Innlent

Sex atkvæða munur í Grímsnes- og Grafningshreppi

Hallgerður Kolbrún E. Jónsdóttir skrifar
Litlu munaði á atkvæðum sem féllu til E-listans og G-listans.
Litlu munaði á atkvæðum sem féllu til E-listans og G-listans. Vísir/Vilhelm

Hársbreidd munaði á atkvæðafjölda E-listans og G-listans í Grímsnes- og Grafningshreppi í sveitarstjórnarkosningunum á laugardag en E-listinn bar naumlega sigur úr bítum með sex atkvæða mun. 

Fram kemur á heimasíðu hreppsins að E-listinn, Listi óháðra lýðræðissinna hafi fengið 148 atkvæði eða 51,0% og G-listinn, Framboðslisti um framsýni og fyrirhyggju, hafi fengið 142 atkvæða eða 49,0%. 

395 eru á kjörskrá í Grímsnes- og Grafningshreppi og 294 greiddu atkvæði eða 74,4%. 

Sveitarstjórnin verður þannig skipuð: 

  • Ása Valdís Árnadóttir (E)
  • Björn Kristinn Pálmarsson (E)
  • Smári Bergmann Kolbeinsson (E) 
  • Ragnheiður Eggertsdóttir (G)
  • Dagný Davíðsdóttir (G)
Sveitarstjórnarkosningar 2022 Grímsnes- og Grafningshreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið


Velkomin á Vísi. Þessi vefur notar vafrakökur. Sjá nánar.