Njarðvíkingar slógu Keflavík út í 32-liða úrslitum og lengi vel leit út fyrir að liðið gæti haldið bikarævintýri sínu áfram

Markalaust var að loknum fyrri hálfleik og það var ekki fyrr en að rúmar fimm mínútur voru til leiksloka að KR-ingum tókst loksins að brjóta ísinn. Þar var á ferðinni Hallur Hanson eftir stoðsendingu frá Theodóri Elmari Bjarnasyni.

Njarðvíkingar reyndu hvað þeir gátu til að jafna metin, en allt kom fyrir ekki og KR-ingar eru því á leið í átta liða úrslit Mjólkurbikarsins.