Innlent

Sneru við til Reykja­víkur nokkrum mínútum fyrir lendingu

Tryggvi Páll Tryggvason skrifar
Þoka hefur legið yfir Eyjarfirði í morgun.
Þoka hefur legið yfir Eyjarfirði í morgun. Vísir/Tryggvi

Flugvél Icelandair á leið til Akureyrar í morgun var snúið nokkrum mínútum fyrir lendingu á Akureyri. Veðurskilyrði reyndust erfið á flugvellinum.

Sjá má á vef Flight Radar að vélin var í aðflugi að Akureyrarflugvelli og átti aðeins um tíu kílómetra eftir þegar tekin var ákvörðun um að snúa flugvélinni við og halda aftur til Reykjavíkur.

Vélin tók að hækka sig á loft á ný yfir Hrafnagili, um tíu kílómetrum frá Akureyrarflugvelli.Flight Radar

Samkvæmt upplýsingum frá Icelandair var tekin ákvörðun um að halda aftur til Reykjavíkur vegna slæmra veðurskilyrða á Akureyrarflugvelli. Fylla átti vélina af eldsneyti á Reykjavíkurflugvelli og halda aftur af stað til Akureyrar.

Nokkur þoka hefur legið yfir Eyjafirði núna í morgun.

Akureyri Fréttir af flugi Samgöngur Veður Icelandair Akureyrarflugvöllur

Mest lesið


Fleiri fréttir

Sjá meira


×

Mest lesið