Innlent

Marta íhugar að fara fram gegn Hildi

Hólmfríður Gísladóttir skrifar
Marta og Hildur hafa starfað saman í borginni síðustu fjögur ár.
Marta og Hildur hafa starfað saman í borginni síðustu fjögur ár.

Marta Guðjónsdóttir, borgarfulltrúi Sjálfstæðisflokksins, liggur nú undir feldi og íhugar að bjóða sig fram í oddvitasætið í Reykjavík. Ef af verður fer hún fram gegn Hildi Björnsdóttur, sem skipaði annað sætið á lista flokksins fyrir síðustu kosningar.

Frá þessu er greint í Morgunblaðinu í dag.

„Ég hef verið að fá hvatningu og hún er að koma víða að,“ er haft eftir Mörtu, sem segist þakklát fyrir stuðninginn. Hún segist muni gera upp hug sinn fljótlega.

„Ég vil taka málið til gaumgæfilegrar athugunar og þá í samráði við mína fjölskyldu og mitt bakland, þar sem þetta er stór ákvörðun sem maður tekur ekki einn.“

Eyþór Arnalds, núverandi oddviti Sjálfstæðismanna í borginni, hefur þegar gefið út að hann hyggist ekki sækjast eftir forystusætinu.

Sveitarstjórnarkosningar 2022 Reykjavík Sjálfstæðisflokkurinn Borgarstjórn

Mest lesið


Fleiri fréttir

Sjá meira


×

Mest lesið