Hafa miklar áhyggjur af ökkla Kane - fer í myndatöku í dag

Hinn 29 ára gamli Kane var tekinn af velli fjórtán mínútum fyrir leikslok á móti Íran eftir að hafa lenti í harðri tæklingu frá Írananum Morteza Pouraliganji.

Kane yfirgaf leikvanginn eftir leik með umbúðir á hægri ökklanum.

Erlendir miðlar segja frá því að Kane þurfi að fara í myndatöku í dag. Ekki er ljóst hvort um varúðarráðstöfun sé að ræða eða hvort að Kane sé svona slæmur í ökklanum. Myndatakan sýnir þó að enskir hafa miklar áhyggjur af ökkla Kane.

Það sem gerir menn svo áhyggjusama yfir þessum meiðslum er að Kane á að baki erfiðleika með ökklana sína en hann meiddist bæði 2018 og 2019.

Kane skoraði ekki í 6-2 sigrinum en lagði upp tvö mörk fyrir liðsfélaga sína.

Hann hefur skorað 51 mark í 76 landsleikjum og þarf tvö mörk til að jafna markamet Wayne Rooney. Kane varð markakóngur síðasta heimsmeistaramóts.

Það er smá vesen á fleiri enskum leikmönnum. James Maddison er enn frá æfingum og Harry Maguire glímir við veikindi.