Innlent

Marta fer ekki fram gegn Hildi en gefur kost á sér í annað sætið

Hólmfríður Gísladóttir skrifar
Marta Guðjónsdóttir hefur verið borgarfulltrúi Sjálfstæðisflokksins frá árinu 2017.
Marta Guðjónsdóttir hefur verið borgarfulltrúi Sjálfstæðisflokksins frá árinu 2017. Vísir/Vilhelm

Marta Guðjónsdóttir borgarfulltrúi hyggst ekki fara fram gegn Hildi Björnsdóttur í prófkjöri Sjálfstæðismanna í Reykjavík fyrir borgarstjórnarkosningarnar í vor. Þess í stað sækist hún eftir öðru sætinu á lista Sjálfstæðisflokksins.

Frá þessu er greint í Morgunblaðinu í morgun.

Marta hafði áður greint frá því að hún hefði fengið hvatningu til að sækjast eftir oddvitasætinu og íhugaði það.

„Ég hef einlægan áhuga á því að fá að vinna áfram að stefnumálum Sjálfstæðisflokksins í borgarstjórn og snúa frá gjaldþrota stefnu núverandi meirihluta,“ segir Marta.

Meðal stefnumála hennar er að tryggja nægt framboð lóða í borginni, meira aðhald í borgarrekstrinum og heildstæða samgöngustefnu fyrir alla ferðamáta.

Sveitarstjórnarkosningar 2022 Reykjavík Sjálfstæðisflokkurinn Borgarstjórn

Tengdar fréttir

Marta íhugar að fara fram gegn Hildi

Marta Guðjónsdóttir, borgarfulltrúi Sjálfstæðisflokksins, liggur nú undir feldi og íhugar að bjóða sig fram í oddvitasætið í Reykjavík. Ef af verður fer hún fram gegn Hildi Björnsdóttur, sem skipaði annað sætið á lista flokksins fyrir síðustu kosningar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið