var mikil stemmning á Old Trafford í dag enda rúmlega 30.000 manns á pöllunum. Fyrir leikinn átti lið United möguleika á að tylla sér í toppsæti deildarinnar en þær voru í þriðja sæti, þremur stigum á eftir Chelsea.

Og það var aldrei spurning hvort liðið færi með sigur af hólmi í dag. Leikmenn United mættu ákveðnir til leiks og á 13.mínútu leiksins kom Katie Zelem liðinu yfir þegar hún skoraði á fjærstönginni. Á 28.mínútu skoraði svo Leah Galton annað mark United eftir sendingu frá Ella Toone og staðan í hálfleik var 2-0 fyrir Manchester Untited.

Eftir hlé bættu leikmenn United svo enn frekar við forystuna. Enska landsliðskonan Alessia Russo skoraði á 51.mínútu og Ona Batlle skoraði frábært mark á 76.mínútu. Varamaðurinn Rachel Williams setti svo punktinn yfir i-ið þegar hún skoraði fimmta markið undir lokin. Stórsigur United staðreynd og efsta sæti deildarinnar þeirra.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.