Fótbolti

Val­geir Lund­dal lagði upp | Ísak Berg­mann kom við sögu hjá FCK

Runólfur Trausti Þórhallsson skrifar
Valgeir Lunddal lagði upp í dag.
Valgeir Lunddal lagði upp í dag. Göteborgs-Posten

Valgeir Lunddal Friðriksson lagði upp þriðja mark Häcken er liðið lagði Varbergs í sænsku úrvalsdeildinni í fótbolta. Þá kom aðeins einn Íslendingar við sögu í toppslag dönsku úrvalsdeildarinnar.

Valgeir Lundal var í byrjunarliði Häcken sem átti ekki í miklum vandræðum með Varbergs. Heimamenn voru 2-0 yfir í hálfleik en Valgeir lagði upp þriðja mark leiksins þegar tæp klukkustund var liðin.

Hann fékk þá sendingu upp vinstra megin og lyfti boltanum á fjær þar sem Uddenas Oscar skallaði boltann í netið. 

Staðan orðin 3-0 og virtist sem það yrði lokatölur en gestirnir fengu tvær vítaspyrnur undir lok leiks. Sú fyrri fór forgörðum á meðan sú síðari endaði í netinu og leiknum lauk því með 3-1 sigri Häcken.

Häcken er í 5. sæti með 11 stig eftir sex umferðir.

Í Danmörku mættust Midtjylland og FC Kaupmannahöfn í toppslag deildarinnar. Ísak Bergmann Jóhannesson kom inn af bekk FCK þegar fimm mínútur voru til leiksloka á meðan Hákon Arnar Haraldsson sat allan tímann á bekknum.

Elías Rafn Ólafsson lék ekki með Midtjylland vegna meiðsla og Andri Fannar Baldursson var ekki í leikmannahóp FCK.

Þegar fjórar umferðir eru eftir munar aðeins þremur stigum á liðunum. FCK trónir á toppnum með 58 stig á meðan Midtjylland er með 55 stig.

Ísak Bergmann byrjaði leikinn á bekknum.vísir/Getty



Fleiri fréttir

Sjá meira


×