Menning

„Heiðarlegur viðburður sem skiptir máli“

Elísabet Hanna skrifar
Ayis Zita, sýningarstjóri Torg Listamessu í ár.
Ayis Zita, sýningarstjóri Torg Listamessu í ár. Aðsend

Stærsta listamessa landsins opnar næstkomandi föstudag á Korpúlfsstöðum og ber nafnið Torg. Þangað koma um tólf þúsund gestir á ári hverju en viðburðurinn er á vegum Sambands íslenskra myndlistarmanna, SÍM, með stuðningi Reykjavíkurborgar.

Samfélag og samtímalist

Torg listamessa fer fram yfir næstu tvær helgar.Aðsend

Í fréttatilkynningu frá Torg segir meðal annars:

„Ísland er framandi og afskekkt, með einstaka ásýnd og einstakt í háttum.

Á tímum umdeildra listhópa, óútskiptanlegra eiginda (NFT) og stórviðburða kynnum við listamannarekna listamessu, rekna á vegum samfélags listamanna sem telur 950 félaga og þar á meðal alþjóðlega listamenn sem búa og starfa á Íslandi. Hlutverk hennar eru mörg: að styðja við listiðkun í nánu samstarfi við nærsamfélag og efla tengingu þess við samtímalist. 

Þetta er ekki þetta venjulega, ekki enn eitt geggjað verkefnið, heldur heiðarlegur viðburður sem skiptir máli.“

Fimmtíu listamenn

Um fimmtíu fjölbreyttir listamenn sýna verk sín á Korpúlfsstöðum. Þar má nefna Rúrí, unga listamenn með verk á tíu metra löngum vegg og samhliða einkasýningu listamannsins Brands um eldgos.

Um 50 listamenn sýna verk sín á þessari listamannareknu Listamessu.Aðsend

Sýningarstjóri er Ayis Zita en listamessan fer fram yfir tvær helgar, 14. - 16. október og 21. - 23. október næstkomandi. 

Nánari upplýsingar má finna hér.

Torg Listamessa opnar á föstudaginn, 14. okt.Aðsend

Torg Listamessa er haldin á Korpúlfsstöðum, einni sögufrægustu byggingu Reykjavíkurborgar.Aðsend

Tengdar fréttir

Persónuleg heimildarmynd um einstakt ferðalag til Nepal

Listamaðurinn Brandur Bryndísarson Karlsson deilir ævintýralegu ferðalagi sínu til Nepal í nýfrumsýndri heimildarmynd sem ber nafnið Atomy og er eftir Loga Hilmarsson. Myndin segir frá einstöku ferðalagi Brands þegar hann fór að hitta meistara austrænna lækningafræða, Rahuk Bharti, og var frumsýnd á RIFF í gærkvöldi.






Fleiri fréttir

Sjá meira


×