Segja of snemmt að útiloka byggingu flugvallar í Hvassahrauni

Hólmfríður Gísladóttir skrifar 8. ágúst 2022 07:25

Dagur og Einar virðast samstíga í flugvallarmálum. Vísir/Vilhelm

Dagur B. Eggertsson borgarstjóri og Einar Þorsteinsson, formaður borgarráðs, segja báðir rétt að bíða eftir niðurstöðum áhættumats Veðurstofu Íslands vegna flugvallar í Hvassahrauni; of snemmt sé að útiloka þann möguleika.

Frá þessu er greint í Morgunblaðinu.

Sigurður Ingi Jóhannsson innviðaráðherra sagði á dögunum að það kæmi varla lengur til greina að byggja flugvöll í Hvassahrauni í ljósi yfirlýsinga sérfræðinga um nýtt gostímabil á Reykjanesi.

Dagur segir þennan möguleika hins vegar alls ekki úr myndinni.

„Ég tek alls ekki undir með þeim sem hafa geyst fram í þessari umræðu og sagt að allar framtíðarfjárfestingar í innviðum á Reykjanesi séu úr sögunni,“ segir borgarstjóri.

Undir þetta tekur Einar en segir hins vegar skynsamlegt að skoða einnig aðra kosti sem fyrst.

„Óháð því hvað menn vilja gera með Reykjavíkurflugvöll og þá starfsemi sem þar er þá er mikilvægt að koma upp öflugum varaflugvelli á suðvesturhorninu,“ segir hann.

Um sé að ræða tvö aðskilin mál.

Reykjavík Fréttir af flugi Eldgos og jarðhræringar Reykjavíkurflugvöllur Keflavíkurflugvöllur Borgarstjórn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.