Innlent

Land­spítali á neyðar­stigi en unnið að af­léttingu tak­markana

Viktor Örn Ásgeirsson skrifar
Landspítali Háskólasjúkrahús Fossvogi
Landspítali Háskólasjúkrahús Fossvogi

Landspítali er á neyðarstigi og 55 sjúklingar eru inniliggjandi með Covid á spítalanum. Farsóttanefnd skoðar möguleika á afléttingum á takmörkunum innan spítalans vegna faraldursins en ólíklegt að hratt verði farið af stað.

Áfram er mikið um greiningar á bráðamóttöku og hjá innlögðum sjúklingum, segir í tilkynningu frá farsóttanefnd. 55 sjúklingar liggja inni með Covid á Landspítala, þar af þrír á gjörgæslu og allir í öndunarvél. Þá eru að lágmarki 253 starfsmenn spítalans í einangrun.

Í tilkynningunni segir að farsóttanefnd muni skoða möguleika á notkun hraðgreiningarprófa. Þar að auki verði skoðað hvort hægt sé að aflétta takmörkunum og sóttvörnum á spítalanum en farsóttanefnd virðist þó ekki bjartsýn eins og staðan er í dag.

„Ekki er búist við að neitt stórt gerist í þeim efnum á meðan faraldurinn geisar sem aldrei fyrr en mikilvægt að horfa fram í tímann og draga upp útlínur að áætlun,“ segir í tilkynningunni.

Landspítalinn Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið